ກອງປະຊຸມເປີດບັ້ນດຳເນີນຊິວິດການເມືອງຂອງກອງບັນຊາການ ປກສ ເມືອງບາຈຽງຈະເລີນສຸກ ແຂວງຈໍາປາສັກ ໄດ້ໄຂຂື້ນຢ່າງເປັນທາງການໃນວັນທີ 1 ເມສາ 2021 ຢູ່ທີ່ສະໂມສອນກອງບັນຊາການ ປກສ ເມືອງ ໂດຍໃຫ້ກຽດເປັນປະທານຂອງສະຫາຍ ອຳນວຍ ເຮືອງວົງສາ ຮອງເລຂາພັກເມືອງ ຜູ້ຊີ້ນຳວຽກງານພັກ-ພະນັກງານແລະອົງການຈັດຕັ້ງມະຫາຊົນ ມີສະຫາຍ ພັທ ສີພູມ ທອງສະໝຸດ ກຳມະການພັກເມືອງ ຫົວໜ້າກອງບັນຊາການ ປກສ  ເມືອງ, ສະຫາຍຄະນະພັກ-ຄະນະບັນຊາ, ນາຍ ແລະ ພົນຕຳຫຼວດພາຍໃນກອງບັນຊາການ, ຫົວໜ້າຫ້ອງການ-ຮອງຫົວໜ້າຫ້ອງອ້ອມຂ້າງເມືອງເຂົ້າຮ່ວມ.


ໃນພິທີສະຫາຍ ພັທ ສິມມະນີ ສີດາວົງ ຮອງຫົວໜ້າກອງບັນຊາການ ປກສ ເມືອງຂື້ນຜ່ານເອກະສານເສີມຂະຫຍາຍທາດແທ້ ແລະ ມູນເຊື້ອປະຕິວັດອັນສະຫງ່າງາມ ຂອງກຳລັງປ້ອງກັນຄວາມສະຫງົບປະຊາຊົນລາວ ຜ່ານເອກກະສານກ່ຽວກັບມູນເຊື້ອວັນສ້າງຕັ້ງກຳລັງປ້ອງກັນຄວາມສະຫງົບຄົບຮອບ60ປີ, ຜ່ານເອກກະສານຝືກຝົນຫຼໍ່ຫຼອມຄຸນສົມບັດສິນທໍາປະຕິວັດ ແລະ ປັບປຸງແບບແຜນວິທີເຮັດວຽກຂອງນາຍ ແລະ ພົນຕໍາຫຼວດໃນໄລຍະໃໝ່, ຜ່ານເອກກະສານຄໍາແນະນໍາເຈາະຈີ້ມເນື້ອໃນສໍາຫຼວດບຸກຄົນ ເພື່ອຮັບໃຊ້ບັ້ນດໍາເນີນຊິວິດການເມືອງ ຈາກນັ້ນສະຫາຍ ຮອ ສຸວິໄຊ ຄໍາວົງໃສ ຂື້ນຜ່ານຂໍ້ຕົກລົງແຕ່ງຕັ້ງຄະນະຮັບຜິດຊອບຊີ້ນໍາແບ່ງຈຸໜ່ວຍສໍາຫຼວດ ໃນການດຳເນີນການເຄື່ອນໄຫວວຽກງານປ້ອງກັນຄວາມສະຫງົບປະຈໍາປີ 2020 ແລະ ແຜນການທິດທາງປີ 2021 ພ້ອມທັງຕໍານິສົ່ງຂ່າວເຊີ່ງກັນ ແລະ ກັນແຕ່ລະບັນຫາຢ່າງລະອຽດເພື່ອນໍາເຂົ້າໄປສ່ອງແສງລາຍງານຕໍ່ຄະນະຮັບຜິດຊອບໃນບາງບັນຫາການດຳເນີນຊິວິດການເມືອງ, ສະຫຼຸບຕິລາຄາຄືນການນໍາພາ-ບັນຊາການຂອງຄະນະພັກ-ຄະນະບັນຊາມີຄວາມເປັນເອກກະພາບພາຍໃນພັກ ເພີ້ມທະວີຄວາມເປັນແບບຢ່າງນໍາໜ້າໃນຫຼາຍຂົງເຂດໃຫ້ນາຍ ແລະ ພົນຕໍາຫຼວດເປັນແບບຢ່າງໃນການກະທຳ ແລະ ແບບແຜນດຳລົງຊິວິດເອົາໃຈໃສ່ຄົ້ນຄວ້າເຊື່ອມຊືມກົດໜາຍລະບຽບຂອງພັກ ຂອງກໍາລັງປ້ອງກັນຄວາມສະຫງົບໃຫ້ມີຄວາມໜັກແໜ້ນ, ເຂັ້ມແຂງດີຂື້ນເປັນກ້າວ.

ຂ່າວ-ພາບ : ຮທ ຍົນວິໄລ ເສນາວົງ ນັກຂ່າວ ປກສ ເມືອງ