ມີເດຍລາວແຂວງຈຳປາສັກ ໃນວັນທີ 18 ມິຖຸນາ 2021 ນີ້ທ່ານ ໂສມ ບຸດຕະກຸນ ຮອງເຈົ້າແຂວງໆຈຳປາສັກ ພ້ອມຄະນະ ໄດ້ນຳເອົາສີມັງຈຳນວນ 25 ໂຕນ ມາມອບໃຫ້ກອງພົນທີ 5 ໂດຍການຕ້ອນຮັບຂອງສະຫາຍ ພັນເອກ ຂັນທີ ສະໜາມອຸ່ນ ຫົວໜ້າການທະຫານ ກອງພົນທີ 5 ມີຄະນະພັກ – ຄະນະບັນຊາ ຈາກອົງການ 5 ຫ້ອງ ພ້ອມດ້ວຍພະນັກງານທີ່ກ່ຽວຂ້ອງ ເຂົ້າຮ່ວມເປັນສັກຂີພິຍານ.

ເພື່ອເປັນການປະກອບສວ່ນ ເຂົ້າໃນການ ປັບປຸງກໍ່ສ້າງກຳລັງ ປະກອບອາວຸດ ໃຫ້ມີຄວາມເຂັ້ມແຂງໜັກແໜ້ນ ເວົ້າລວມເວົ້າສະເພາະກໍ່ຄື ເປັນການປັບປຸງກໍ່ສ້າງພື້ນຖານໂຄງລ່າງ ຂອງບັນດາກົມກອງໃນກອງພົນທີ 5 ໃຫ້ມີໃຫ້ມີຄວາມແໜ້ນໜາຖາວອນ ຮັບປະກັນເຮັດສຳເລັດ ນ້າທີ່ໆການຈັດຕັ້ງຂັ້ນເທີງມອບໜາຍໃຫ້. ສີມັງທີ່ນຳມາມອບໃຫ້ຄັ້ງນີລວມມີ ສີມັງຂຽວ ຈຳນວນ 15 ໂຕນ ແລະ ມີມັງແດງ ຈຳນວນ 10 ໂຕນ ລວມ 25 ໂຕນລວມມູນຄ່າ 15.750.000 ກີບ ມາມອບໃຫ້ກອງພົນທີ 5 ກ່າວມອບໂດຍ ທ່ານ ໂສມ ບຸດຕະກຸນ ຮອງເຈົ້າແຂວງໆຈຳປາສັກ

ກ່າວຮັບໂດຍ ສະຫາຍ ພັນເອກ ຂັນທີ ສະໜາມອຸ່ນ ຫົວໜ້າການທະຫານກອງພົນທີ 5 ໂອກາດດັ່ງກ່າວ ສະຫາຍກໍ່ໄດ້ສະແດງຄວາມຍ້ອງຍໍຊົມເຊີຍ ພ້ອມທັງສະແດງຄວາມຂອບອົກ ຂອບໃຈ ເປັນຢ່າງຍີ່ງທີ່ ທ່ານຮອງເຈົ້າແຂວງໆຈຳປາສັກ ພ້ອມຄະນະທີ່ໄດ້ ນຳເອົາສີມັງມອບໃຫ້ຄັ້ງນີ້ ພ້ອມທັງອ່ວຍພອນແດ່ທ່ານ ພ້ອມຄະນະ ຈົ່ງມິສຸຂະພາບ ແຂງແຮງ ມີຄວາມຈະເລີນກ້າວໜ້າທີ່ໃນໜ້າທີ່ການຂອງທ່ານ ທຸກປະການ ສືບຕໍ່ພົວພັນຮ່ວມມື ກັນຊ່ວຍເຫຼືອເຊີ່ງກັນ ແລະ ກັນ ໃນຕໍ່ໜ້າໃຫ້ຍືນຍົງຕະຫຼອດໄປ. ຈາກນັ້ນສະຫາຍ ກໍ່ຍັງໃຫ້ຄຳໜັ້ນສັນຍາວ່າ ຈະນຳໃຊ້ສີມັງທີ່ນຳມາມອບໃຫ້ຄັ້ງນີ້ ໃຊ້ເຂົ້າວຽກງານຂອງກົມກອງໃຫ້ເກີດປະໂຫຍດສູງສຸດ. ໂອກາດດັ່ງກ່າວ ກໍ່ຍັງໄດ້ມອບ ໃບກຽດຕິຄຸນໃຫ້ແກ່ ທ່ານຮອງເຈົ້າແຂວງໆ ຈຳປາສັກອິກດ້ວຍ.