ມີເດຍລາວແຂວງວຽງຈັນ ຂ່າວ:ເມືອງວັງວຽງ. ຕອນແລງ ຂອງວັນທີ 17 ມິຖຸນາ 2021 ນີ້, ຢູ່ທີ່ຫ້ອງການບ້ານນາຂົມ ກຸ່ມບ້ານນາມອນ ເມືອງວັງວຽງ ແຂວງວຽງຈັນ, ໄດ້ຈັດກອງປະຊຸມວຽກງານພິສູດຫລັກຖານຂື້ນທະບຽນທີ່ດິນ ແລະ ອອກໃບຕາດິນຖາວອນ. ໂດຍການເຂົ້າຮ່ວມ ຂອງທ່ານ ອຸດາລອນ ໄຫຼໄຊຊະນະ ກຳມະການພັກເມືອງ ຫົວຫນ້າຫ້ອງການຍຸຕິທຳເມືອງ ທັງເປັນຫົວຫນ້າກຸ່ມບ້ານນາມອນ, ມີບັນດາທ່ານຮອງປະທານສະຫະພັນແມ່ຍິງເມືອງ, ຮອງຫົວຫນ້າຫ້ອງການຊັບພະຍາກອນນ້ຳແລະສິ່ງແວດລ້ອມ, ອຳນາດການປົກຄອງບ້ານ ແລະພໍ່ແມ່ປະຊາຊົນເຂົ້າຮ່ວມ.

ໃນກອງປະຊຸມຍັງໄດ້ຜ່ານບັນດາເອກະສານຂໍ້ຕົກລົງ ,ຂໍ້ກໍານົດຊົ່ວຄາວ , ແລະ ຊີ້ແຈ້ງຄວາມ
ໝາຍຄວາມສໍາຄັນ ແລະ ຄຸນປະໂຫຍດຂອງໃບຕາດິນຖາວອນ ພ້ອມທັງ ແນະນໍາວິທີການກະກຽມ ເອກະສານ ແລະ ວິທີ່ຝັ່ງຫຼັກເຂດ, ວຽກງານການສົ່ງເສີມບົດບາດ ຍິງ – ຊາຍ, ລະບຽບການກ່ຽວກັບເສັ້ນທາງ.

ກອງປະຊຸມຍັງຮັບຟັງການປະກອບຄຳຄິດຄຳເຫັນຈາກອຳນາດການປົກຄອງບ້ານ-ພໍ່ແມ່ປະຊາຊົນ ກ່ຽວກັບການ ຂື້ນຖະທຽນທີ່ດິນ ແລະ ອອກໃບຕາດິນຖາວອນ, ສະຫະພັນແມ່ຍິງເມືອງ, ຫ້ອງການຊັບພະຍາກອນນ້ຳແລະສິ່ງແວດລ້ອມ.
ຕອນທ້າຍ ທ່ານ ອຸດາລອນ ໄຫຼໄຊຊະນະ ກຳມະການພັກເມືອງ ຫົວຫນ້າຫ້ອງການຍຸດຕິທຳເມືອງ ຫົວຫນ້າກຸ່ມບ້ານນາມອນ ຍັງໄດ້ໃຫ້ກຽດປະກອບຄຳເຫັນພ້ອມທັງໂອ້ລົມຕື່ມອີກ.