ມີເດຍລາວແຂວງສາລະວັນ ພາບ-ຂ່າວ: ສິດຕາ ເພັດວົງສາ
ເພື່ອເປັນການກຽມຄວາມພ້ອມ ແລະ ຮັບມືປ້ອງກັນຄວາມສະຫງົບ ແລະ ຄວາມເປັນລະບຽບຮຽບຮ້ອຍໃນທົ່ວແຂວງສາລະວັນ ( ປີໃໝ່ລາວປີນີ້ ) ທ່ານ ພອ ສີເສີດ ສອນດາລາ ຫົວໜ້າກອງບັນຊາການ ປກສ ແຂວງສາລະວັນ ໄດ້ໃຫ້ສຳພາດຕໍ່ສື່ມວນຊົນພວກເຮົາໃນວັນທີ 12 ເມສາ ປີ 2021 ນີ້ວ່າ: ກຳລັງປ້ອງກັນຄວາມສະຫງົບໄດ້ກຽມຄວາມພ້ອມ
ໄດ້ວາງກຳລັງລົງໄປປະຈຳຢູ່ໃນແຕ່ລະຈຸດທີໄດ້ກຳນົດ ແລະ ບັນດາເລົ່າລົບຕ່າງໆກໍ່ເຮັດໜ້າທີ່ວິຊາສະເພາະຂອງຕາມຄວາມຮັບຜິດຊອບໃຜລາວ ເພື່ອລີກລຽງບັນຫາຕ່າງໆໃນໄລຍະບຸນປີໃໝ່ລາວ,

ເປັນຕົ້ນແມ່ນບັນຫາການມົ້ວສຸມຢາເສບຕິດ, ບັນຫາອຸປະຕິເຫດຕ່າງໆຕາມທ້ອງຖະຖົນ, ບັນຫາຂີ້ລັກ-ງັດເງະ ແລະບັນຫາອື່ນໆ, ຕ້ອງໄດ້ກຽມຄວາມພ້ອມຢ່າງເປັນລະບົບ, ດ້ານວຽກງານຄ້າຍຄຸ້ມຂັງດັດສ້າງກໍ່ໄດ້ມີການເຂັ້ມງວດໃນການກວດກາເວນຍາມ ແລະກຽມ ພ້ອມດ້ານພາຫານະຮັບໄຊ້ເຊັ່ນ: ລົດດັບເພີງ, ລົດສະຫຼາມ ແລະໂຄສະນາດ້ານຕ່າງໆ, ນອກນັ້ນກໍ່ຍັງຈະໄດ້ເອົາໃຈໃສ່ໂຄສະນາປຸກລະດົມໃຫ້ພໍ່ແມ່ພີນ້ອງປະຊາຊົນທຸກຊັ້ນຄົນຫຼິນບຸນປີໃໝ່ຢາງມີສະຕີເປັນຕົ້ນແມ່ນການກິນ, ການຢູ່, ກະດື້ມບໍ່ໃຫ້ມຶນເມົາເກີນຂອບເຂດ


ຕອນທ້າຍທ່ານ ຍັງໄດ້ຮຽງຮ້ອງໃຫ້ພໍ່ແມ່ປະຊາຊົນທຸກຊັ້ນຄົນໃນທົ່ວແຂວງສາລະວັນ ຫຼິ້ນບຸນປີໃໝ່ຢ່າງມີສະຕິຕໍ່ຕົນເອງໃນການໄປຫຼິ້ນໄປທ່ຽວ, ຫົດນໍ້າທີ່ສະອາດ, ຫ້າມດື່ມສິ່ງມຶນເມົາແຫ່ຕາມເສັ້ນທາງ, ເສບເນືອງນັ້ນທີ່ເປັນການສ້າງຄວາມສະບໍ່ສະຫງົບ.