ມີເດຍລາວແຂວງຫຼວງພະບາງ ຂ່າວ ເມືອງຈອມເພັດ ກອງປະຊຸມປຶກສາຫາລືກ່ຽວກັບການເຝົ້າລະວັງ,ຄວບຄຸມ ແລະ ແກ້ໄຂບັນຫາການລະບາດຂອງພະຍາດໂຄວິດ 19 ໄດ້ຈັດຂຶ້ນໃນວັນທີ 23 ເມສາ ນີ້ທີ່ສະໂມສອນເມືຶອງຈອມເພັດ ແຂວງຫລວງພະບາງ ໂດຍເປັນປະທານຂອງ ທ່ານ ສົມສັກ ສິລີວົງ ຮອງເຈົ້າເມືອງຈອມເພັດ, ມີຄະນະສະເພາະກິດຂັ້ນເມືອງ, ອຳນວຍການໂຮງໝໍຊຸມຊົນ,ອຳນວຍການໂຮງໝໍນ້ອຍ ແລະ ຫົວໜ້າກຸ່ມທົ່ວເມືອງເຂົ້າຮ່ວມ.

ໃນວາລະກອງປະຊຸມ ທ່ານ ສີນວນ ໄຊຍະວົງ ຫົວໝ້າໝ່ວຍງານສົ່ງເສີມສຸຂະພາບ ແລະປ້ອງກັນພະຍາດ ຫ້ອງການສາທາລະນະສຸກເມືອງກໍ່ໄດ້ລາຍງານສະພາບ ການເຄື່ອນໄຫວ. ແກ້ໄຂການການເຝົ້າລະວັງ,ປ້ອງກັນ,ຄວບຄຸມ ແລະ ໂຕ້ຕອບພະຍາດໂຄວິດ 19 ເຊິ່ງເປັນພະຍາດທີສົ່ງຜົນກະທົບຕໍ່ສຸຂະພາບຂອງຄົນລວມທັງການພັດທະນາເສດຖະກິດຂອງພາກພຶ້ນ ແລະ ສາກົນ, ລວມທັງລາວ ປັດຈຸບັນມີຜູ້ຕິດເຊຶ້ອຫລາຍກວ່າ 143 ລ້ານກ່ວາຄົນ,ເສຍຊີວິດແລ້ວ 35ລ້ານ ກ່ວາຄົນ, ປະເທດທີຕິດເຊຶ້ອຫລາຍກວ່າໝູ່ແມ່ນສະຫະລັດ ອາເມລິກາ, ຮອງລົງມາແມ່ນປະເທດ ອິນເດຍ, ສຳລັດ ສປປລາວ ພວກເຮົາ ມາຮອດປັດຈຸບັນ ກວດພົບຜູ້ຕິດເຊຶ້ອໂຄວິດ 19 ທັງໝົດ 94ຄົນ, ໃນນັ້ນປິນປົວຫາຍດີ 45 ຄົນ, ຍັງສືບຕໍ່ປິນປົວ 46ຄົນ.

ເພື່ອເປັນການເຝົ້າລະວັງ,ຄວບຄຸມ ແລະ ແກ້ໄຂບັນຫາການລະບາດຂອງພະຍາດໂຄວິດ 19 ໃຫ້ໄດ້ຮັບຜົນນັ້ນ ເຈົ້າເມືອງກໍ່ໄດ້ແຕ່ງຕັ້ງຄະນະສະເພາະກິດຂັ້ນເມືອງຂຶ້ນໂດຍຫັນເອົາຄຳສັ່ງເລກທີ 06 / ນຍ, ປະຕິບັດໃຫ້ສອດຄອງຢູ່ທ້ອງຖິ່ນ ແລະ ໄດ້ຕັ້ງດ່ານວັດແທກອຸ່ນຫະພູມ 3 ຈຸດ, ຈຸດ ທ່າຂ້າມເຮືອ ບ້ານຊຽງແມນ ,ຈຸດບ້ານໝອງຈອງ ເມືອງຈອມເພັດ, ແລະ ຈຸດບ້ານຫັຼກ 62 ຊາຍແດນເມືອງຈອມເພັດ ຫົຼງສາແຂວງໄຊຍະບູລີ, ກອງເລຂາຂັ້ນເມືອງສົມທົບກັບຫ້ອງການສາທາລະນະສຸກ ແລະຫ້ອງການສະຫວັດດີການເມືອງໄດ້ໄປຮັບພະນັກງານຂໍການຊ່າງ ຈຳນວນ 11 ທ່ານ ມາກັກຕົວຢູ່ສູນ( ເຂື່ອນແມ່ນຳ້ຂອງເຂດນາຫຼວງເມືອງຈອມເພັດ ແຂວງຫຼວງພະບາງກຳນົດ 14 ວັນ)ແລະ ກໍ່ໄດ້ມີການກວດຄືນທັງໝົດບໍ່ພົບເຊຶ້ອຈິ່ງໄດ້ນຳສົ່ງກັບບ້ານ ໃນທີປະຊຸມ ປະທານ ກໍ່ໄດ້ເນັ້ນ ແລະ ແບ່ງຄວາມຮັບຜິດຊອບຢ່າງລະອຽດໃຫ້ຄະນະສະເພາະກິດເພື່ອຕິດຕາມຢູ່ຂັ້ນບ້ານໃຫ້ລະອຽດຖ້າຫາກເຈົ້າໜ້າທີກວດກາພົບເຫັນແຮງງານທີມາຈາກຕ່າງຖິ່ນໃຫ້ລາຍງາຍຢ່າງຮີບດ່ວນເພື່ອສະເໜີໃຫ້ຄະນະຮັບຜິດຊອບກວດກາໃຫ້ທ່ວງທັນກັບເວລາ.