ມີເດຍລາວແຂວງບໍ່ແກ້ວ ພາບ-ຂ່າວ: ນ. ສອນ ຜົນດີ ນັກຂ່າວຫ້ອງການກຳມະບານເມືອງປາກທາ.
ວັນທີ 29 ມິຖຸນາ 2021 ນີ້ຢູ່ທີ່ໂຮງຮຽນປະຖົມກ້ອນຕື່ນ ໄດ້ເປີດກອງປະຊຸມໃຫຍ່ ຄັ້ງທີ 2 ຂອງຮາກຖານກຳມະບານປະຖົມກ້ອນຕື່ນ ຂື້ນໂດຍການເປັນປະທານຂອງສະຫາຍ ວົງໄຊ ພອນສະຫວັນ ປະທານກຳມະບານຮາກຖານໂຮງຮຽນປະຖົມກ້ອນຕື່ນ ເປັນກຽດເຂົ້າຮ່ວມຂອງ ສະຫາຍນາງ ແສງເພັດ ຈັນສີແພງ ຮອງປະທານສະຫະພັນກຳມະບານເມືອງປາກທາ ມີບັນດາແຂກເຊີນ,ຕະຫຼອດຮອດສະມາຊິກກຳມະບານພາຍໃນໜ່ວຍເຂົ້າຮ່ວມ.

ກອງປະຊຸມ ໄດ້ຜ່ານບົດສະຫຼູບການຈັດຕັ້ງປະຕິບັດວຽກງານໃນໄລຍະຜ່ານມາຂອງຮາກຖານກຳມະບານປະຖົມກ້ອນຕື່ນ ຈາກນັ້ນ ໄດ້ຜ່ານຂໍ້ຕົກລົງຂອງປະທານສະຫະພັນກຳມະບານເມືອງປາກທາ ວ່າດ້ວຍການ ແຍກກຳມະບານຮາກຖານສຸກສາລາ-ສະຖານີກະສິກຳ ອອກຈາກໂຮງຮຽນປະຖົມກ້ອນຕື່ນ ກອງປະຊຸມໄດ້ດຳເນີນການປ່ອນບັດຄັດເລືອກເອົາປະທານ ຮອງປະທານຖານຊຸດໃໝ່ກອງປະຊຸມປະຖົມມະລຶກ ຮາກຖານປະຖົມກ້ອນຕື່ນເລືອກໄດ້ ສະຫາຍ ວົງໄຊ ພອນສະຫວັນ ເປັນປະທານກຳມະບານຮາກຖານໂຮງຮຽນປະຖົມກ້ອນຕື່ນ ສະຫາຍນ ຄຳໄວ ວັນນະວົງ ແລະ ສະຫາຍ ນິດ ພົມມະນີ ເປັນຮອງປະທານກຳມະບານຮາກຖານໂຮງຮຽນປະຖົມກ້ອນຕື່ນ ພ້ອມນັ້ນ ຮາກຖານສຸກສາລາ-ສະຖານີກະສິກຳ: ເລືອກໄດ້ ສະຫາຍ ສີວັນ ອິນທະວົງ ເປັນປະທານຮາກຖານ ແລະ ສະ ຫາຍ ຄຳມູນ ແສນຄຳລື ເປັນຮອງປະທານກຳມະບານຮາກຖານສຸກສາລາ-ສະຖານີກະສິກຳຊຸດໃໝ່.

ໂອກາດດຽວກັນນີ້ ສະຫາຍນາງ ແສງເພັດ ຈັນສີແພງ ຮອງປະທານສະຫະພັນກຳມະບານເມືອງປາກທາ ໄດ້ເນັ້ນໜັກໃຫ້ຜູ້ທີໄດຮັບການແຕ່ງຕັ້ງໃໝ່ ຈົ່ງເພີ່ມທະວີເອົາໃຈໃສສຶກສາອົບຮົມການ ເມືອງເເນວຄິດໃຫ້ສະມາຊິກໃຫ້ມີແນວຄິດໜັກແໜ້ນ ຕັ້ງໜ້າປະຕິບັດໜ້າທີວຽກງານທີ່ຂັ້ນເທິງມອບໝາຍໃຫ້ຢ່າງສຸດກົກສຸດປາຍ ເປັນແບບຢາງໃຫ້ແກ່ມະຫາຊົນ ປະຕິບັດຕາມຂໍ້ແຂ່ງຂັນ 5 ເປັນເຈົ້າມີຄວາມຕື່ນຕົວທາງດ້ານການເມືອງ,ປະຕິບັດຕາມແນວທາງນະໂຍບາຍຊອງພັກລັດວາງອອກຢ່າງເຂັ້ມງວດ.