ມີເດຍລາວແຂວງຈຳປາສັກ ຜູ້ໂພສ: ດາວພະຈັນ ໄຊຍະວົງ ພາບ-ຂ່າວ: ສຸລິຍາ. ນັກຂ່າວເມືອງມຸນລະປາໂມກ ໃນວັນທີ 22 ມິຖຸນາ 2021 ກອງປະຊຸມຄົບຄະນະບໍລິຫານງານສະຫະພັນກຳມະບານເມືອງມຸນລະປາໂມກຄັ້ງທີ3 ສະໄໝທີ Vlll ໄດ້ເປີດຂື້ນຢ່າງເປັນທາງການ ຢູ່ທີ່ສະໂມສອນຂອງເມືອງ ໃຫ້ກຽດເປັນປະທານຂອງສະຫາຍ ທອງພູນ ເພັງສະຫັວນ ຮອງເລຂາພັກເມືອງ (ຜູ້ຊີ້ນຳວຽກງານອົງການຈັດຕັ້ງມະຫາຊົນ) ເປັນກຽດເຂົ້າຮ່ວມຂອງ ສະຫາຍ ນາງ ສາຍສະໝອນ ຄຳພາປັດ ຮອງປະທານສະຫະພັນກຳມະບານແຂວງ,ສະຫາຍ ຄຳແອ້ວ ພອນສີປະເສີດ ກຳມະການພັກເມືອງ ປະທານສະຫະພັນກຳມະບານເມືອງ, ມີ ຄະນະບໍລິຫານງານສະຫະພັນກຳມະບານເມືອງປະທານຮາກຖານ, ຫົວໜ້າໜ່ວຍກຳມະບານ, ຫ້ອງການພາຄີ ເຂົ້າຮ່ວມຢ່າງພ້ອມພຽງ.

ໃນພິທີ ໄດ້ຮັບຟັງຜ່ານບົດສະຫຼຸບ 1 ປີ 2020 ແລະ ທິດທາງແຜນການ 1 ປີ 2021,ຜ່ານບົດສໍາຫຼວດການນຳພາລວມຂອງຄະນະບໍລິຫານງານກຳມະບານເມືອງ: ໃນໄລຍະ 1 ປີ ຜ່ານມາຄະນະບໍລິຫານງານສະຫະພັນກຳມະບານເມືອງໄດ້ເອົາໃຈໃສ່ຈັດຕັ້ງຜັນຂະຫຍາຍມະຕິx ຂອງກົມການເມືອງສູນກາງພັກ, ມະຕິ Vlll ຂອງອົງຄະນະພັກແຂວງ-ເມືອງ, ມະຕິ Vlll ຂອງສະຫະພັນກຳມະບານເມືອງວາງອອກ ລົງສູ່ກຳມະບານຮາກຖານ,ໜ່ວຍກຳມະບານໃນທົ່ວເມືອງໄດ້ສຳເລັດ 100%,ເຜີຍແຜ່ບົດແນະນຳຂໍ້ແຂ່ງຂັນ 5 ເປັນເຈົ້າໃຫ້ສາມະຊີກກຳມະບານ,ກຳມະກອນ ແລະ ຊາວຜູ້ອອກແຮງງານສຳເລັດ 100%, ໄດ້ລົງເຄື່ອນໄຫວປັບປຸງ ອົງການຈັດຕັ້ງແຕ່ລະຂັ້ນໃນຄວາມຮັບຜິດຊອບຂອງຕົນໄດ້ສຳເລັດ 100%ມີສາມະຊີກກຳມະບານທັງໝົດ 809 ທ່ານ,ຍິງ 389 ສະຫາຍ, ກຳມະບານຮາກຖານມີ 22 ຮາກຖານ, ມີ 36 ໜ່ວຍຂື້ນກັບ, ໜ່ວຍກຳມະບານເອກະລາດມີ 19 ໜ່ວຍ, ຄະນະບໍລິຫານງານມີ 19 ສະຫາຍ, ຍີງ 4 ສະຫາຍ,ປະຈຳການ 2 ສະຫາຍ, ລົງຮາກຖານ1ສະຫາຍ, ປະຈຳການຢູ່ແຕ່ລະກຳມະບານຮາກຖານ 16ສະຫາຍ,ຍີງ 4 ສະຫາຍ,ກຳມະບານອາຊີບ 9 ສະຫາຍ,ຍີງ2 ສະຫາຍ,ສຳເລັດການເປີດຂະບວນການຈັບຄູ່ແຂ່ງຂັນຕາມຫົວຂໍ້ແຂ່ງຂັນ 5 ເປັນເຈົ້າຂອງອົງການສູນກາງກຳມະບານລາວ,ປະເມີນເນື້ອໃນຂໍ້ແຂ່ງຂັນ 5 ເປັນເຈົ້າ ຂອງສະຫະພັນກຳມະບານລາວປະຈຳປີ 2020 ສຳເລັດ 100%ປະເພດດີເດັ່ນ: ກຳມະບານຮາກຖານດີເດັ່ນມີ 17 ຮາກຖານກວມເອົາ 77,27%,ໜ່ວຍກຳມະບານດີເດັ່ນມີ 33 ໜ່ວຍກວມເອົາ 70,21%,ສາມະຊີກກຳມະບານດີເດັ່ນມີ 677 ສະຫາຍ,ກວມເອົາ 83,68%,ປະເພດດີ ກຳມະບານດີມີ 5ຮາກຖານກວມເອົາ 22,72%,ໜ່ວຍກຳມະບານດີມີ 14ໜ່ວຍ ກວມເອົາ 29,78%,ສາມະຊີກກຳມະບານດີມີ 132ສະຫາຍ,ກວມເອົາ 16,32%.

ຈາກນັ້ນຍັງໄດ້ຮັບຟັງ ຜ່ານບົດລາຍງານການປັບປຸງ ເນື້ອໃນຂໍ້ແຂ່ງຂັນ 5 ເປັນເຈົ້າ ແລະ ຜ່ານເອກະສານສໍາຄັນອີກຈຳນວນໜື່ງພ້ອມ.
ຕອນທ້າຍ ທ່ານ ທອງພູນ ເພັງ ສະຫັວນ ຮອງເລຂາພັກເມືອງ ຜູ້ຊີ້ນຳວຽກງານອົງການຈັດຕັ້ງມະຫາຊົນ ປະທານກອງປະຊຸມ ກໍ່ໄດ້ມີຄຳເຫັນໂອ້ລົມຕໍ່ພິທີ ກ່ອນອື່ນທ່ານໄດ້ສະແດງຄວາມຍ້ອງຍໍຊົມເຊີຍ ທີ່ບັນດາສະຫາຍຍາດມາໄດ້ໃນ 1ປີຜ່ານມາທີ່ສາມາດຍາດມາໄດ້ຮາກຖານດີເດັ່ນ,ໜ່ວຍດີເດັ່ນ,ຄຽງຄູ່ກັບສີ່ງເຫຼົ່ານັ້ນກໍ່ຢາກຮຽກຮ້ອງໃຫ້ບັນດາສະຫາຍ ສືບຕໍ່ນຳພາການເມືອງແນວຄິດເປັນກົກ,ນຳເອົາທິດທາງ ໄປຈັດຕັ້ງຜັນຂະຫຍາຍ ເປັນຕົ້ນມະຕິຂອງສູນກາງ-ແຂວງ ເປັນແຜນວຽກ ແຜນງານລະອຽດ,ພ້ອມມີການສະຫຼຸບປະເມີນ,ຖອດຖອນບົດຮຽນແຕ່ລະໄລຍະເບີ່ງຄືນຂໍ້ຄົງຄ້າງທີ່ຈະສືບຕໍ່ແກ້ໄຂ,ໃຫ້ສືບຕໍ່ໃນການນຳພາການເມືອງແນວຄິດເປັນກົກ,ປັບປຸງການຈັດຕັ້ງໃຫ້ມີຄວາມເຂັ້ມແຂງດ້ວຍການແລກປ່ຽນກັບໜ່ວຍອື່ນເພື່ອໃຫ້ເປັນກຳມະບານ 5 ເປັນເຈົ້າຢ່າງແທ້ຈີງ.