ມີເດຍລາວແຂວງຈຳປາສັກ ​ຂ່າວ -​ ພາບ ໄຊຍະສິດ​ ສີຫາວົງ​ ຖວທ ເມືອງ​ຈຳປາສັກ.​​
ຕອນບ່າຍຂອງວັນທີ 9/6/2021​ນີ້ຢູ່ທີ່ສະໂມສອນຂອງເມືອງຈຳປາສັກໄດ້ເປີດກອງປະຊຸມເຜີຍແຜ່ປະກາດການຈັດຕັ້ງສັບຊ້ອນໜ້າທີ່ໃໝ່ຂອງອົງການຈັດຕັ້ງຂອງເມືອງ.​ໂດຍການເຂົ້າຮ່ວມເປັນປະທານຂອງ ທ່ານ ສະຫວາດ ແກ້ວບັນດິດ ເລຂາພັກເມືອງ ເຈົ້າເມືອງໆຈຳປາສັກ ມີທ່ານ ຈັນທະບູນ ສີປະເສີດ ເລຂາຄະນະພັກຮາກຖານພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງ ທ່ານ ຄຳ ນີລະວົງ ຮອງຫົວໜ້າພະແນກກະສີກຳແລະປ່າໄມ້ແຂວງໆຈຳປາສັກ.​ໂດຍອີງຕາມຂໍ້ຕົກລົງ ວ່າການແຕ່ງຕັ້ງຫົວໜ້າຫ້ອງການກະສີກຳ ແລະ ປ່າໄມ້ເມືອງ ແລະ ຫົວໜ້າຫ້ອງການຊັບພະຍາກອນທຳມະຊາດ ແລະ ສິ່ງແວດລ້ອມເມືອງ ຜູ້ໃໝ່.

​ອີງຕາມກົດໝາຍການປົກຄອງທ້ອງຖິ່ນ ຂອງສປປລາວ ສະບັບເລກທີ68/ສພຊ ລົງວັນທີ14ທັນວາ2015 ໝວດທີ4 ມາດຕາ40 ວ່າດ້ວຍພາລະສິດແລະໜ້າທີ່ຂອງເຈົ້າເມືອງ.ອີງຕາມມະຕິຂອງຄະນະປະຈຳພັກແຂວງສະບັບເລກທີ132/ຄຈພຂລົງວັນທີ30ມັງກອນ2020ວ່າດ້ວຍການຮັບຮອງເອົາຜົນການເລືອກຕັ້ງ ແລະ ແບ່ງງານ,​ແບ່ງຄວາມຮັບຜິດຊອບໃນຄະນະບໍລິຫານງານພັກເມືອງຈຳປາສັກສະໄໝທີVIll.​ອີງຕາມໜັງສືສະເໜີຂອງພະແນກກະສີກຳແລະປ່າໄມ້ແຂວງສະບັບເລກທີ0721/ກປຂ ຈສ ລົງວັນທີ11ມີນາ2021.​ອີງຕາມໜັງສືຂອງພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງ.​ອີງຕາມ ໜັງສືສະເໜີຂອງຄະນະຈັດຕັ້ງເມືອງຈຳປາສັກສະບັບເລກທີ49/ຄຈຕມ, ຈສ, ລົງວັນທີ28ເມສາ 2021 ເຈົ້າເມືອງຈຳປາສັກ ຕົກລົງ ແຕ່ງຕັ້ງ 1/ທ່ານ ວັດທະນາ ທອງສະຫັວນ​ ກຳມະການພັກເມືອງ ຮອງຫົວໜ້າຫ້ອງການກະສີກຳແລະປ່າໄມ້ເມືອງ ຂື້ນເປັນຫົວໜ້າຫ້ອງການກະສີກຳ ແລະ ປ່າໄມ້ເມືອງ.

2/ທ່ານ ບຸນຍັງ ຂັນທະວົງໄຊ ກຳມະການພັກເມືອງ ຫົວໜ້າຫ້ອງການກະສີກຳແລະປ່າໄມ້ເມືອງຈຳປາສັກ ຂື້ນເປັນຫົວໜ້າຫ້ອງການຊັບພະຍາກອນທຳມະຊາດ ແລະ ສິ່ງແວດລ້ອມເມືອງຈຳປາສັກ. 3/ທ່ານ ໂສປະສິດ ວັດທະນາສິນ ຫົວໜ້າໜ່ວຍງານລ້ຽງສັດ ແລະ ການປະມົງ ຂື້ນເປັນຮອງຫົວໜ້າຫ້ອງການກະສີກຳແລະປ່າໄມ້ເມືອງຈຳປາສັກ…..