ມີເດຍລາວແຂວງຈຳປາສັກ
ໃນວັນທີ 14 ກັນຍາ 2021 ຫ້ອງການ ແຜນການ ແລະ ການລົງທຶນ ເມືອງມຸນລະປາໂມກໄດ້ຈັດກອງປະຊຸມ ກຳນົດສ້າງແຜນປະຕິບັດ ແຜນພັດທະນາເສດຖະກິດ-ສັງຄົມ ໃນໄລຍະ 5 ປີ ຄັ້ງທີ IX 2020-2024 ຂື້ນຢູ່ທີ່ຫ້ອງປະຊຸມຊັ້ນ II ຂອງຫ້ອງວ່າການເມືອງ ໂດຍພາຍໄຕ້ການເປັນປະທານຂອງທ່ານ ວັນນະເດດ ແກ້ວຈັນທາ ຮອງເຈົ້າເມືອງໆມຸນລະປາໂມກ ຜູ້ຊີ້ນຳຂົງເຂດເສດຖະກິດ.ມີ ທ່ານ ຮອງເລຂາພັກເມືອງ,ທ່ານ ໃນຄະນະປະຈຳພັກເມືອງ,ກຳມະການພັກເມືອງ,ຫົວໜ້າຫ້ອງການກົມກອງອ້ອມຂ້າງເມືອງເຂົ້າຮ່ວມ.
ຈຸດປະສົງຂອງກອງປະຊຸມກໍ່ເພື່ອ:ກຳນົດສ້າງແຜນປະຕິບັດ ຈັດລຽງບູລິມະສິດ ຂອງແຕ່ລະໂຄງການ ເຂົ້າໃນແຜນກຳນົດ 5 ປີ 2020-2024.

ໃນກອງປະຊຸມ ທ່ານ ຄຳເຜີຍ ມາລາເດດ ຫົວໜ້າຫ້ອງການແຜນການ ແລະ ການລົງທຶນເມືອງກໍ່ໄດ້ຊີ້ແຈ້ງຫົວຂໍ້ການຄົ້ນຄົ້ວ ກຳນົດສ້າງແຜນ ປະຕິບັດແຜນພັດທະນາເສດຖະກິດ-ສັງຄົມ ໃນໄລຍະ 5 ປີ ຄັ້ງທີ IX 2020-2024 ຂອງເມືອງມຸນລະປາໂມກ ເຊີ່ງມີ 25 ແຜນຈຸດສຸມ,ມີ 128 ໂຄງການ.ໃນນັ້ນ ແຜນຈຸດສຸມໃນຂົງເຂດເສດຖະກິດປະກອບມີ 7 ຈຸດສຸມ 54 ໂຄງ ການ,ຂົງເຂດວັດທະນະທຳ-ສັງຄົມ ປະກອບມີ 7 ຈຸດສຸມ 43 ໂຄງການ,ຂົງເຂດສິ່ງແວດລ້ອມປະກອບມີ 4 ຈຸດສຸມ 12 ໂຄງການ ແລະ ຂົງເຂດທີ່ພົວພັນກັບຫຼາຍຂະແໜງການປະກອບມີ 7 ຈຸດສຸມ 19 ໂຄງການ.

ຈາກນັ້ນ ບັນດາຜູ້ແທນທີ່ເຂົ້າຮ່ວມກອງປະຊຸມກໍ່ໄດ້ຄົ້ນຄົ້ວປຶກສາຫາລືປະກອບຄຳຄິດຄຳເຫັນເຂົ້າໃສ່ແຜນປະຕິບັດ ແຜນພັດທະນາເສດຖະກິດ-ສັງຄົມ 5 ປີຄັ້ງທີ IX ປີ 2020-2024. ໂດຍ:ໜູລີ່ ຖວທເມືຶອງມຸນ