ມີເດຍລາວແຂວງຫຼວງພະບາງ ວັນທີ 24 ພຶດສະພາ 2021 ຢູ່ສະໂມສອນໃຫຍ່ເມືອງໂພນໄຊ ແຂວງຫຼວງພະບາງ ໄດ້ຈັດກອງປະຊຸມປຶກສາຫາລຶບັນດາມາດຕະການວຽກງານປ້ອງກັນ,ຄວບຄຸມ ແລະ ການລະບາດຂອງພະຍາດໂຄວິກ-19 ໂດຍເປັນປະທານຂອງ ທ່ານ ທອງຈັນ ລັດຕະນະປະດິດ ເຈົ້າເມືອງໂພນໄຊ ,ມີຫົວໜ້າ-ຮອງຫ້ອງການ ແລະຄະນະສະເພາະກິດຂັ້ນເມືອງ ເຂົ້າຮ່ວມ.

ທ່ານ ດ້ວງ ສີທິວົງ ຫົວໜ້າຫ້ອງການສາທາລະນະສຸກເມືອງ ຜູ້ປະຈໍາການຄະນະສະເພາະກິດຂັ້ນເມືອງ ກ່າວວ່າ: ໄດ້ຜັນຂະຫຍາຍຄໍາສັ່ງເລກທີ 15/ນຍ,ລົງວັນທີ2/04/2021,ຄໍາສັ່ງເລກທີ 01/ຈຂ-ຫຼບ,ລົງວັນທີ່ 24/4/2021 ກ່ຽວກັບການເພີ້ມທະວີເອົາໃຈໃສ່ປະຕິບັດມາດຕະການສະກັດກັ້ນ,ຄວບຄຸມ ແລະ ກຽມພ້ອມຮອບດ້ານ ເພື່ອຕອບຕ້ານການລະບາດພະຍາດໂຄວິກ- 19 ຢູ່ເມືອງໂພນໄຊ ພາຍຫຼັງທີ່ພະຍາດໂຄວິດ -19 ໄດ້ມີການແຜ່ລະບາດຄືນຕື່ມຮອບທີ 2 ຜ່ານການລົງກວດກາ ແລະ ປະເມີນຂອງພາກສ່ວນທີ່ກ່ຽວຂ້ອງ ເຊິ່ງສົ່ງຜົນກະທົບຕໍ່ເສດຖະກິດຂອງເມືອງ ເນື່ອງຈາກວ່າ ສີນຄ້າມີການເໜັງຕີງເລັກໜ້ອຍ ຈາກລາຄາຈາກຕົ້ນທາງມີລາຄາສູງ ແລະ ສິນຄ້າຈໍານວນໜື່ງທີ່ທາງນັກທຸລະກິດມີການປະມູນມອບເໝົາຖອກເຂົ້າງົບປະມານໄປແລ້ວແຕ່ຍັງພົບຄວາມຫຍຸ້ງຍາກໃນການສົ່ງອອກສິນຄ້າໄປຕ່າງເມືອງ, ຕ່າງແຂວງເປັນຕົ້ນແມ່ນ ສິນຄ້າປະເພດສັດລ້ຽງ ງົວ, ຄວາຍ, ແຂມ, ຢາງພາລາ ນອກຈາກນັ້ນຍັງສົ່ງຜົນກະທົບຕໍ່່ຜູ້ປະກອບການ,ປະຊາຊົນທີ່ຢູ່ເຂດຫ່າງໄກສອກຫຼີກ ເປັນຕົ້ນແມ່ນການຊອກເກັບເຄື່ອງປ່າຂອງດົງ ມາຂາຍແຕ່ບໍ່ມີຜູ້ເກັບຊື້ ແລະ ແຮງງານຈໍານວນໜື່ງຢູ່ພາຍໃນເມືອງ ທີ່ໄປອອກແຮງງານຢູ່ໂຮງຈັກ, ໂຮງງານ ຢູ່ໃນຕົວເມືອງໃຫຍ່ ທັງພາຍໃນແລະຕ່າງປະເທດທີ່ກັບຄືນບ້ານແລ້ວເຊີ່ງເຮັດໃຫ້ຂາດລາຍຮັບໃນແຕ່ລະວັນ.

ສໍາລັບການປ້ອງກັນ ແລະຄວບຄຸມ ໂຄວິດ-19 ຜ່ານມາໄດ້ຕິດຕາມ, ກວດກາຈໍານວນພົນລະເມືອງ ແລະ ກຸ່ມສ່ຽງທີ່ເດີນທາງເຂົ້າ-ອອກເມືອງ ,ໄດ້ສົມທົບກັບ ປກສ ເມືອງ ເຄື່ອນໄຫວກວດກາລາດຕະເວນຢູ່ເທດສະບານເມືອງທຸກໆວັນ ຕະຫຼອດ 24 ຊົ່ວໂມງ,ເວນຍາມລະຫວ່າງບ້ານຕໍ່ບ້ານ, ບ້ານທີ່ມີເຂດແດນເຊື່ອມຕໍ່ລະຫວ່າງເມືອງຕໍ່ເມືອງ ແລະແຂວງ ຢ່າງເປັນປົກກະຕິ ປັດຈຸບັນສາມາດສັງລວມແຮງງານກຸ່ມສ່ຽງ ແລະ ປະຊາກອນທີ່ເດີນທາງເຂົ້າ-ອອກເມືອງ ໂດຍສະເພາະແມ່ນຈຸດກວດກາບ້ານນໍ້າບໍ່ ມີຄົນເດີ່ນທາງເຂົ້າແຕ່ວັນທີ່ 24ເມສາ ຫາ ວັນທີ 19 ພຶດສະພາ 2021 ມີຄົນຕ່າງປະເທດ 6 ຄົນ,ຍິງ 3 ຄົນ.

ບໍ່ມີເອກະສານ 3 ຄົນ,ຄົນພາຍໃນແຂວງ 377 ຄົນ,ຍິງ 87 ຄົນ ບໍ່ມີເອກສານ 25 ຄົນ ລວມທັງໜົດ 387 ຄົນ,ຍິງ 91 ຄົນ,ຄົນທີ່ເດີນທາງອອກ ແຕ່ວັນທີ 24 ເມສາ ຫາ 19ພຶດສະພາ 2021 ຕ່າງແຂວງ 3 ຄົນ,ຍິງ 1 ຄົນ, ບໍ່ມີເອກສານ 3 ຄົນ,ລວມພາຍໃນແຂວງ 155 ຄົນ,ຍິງ 39 ບໍ່ມີເອກະສານ 5 ຄົນ ລວມທັງໜົດ 158 ຄົນ,ຍິງ 40 ຄົນ ແລະ ຢູ່ສູນກັກກັນ ບ້ານທ່າຂ້າມ ເມືອງໂພນໄຊ ມີຄົນຕ່າງປະເທດ 6 ຄົນ,ຍິງ 2 ຄົນ,ອອກສູນແລ້ວ 3 ຄົນ,ຍິງ 2 ຄົນ,ຄົນພາຍໃນແຂວງ 35 ຄົນ,ຍິງ 7 ຄົນ 35 ຄົນ,ຍິງ 7 ຄົນ,ອອກສູນແລ້ວ 35 ຄົນ,ຍິງ 8 ຄົນ ເຂົ້າມາໃໜ່ 1 ຄົນ,ຍັງຄ້າງຢູ່ 1 ຄົນ ລວມທັງໜົດ 43 ຄົນ,ຍິງ 13 ຄົນ. ອອກສູນແລ້ວ 42 ຄົນ,ຍິງ 13 ຄົນ.

ນອກຈາກນັ້ນຍັງໄດ້ໃຊ້ມາດຕະການຕໍ່ພົນລະເມືອງ ທີ່ລັກລອບຜ່ານດ່ານຈຸດກວດກາຄົນເຂົ້າ-ອອກເມືອງ ແລະ ຈໍາພວກກຸ່ມສ່ຽງທີ່ມີລັກສະນະໃຊ້ທ່າທີຕອບໂຕ້ຕໍ່ເຈົ້າໜ້າທີ່ປະຈໍາຢູ່ຈຸດກວດກາ ພ້ອມດ້ວຍເຈົ້າໜ້າທີ່ຈໍານວນໜື່ງທີ່ໄດ້ອຳນວຍຄວາມສະດວກໃຫ້ແກ່ກຸ່ມສ່ຽງ ໃນການຜ່ານຈຸດກວດກາກັ່ນຕອງຢູ່ບ້ານນໍ້າບໍ່ ມາສຶກສາອົບຮົມ, ສ້າງບົດບັນທຶກພ້ອມທັງປັບໃໝຕາມລະບຽບກົດໝາຍ ຈໍານວນ 5 ກໍລະນີ.ທົ່ວເມືອງໂພນໄຊ ມີສູນກັກກັນ 1 ແຫ່ງ.
ຂ່າວ: ສີວອນ ນັກຂ່າວເມືອງໂພນໄຊ!