ມີເດຍລາວແຂວງຜົ້ງສາລີ
ໃນຕອນເຊົ້າຂອງວັນທີ່ 9 ມີນາ 2021 ນີ້ຫ້ອງການ-ການເງິນເມືອງໃໝ່ຮວ່ມກັບຂະແໜງການເງິນແຂວງຜົ້ງສາລີໄດ້ເປີດກອງປະຊຸມຝຶກອົບຮົມວຽກງານບັນຊີຄູ່ຂອງຂະແໜງການເງິນຂຶ້ນຢ່າງເປັນທາງການ ໃນກອງປະຊູມຝືກອົບຮົມດັ່ງກ່າວໄດ້ຢູ່ທີ່ສະໂມສອນກອງບັນຊາການ ປ ກ ສ ເມືອງໃໝ່ ໂດຍພາຍໃຕ້ການເປັນປະທານຂອງທ່ານ ຄຳເລີດ ອິນແກ້ວ ກຳມະການປະຈຳພັກເມືອງ ຮອງເຈົ້າເມືອງ ຜູ້ຊີ້ນຳຂົງເຂດເສດຖະກິດຂັ້ນເມືອງ ມີບັນດາກຳມະການພັກເມືອງ,ຫົວໜ້າ-ຮອງຫົວໜ້າຫ້ອງການ,ທີມງານແຂວງ,ທີມງານເມືອງຕະຫຼອດຮອດພະນັກງານວິຊາການຜູ້ເຮັດວຽກບັນຊີແຕ່ລະຫ້ອງການອ້ອມຂ້າງເມືອງເຂົ້າຮວ່ມທັງໝົດ 43 ຄົນ,ຍິງ 20 ຄົນ.

ໃນທ່າມກາງບັນຍາກາດອັນມີຄວາມໝາຍ, ຄວາມສຳຄັນທ່ານ ບຸນຊູ ໝັ້ນລະຍາ ກຳມະການພັກເມືອງຫົວໜ້າຫ້ອງການ-ການເງິນເມືອງ ໄດ້ຂຶ້ນຜ່ານບົດສະຫຼຸບລາຍຮັບ-ລາຍຈ່າຍປະຈຳ 2020 ແລະ ວາງທິດທາງແຜນການ ປີ 2021 ເຊີ່ງທ່ານໄດ້ຍົກເຫັນດ້ານດີ , ດ້ານອອ່ນ ແລະ ຂໍ້ຄົງຄ້າງ ໃນການຈັດຕັ້ງປະຕິບັດໜຶ່ງປີຜ່ານມາ.ຫຼັງຈາກນັ້ນທີມງານຂະແໜງບັນຊີການເງິນແຂວງກໍ່ໄດ້ຂຶ້ນອະທິບາຍກ່ຽວກັບການເຮັດວຽກງານການເງິນກ່ຽວກັບບັນຊີຄູ່ໃຫ້ບັນດາພະນັກງານວິຊາການຜູ້ເຮັດວຽກບັນຊີຂອງແຕ່ລະຫ້ອງການອ້ອມຂ້າງເມືອງໄດ້ຮັບຮູ້ ແລະ ເຂົ້າໃຈຢ່າງຈະແຈ້ງເລິກເຊີ່ງ ເພື່ອນຳໄປຈັດຕັ້ງປະບັດວຽກງານຕົວຈິງໃຫ້ໄດ້ຮັບຜົນດີ.


ໃນກອງປະຊູມຝຶກອົມຮົມຄັ້ງນີ້ກໍ່ເພື່ອເຮັດໃຫ້ວຽກງານການເງິນການເກັບພາສີອາກອນ ລາຍຮັບ-ລາຍຈ່າຍຜ່ານປະຕູດຽວໃຫ້ໄປໃນລວງດຽວກັນ ແລະ ເພື່ອເຮັດໃຫ້ວຽກງານການເງິນມີຄວາມເປັນລະບຽບຮຽບຮ້ອຍຖືກຕ້ອງຕາມລະບຽບກົດໝາຍ ແລະ ມີຄວາມໂປ່ງໃສ. ສະນັ້ນທ່ານ ຄຳເລີດ ອິນແກ້ວ ກຳມະການປະຈຳພັກເມືອງ ຮອງເຈົ້າເມືອງຜູ້ຊີ້ນຳວຽງານຂົງເຂດເສດຖະກິດຍັງໄດ້ຮຽກຮ້ອງມາຍັງນັກສຳມະນາກອນໃຫ້ເອົາໃຈໃສ່ໃນການຝຶກອົບຮົມຄັ້ງນີ້ໃຫ້ມັນໄດ້ຮັບໝາກຜົນດີ ແລ້ວນຳເອົາໄປໜູນໃຊ້ເຂົ້າໃນການປະຕິບັດວຽກງານຕົວຈິງຂອງແຕ່ລະຫ້ອງການ ແລະ ສໍານັກງານອ້ອມຂ້າງເມືອງ.