ເພື່ອເປັນການສະຫລຸບ ຖອດຖອນບົດຮຽນ ການຈັດຕັ້ງປະຕິບັດ ວຽກງານກວດກາປະຈໍາປີ 2019, ຄະນະກວດກາສູນກາງພັກ-ອົງການ ກວດກາລັດຖະບານ ໄດ້ເປີດກອງປະຊຸມວຽກງານ ກວດກາທົ່ວປະເທດ, ປະຈຳປີ 2019 ຂຶ້ນໃນວັນທີ 8 ມັງກອນ 2020, ພາຍໃຕ້ການເປັນປະທານຂອງ ສະຫາຍ ບຸນທອງ ຈິດມະນີ ກຳມະການກົມ ການເມືອງສູນກາງພັກ, ເລຂາທິການສູນກາງພັກ, ຮອງນາຍົກລັດຖະມົນຕີ, ປະທານຄະນະກວດກາສູນ ກາງພັກ-ອົງການ ກວດກາລັດຖະບານ, ຫົວໜ້າອົງການ ຕ້ານການສໍ້ລາດບັງຫລວງຂັ້ນສູນກາງ, ມີບັນດາສະມາຊິກ ພັກ-ພະນັກງານ ທົ່ວຄະນະກວດ ການສູນກາງພັກ-ອົງການກວດກາລັດຖະບານ ເຂົ້າຮ່ວມ.

ກອງປະຊຸມຄັ້ງນີ້, ສະຫາຍ ສີໃນ ມຽງລາວັນ ຮອງເລຂາຄະນະພັກ, ຮອງປະທານຄະນະກວດກາ ສູນກາງພັກ-ອົງການ ກວດກາລັດຖະບານ ໄດ້ຂຶ້ນຜ່ານຮ່າງບົດສະຫລຸບ ຕີລາຄາການເຄື່ອນ ໄຫວວຽກງານ ຕິດຕາມ-ກວດກາ ແລະ ສະກັດກັ້ນ-ຕ້ານການສໍ້ລາດບັງຫລວງ ໃນປີ 2019, ທິດທາງແຜນການວຽກງານກວດກາ ປີ 2020. ເຊິ່ງໄລຍະ 1 ປີຜ່ານມາ ຄະນະພັກ, ອົງການປົກຄອງຄະນະກວດກາພັກ-ອົງການ ກວດກາລັດແຕ່ລະຂັ້ນ ໄດ້ສຸມໃສ່ຈັດຕັ້ງປະຕິ ບັດວຽກງານຕິດຕາມ, ກວດກາຕາມພາລະບົດບາດ, ໜ້າທີ່, ຂອບເຂດສິດຂອງຕົນ, ໂດຍສະເພາະແມ່ນ ຈັດຕັ້ງປະຕິບັດເນື້ອໃນຈິດໃຈ ຂອງກອງປະຊຸມວຽກງານ ກວດກາທົ່ວປະເທດຄັ້ງທີ່ III ແລະ ແຜນການວຽກງານກວດກາປະຈຳປີ 2020, ເຊິ່ງໄດ້ປະກອບສ່ວນສຳຄັນ ເຂົ້າໃນການປົກປັກຮັກສາ ສະຖຽນລະພາບທາງດ້ານການເມືອງ, ເສດຖະກິດ, ວັດຖະນະທຳ-ສັງຄົມ, ພະນັກງານ-ສະມາຊິກພັກ ມີຄວາມໜັກ ແໜ້ນທາງດ້ານການ ເມືອງແນວຄິດ, ມີຄວາມປອດໃສ-ເຂັ້ມແຂງທາງດ້ານການຈັດຕັ້ງ ແລະ ສະກັດກັ້ນ-ຕ້ານການສໍ້ລາດບັງຫລວງ ໃນທຸກຮູບແບບ.

     ຈາກນັ້ນ, ບັນດາສະຫາຍ ທີ່ເຂົ້າຮ່ວມກອງປະຊຸມ ຍັງໄດ້ຮັບຟັງການເຜີຍແຜ່ ເອກະສານສຳຄັນຕ່າງໆ ກ່ຽວກັບວຽກງານກວດກາ ເປັນຕົ້ນແມ່ນ ບົດລາຍງານ ກ່ຽວກັບການປັບປຸງກົງຈັກ ການຈັດຕັ້ງ-ພະນັກງານ; ບົດລາຍງານວຽກງານ ຕິດຕາມ-ກວດກາພັກ; ບົດລາຍງານ ກ່ຽບກັບການກວດກາຕາມຜົນ ການກວດສອບ ແລະ ຕິດຕາມ-ກວດກາ ການລົງທຶນຂອງລັດ ເລີ່ມແຕ່ຫົວທີ.

Medialaos