ມີເດຍລາວແຂວງອຸດົມໄຊ
ເພື່ອສະຫຼຸບຕີລາຄາການຈັດຕັ້ງປະຕິບັດວຽກງານແຮງງານ ແລະສະຫວັດດີການສັງຄົມແຂວງອຸດົມໄຊໃນໄລຍະ 06 ເດືອນຕົ້ນປີ 2021 ແລະວາງທິດທາງແຜນການ 6 ເດືອນທ້າຍປີ 2021 ມາຮອດໃນ ວັນທີ 18 ມີຖຸນາ 2021 ທີ່ຜ່ານມາ ພະແນກແຮງງານ ແລະສະຫວັດດີການສັງຄົມແຂວງອຸດົມໄຊໄດ້ຈັດກອງປະຊຸມຕີລາຄາການຈັດຕັ້ງປະຕິບັດວຽກງານແຮງງານ ແລະສະຫວັດດີການສັງຄົມແຂວງອຸດົມໄຊໃນໄລຍະ 06 ເດືອນຕົ້ນປີ 2021 ແລະວາງທິດທາງແຜນການ 6 ເດືອນທ້າຍປີ 2021 ຂຶ້ນທີ່ຫ້ອງປະຊຸມຫ້ອງການປະກັນສັງຄົມແຂວງອຸດົມໄຊ. ໂດຍພາຍໃຕ້ການເປັນປະທານຂອງ ທ່ານ ນາງ ໄຊສະຫວັນ ນັນທະໄຊ ກຳມະການພັກແຂວງ ຫົວໜ້າພະແນກແຮງງານ ແລະສະຫວັດດີການສັງຄົມ, ມີຄະນະພັກ, ຄະນະພະແນກ, ຄະນະອຳນວຍການສູນພັດທະນາສີມືແຮງງານ, ຄະນະຫ້ອງການປະກັນສັງຄົມ, ຫົວໜ້າໜ້າ, ຮອງຫົວໜ້າຂະແໜງພາຍໃນພະແນກ ຮສສ ແລະພະນັກງານ-ລັດຖະກອນພາຍໃນພະແນກ ຮສສ, ສູນພັດທະນາສີມືແຮງງານ ແລະຫ້ອງການປະກັນສັງຄົມເຂົ້າຮ່ວມ.

ຈຸດປະສົງເພື່ອສະຫຼຸບການຈັດຕັ້ງປະຕິບັດວຽກງານແຮງງານ ແລະ ສະຫວັດດີການສັງຄົມແຂວງອຸດົມໄຊໃນໄລຍະ 06 ເດືອນຕົ້ນປີ 2021 ແລະວາງທິດທາງແຜນການ 6 ເດືອນທ້າຍປີ 2021, ຕີລາຄາດ້ານດີດ້ານອ່ອນ, ບົດຮຽນຖອດຖອນໄດ້ ແລະວິທີແກ້ໄຂໃນຕໍ່ໜ້າ, ຮັບຟັງການເຜີຍແຜ່ແຈ້ງການກ່ຽວກັບມາດຕະການຄຸ້ມຄອງ ແລະປະຕິບັດລາຍຈ່າຍງົບປະມານແຫ່ງລັດໄລຍະການແຜ່ລະບາດຂອງພະຍາດໂຄວິດ 19, ແຈ້ງການຂອງຫ້ອງວ່າການແຂວງກ່ຽວກັບການສະຫຼຸບລາຍງານວຽກວິຊາສະເພາະຂອງແຕ່ລະຂະແໜງການປະຈຳອາທິດ, ປະຈຳເດືອນ, 6 ເດືອນ, 9 ເດືອນ, ປະຈຳປີ ແລະວາງທິດທາງແຜນການ ແລະແຈ້ງການຜັນຂະຫຍາຍກ່ຽວກັບຄວາມປອດໄພຕາມຂອບເຂດແລວເສັ້ນທາງລົດໄຟຜ່ານເຂດແຂວງອຸດົມໄຊ. ໃນກອງປະຊຸມໄດ້ຮັບຟັງການຜ່ານສະຫຼຸບການຈັດຕັ້ງປະຕິບັດວຽກງານແຮງງານ ແລະສະຫວັດດີການສັງຄົມແຂວງອຸດົມໄຊໃນໄລຍະ 06 ເດືອນຕົ້ນປີ 2021 ແລະວາງທິດທາງແຜນການ 6 ເດືອນທ້າຍປີ 2021, ຕີລາຄາດ້ານດີດ້ານອ່ອນ, ບົດຮຽນຖອດຖອນໄດ້ ແລະວິທີແກ້ໄຂໃນຕໍ່ໜ້າ ແລະບັນດາແຈ້ງການຕ່າງໆ. ນອກຈາກນັ້ນ, ບັນດາທ່ານເຂົ້າຮ່ວມກອງປະຊຸມກໍໄດ້ມີຄຳຄິດຄຳເຫັນຕໍ່ກັບການຈັດຕັ້ງປະຕິບັດວຽກງານ ຮສສ ຢູ່ແຂວງອຸດົມໄຊໃນໄລຍະ 06 ເດືອນຕົ້ນປີ 2021 ແລະວາງທິດທາງແຜນການ 6 ເດືອນທ້າຍປີ 2021 ທີ່ກ່ຽວຂ້ອງກັບວຽກງານວິຊາສະເພາະຂອງຕົ້ນ ພ້ອມທັງຕີລາຄາດ້ານດີດ້ານອ່ອນ, ບົດຮຽນຖອດຖອນໄດ້ ແລະວິທີແກ້ໄຂໃນຕໍ່ໜ້າ ເພື່ອໃຫ້ບັນລຸຕາມບັນດາຄາດໝາຍ ແລະແຜນການທີ່ວາງໄວ້.

ໃນຕອນທ້າຍກອງປະຊຸມ ທ່ານ ນາງ ໄຊສະຫວັນ ນັນທະໄຊ ກໍ່ໄດ້ມີຄຳຄິດຄຳເຫັນຕໍ່ກັບບົດສະຫຼຸບວຽກງານ ຮສສ ໃນໄລຍະ 6 ເດືອນຕົ້ນປີ 2021 ໂດຍເນັ້ນໜັກໃຫ້ແຕ່ລະຂະແໜງການເອົາໃຈໃສ່ຈັດຕັ້ງປະຕິບັດວຽກງານວິຊາສະເພາະຂອງຕົນ ເປັນຕົ້ນແມ່ນເອົາໃຈໃສ່ຝຶກ ແລະພັດທະນາສີມືແຮງງານໃຫ້ໄດ້ຄຸນນະພາບ ເພື່ອຕອບສະໜອງຄວາມຕ້ອງການຂອງຕະຫຼາດແຮງງານ, ຈັດຫາວຽກເຮັດງານທຳໃຫ້ແກ່ບຸກຄົນທີ່ຫວ່າງງານໃຫ້ໄດ້ມີວຽກເຮັດງານທຳ, ກວດກາ ແລະແກ້ໄຂແຮງງານຕ່າງປະເທດທີ່ເຄື່ອນໄຫວບໍ່ຖືກຕ້ອງຕາມກົດໝາຍ, ປະຕິບັດນະໂຍບາຍຕໍ່ຜູ້ທີ່ມີຜົນງານ ແລະຄຸນງາມຄວາມດີທີ່ໄດ້ເສຍສະຫຼະຊີວິດ ແລະຍັງມີຊີວິດໃນການປະຕິວັດຊາດ ປະຊາທິປະໄຕ, ປະຕິບັດນະໂຍບາຍລະບົບປະກັນສັງຄົມໃຫ້ແກ່ຜູ້ປະກັນຕົນທັງພາກລັດ, ລັດວິສາຫະກິດ ແລະແບບສະໝັກໃຈ, ເອົາໃຈໃສ່ປະຕິບັດນະໂຍບາຍຊ່ວຍເຫຼືອສົງເຄາະຜູ້ທີ່ປະສົບເຄາະຮ້າຍຈາກໄພພິບັດຕ່າງໆ ແລະຊຸຍູ້ບັນດາພະແນກການ, 2 ກຳລັງກອງບັນຊາການ ປກຊ-ປກສ, ເມືອງ 7 ເມືອງ, ລັດວິສາຫະກິດ, ບໍລິສັດ, ຫ່າງຮ້ານ ແລະພໍ່ແມ່ປະຊາຊົນບັນດາເຜົ່າໃນການປະກອບເງິນເຂົ້າກອງທຶນແຮຊ່ວຍເຫຼືອສຸກເສີນປະຈຳປີ 2021 ໃຫ້ບັນລຸຕາມແຜນ ແລະມີການເຕີບໃຫຍ່ຂະຫຍາຍຕົວຂຶ້ນເລື່ອຍໆ.