ມີເດຍລາວແຂວງບໍ່ແກ້ວ ພາບ-ຂ່າວ: ຄຳພັນ ແກ້ວມະນີ
ກອງປະຊຸມ ສະຫຼູບການຈັດຕັ້ງປະຕິບັດແຜນງົບປະມານແຫ່ງລັດ 6 ເດືອນຕົ້ນປີ 2021 ແລະ ແຜນ ການ 6 ເດືອນທ້າຍປີ 2021 ຂອງພະແນກການເງິນແຂວງ ບໍ່ແກ້ວ ໄດ້ຈັດຂຶ້ນຢ່າງເປັນທາງການ ໃນວັນທີ 29 ມິຖຸນາ 2021 ນີ້ ໂດຍການເປັນປະທານ ຂອງທ່ານ ສົມຫວັງ ລໍວັນໄຊ ກຳມະການພັກແຂວງ ຫົວໜ້າພະແນກການເງິນແຂວງບໍ່ແກ້ວ, ມີບັນດາ ຫົວໜ້າຫ້ອງການ-ການເງິນ 5 ເມືອງ ຂະແໜງການທີ່ກ່ຽວຂ້ອງເຂົ້າຮ່ວມ.

ທ່ານ ຄຳພອນ ຈະເລີນພົນ ຫົວໜ້າຂະແໜງຈັດຕັ້ງ-ບໍລິຫານ ພະແນກການເງິນແຂວງ ບໍ່ແກ້ວ ສະຫຼຸບວ່າ: ຜ່ານການຈັດຕັ້ງປະຕິບັດແຜນງົບປະມານໃນ 6 ຕົ້ນປີ 2021 ສາມາດສ້າງລາຍຮັບເຂົ້າງົບປະມານຕາມການສະຫຼຸບຂອງຄັງເງິນແຫ່ງຊາດປະຈຳແຂວງດັ່ງນີ້: ດ້ານລາຍຮັບ 6 ເດືອນຕົ້ນປີ 2021 (ຮອດວັນທີ 25 ມິຖຸນາ 2021) ລວມທັງສູນກາງ ແລະ ທ້ອງຖິ່ນ, ແຜນການປີຈຳນວນ 409.276.000.000 ກີບ, ປະຕິບັດໄດ້ 138.514.643.118 ກີບ, ເທົ່າກັບ 33,84% ຂອງແຜນການປີ ( ທຽບໃສ່ໄລຍະດຽວກັນຂອງປີຜ່ານມາຫຼຸດລົງ 6,09% ). ລາຍຮັບພູດຂອງສູນກາງ,

ແຜນການປີຈຳນວນ: 270.176.000.000 ກີບ, ປະຕິບັດໄດ້: 95.089.276.595 ກີບ, ເທົ່າກັບ 35,20% ຂອງແຜນການປີ ( ທຽບໃສ່ໄລຍະດຽວກັນຂອງປີຜ່ານມາຫຼຸດລົງ 3,43% ) ໃນນີ້: ລາຍຮັບພາສີ: 94.173.053.400 ກີບ, ເທົ່າກັບ 35,22% ຂອງແຜນການປີ, ລາຍຮັບບໍ່ແມ່ນພາສີ, ສວຍສາອາກອນ, ຊັບສິນ ( ບ້ວງສູນກາງ ) 916.223.195 ກີບ, ເທົ່າກັບ 33,08% ຂອງແຜນການປີ. ລາຍຮັບທ້ອງຖິ່ນ, ແຜນການປີຈຳນວນ: 139.100.000.000 ກີບ, ປະຕິບັດໄດ້: 43.425.366.523 ກີບ, ເທົ່າກັບ31,22% ຂອງແຜນການປີທຽບໃສ່ໄລຍະດຽວກັນຂອງປີຜ່ານມາຫຼຸດລົງ 11,60% ລາຍຮັບສ່ວຍສາອາກອນ:40.508.727.393 ກີບ, ເທົ່າກັບ 30,34% ຂອງແຜນການປີ, ລາຍຮັບຊັບສິນຂອງລັດ:2.187.730.195 ກີບ, ເທົ່າກັບ 53,23% ຂອງແຜນການປີ, ລາຍຮັບບໍ່ແມ່ນພາສີ, ອາກອນ, ຊັບສິນ ( ບ້ວງທ້ອງຖິ່ນ ): 728.908.935 ກີບ, ເທົ່າກັບ 48,92% ຂອງແຜນການປີ.

ຕົວເລກລາຍຮັບແມ່ນ ລາຍຮັບທີ່ປະຕິບັດໄດ້ຢູ່ບັນດາຫ້ອງການ – ການເງິນເມືອງຄື: ເມືອງຫ້ວຍຊາຍ: ແຜນການ 5.508 ກວ່າລ້ານກີບ ປະຕິບັດໄດ້ຈຳນວນ 1.504 ລ້ານກວ່າກີບ, ເມືອງຕົ້ນເຜິ້ງ: ແຜນການ 6,301 ລ້ານກວ່າກີບ ປະຕິບັດ 1.623 ລ້ານກວ່າກີບ, ເມືອງເມິງ: ແຜນການ 1.032 ລ້ານກ່ວາກີບ ປະຕິບັດ ໄດ້ຈໍານວນ 376 ລ້ານກວ່າກີບ, ເມືອງປາກທາ: ແຜນການ 1.315 ລ້ານກວ່າກີບ ປະຕິບັດໄດ້ 491 ລ້ານກວ່າກີບ, ເມືອງຜາອຸດົມ: ແຜນການ 2.980 ລ້ານກວ່າກີບ ປະຕິບັດໄດ້ 956 ລ້ານກວ່າກີບ.

ການຈັດເກັບລາຍຮັບບໍ່ໄດ້ຕາມແຜນການ ຍ້ອນການແຜ່ລະບາດຂອງພະຍາດໂຄວິດ-19 ມີຜົນກະທົບໂດຍກົງ ຕໍ່ການດຳລົງຊີວິດການເປັນຢູ່ຂອງພະນັກງານ, ທະຫານ, ຕໍາຫຼວດ ແລະ ປະຊາຊົນບັນດາເຜົ່າ ແລະ ການ ດໍາເນີນທຸລະກິດ ຂອງບັນດານັກທຸລະກິດຜູ້ປະກອບການບ້ານພັກ, ໂຮງແຮມ, ຮ້ານອາຫານ ແລະ ກິດຈະການ ອື່ນໆ ແມ່ນດຳເນີນກິດຈະການບໍ່ໄດ້, ຜູ້ເຂົ້າຮ່ວມໄດ້ປະກອບຄຳເຫັນວ່າ: ການຈັດເກັບລາຍຮັບແມ່ນມີຄວາມຫຍຸ້ງຍາກ ຢູ່ຕົວເມືອງການດຳເນີນກິດຈຳການບໍ່ໄດ້, ເຂດຊົນນະບົດປະຊາຊົນສ່ວນຫຼາຍແມ່ນທຸກຍາກ ບໍ່ມີລາຍຮັບ. ວາລະກອງປະຊຸມ ຍັງໄດ້ຜ່ານຂໍ້ຕົກລົງກະຊວງການເງິນ ວ່າດ້ວຍການອະນຸມັດໃຫ້ພະນັກງານລັດຖະກອນ ພັກການຮັບອຸດໜູນບຳນານ ຈຳນວນ 2 ທ່ານ ຄື ນາງ ຄຳຫຼ້າ ແສງສີກອງ ອາຍຸກະສຽນ 57 ປີ ແລະ ທ່ານ ນາງ ຄຳຜຸຍ ແສງປະເສີດ ອາຍຸກະສຽນ 54 ປີ ນັບແຕ່ງວດ 3 ເດືອນ 7-8-9 ປີ 2021 ເປັນຕົ້ນໄປ.