ຕອນເຊົ້າຂອງວັນທີ 17 ມີນາ 2021 ຢູ່ຫໍປະຊຸມຂອງບ້ານໂພນທອງ ກຸ່ມພັດທະນາໂພນທອງ ເມືອງໂພນໄຊ ໄດ້ຈັດພິທີມອບ-ຮັບນາມມະຍົດໜ່ວຍພັກປອດໃສ, ເຂັ້ມແຂງ, ໝັກແໜ້ນປະຈໍາປີ 2020 ທັງ 7 ໜ່ວຍພັກຄືຶ: ໜ່ວຍພັກບ້ານໂພນທອງ, ບ້ານນາງີ້ວ, ບ້ານບວກຄໍາ, ບ້ານນາງອຍ, ບ້ານກີ່ວໄລ, ໜ່ວຍພັກໂຮງຮຽນປະຖົມສົມບູນໂພນທອງ ແລະ ໜ່ວຍພັກໂຮງຮຽນ ມສ ໂພນທອງ ໂດຍເປັນປະທານຂອງສະຫາຍ ສົມຈິດ ລັດຕະນະ ຄະນະປະຈໍາພັກເມືອງຮອງເຈົ້າເມືອງໆ ໂພນໄຊ, ມີເລຂາໜ່ວຍພັກບ້ານໂພນທອງ, ຕາງໜ້າຄະນະຈັດຕັ້ງເມືອງ, ເລຂາ-ຮອງເລຂາໜ່ວຍພັກ ຕະຫຼອດຮອດສະມາຊິກພັກສົມບູນ ແລະ ສະມາຊິກພັກສໍາຮອງເຂົ້າຮ່ວມ.


ສະຫາຍ ພອນແກ້ວ ຕາງໜ້າໃຫ້ 7 ໜ່ວຍພັກ ຂື້ນຜ່ານບົດສະຫຼູບການຈັດຕັ້ງປະຕິບັດວຽກງານ ໃນໄລຍະ 1 ປີຜ່ານມາ ທັງ 7 ໜ່ວຍພັກ ມີສະມາຊິກພັກທັງໝົດ 166 ສະ ຫາຍ,ຍິງ 21 ສະຫາຍ, ຄຸ້ມຄອງຈໍານວນ 846 ຄອບຄົວ, ພົນລະເມືອງ 4.669 ຄົນ, ຍິງ 2.340 ຄົນ ຄະນະພັກຢູ່ແຕ່ລະໜ່ວຍໄດ້ເອົາໃຈໃສ່ໃນການສຶກສາອົບຮົມການເມືອງ-ແນວຄິດ ໂດຍການນໍາເອົາແນວທາງແຜນນະໂຍບາຍຂອງພັກ ແລະ ກົດລະບຽບກົດໝາຍຂອງລັດໄດ້ນໍາເອົາມະຕິ, ຄໍາສັ່ງ ແລະ ເອກະສານທີສໍາຄັນຕ່າງໆ ລົງເຊື່ອມຊື່ມໃຫ້ແກ່ພະນັກ ງານລັດຖະກອນ, ສະມາຊິກພັກ ແລະ ປະຊາຊົນບັນດາເຜົ່າຢ່າງເນື່ອງນິດລຽນຕິດໃຫ້ມີຄວາມຮັບຮູ້ຢ່າງເລີກເຊີ່ງ ໃນນັ້ນຄະນະໜ່ວຍພັກເອົາໃຈໃສ່ສ້າງບາດກ້າວບຸກທະລຸທັງ 4 ດ້ານຢ່າງແຂງແຮງ ສ້າງຈິດສໍານຶກໃຫ້ສະມາຊິກພັກພາຍໃນໜ່ວຍກາຍເປັນແບບຢ່າງນໍາໜ້າເປັນເຈົ້າການປົກປ້ອງແນວທາງ, ອຸດົມການຂອງພັກ ຕອບດ້ານສິ່ງຫຍໍ້ທໍ້ຕ່າງໆ ທີ່ເກີດຂື້ນຢູ່ຖັນແຖວສະມາຊິກພັກ ໂດຍຍຶດໝັ້ນ ແລະ ປະຕິບັດຢ່າງເຂັ້ມງວດຕາມ 5 ຫຼັກການ ແລະ 3 ທິດຊີ້ນໍາຂອງພັກ ຄະນະໜ່ວຍພັກໄດ້ຊຸກຍູ້ຂະບວນການຜະລິດເປັນສີນຄ້ານັບມື້ນັບເພີ່ມຂື້ນ ແລະ ການລຽ້ງສັດແຕ່ລະຊະນິດມີທ່າອ່ຽງຂະຫຍາຍຕົວຂຶ້ນ ທົ່ວກຸ່ມໂພນທອງມີກຸ່ມລ້ຽງສັດ 17 ກຸ່ມມີ 290 ຄອບຄົວ, ມີສັດລ້ຽງປະເພດງົວ 3.994 ໂຕ ຄວາຍ 1.227 ໂຕ ໄດ້ລົງຊີ້ນໍາການປູກຫຍ້າລ້ຽງສັດໄດ້ 496 ເຮັກຕາ, ເກັບກູ້ແກ່ນຫຍ້າໄດ້ 160 ໂຕ່ນ, ມູນຄ່າ 1,6 ຕື້ກີບ, ມີເນື້ອທີ່ປູກພືດລະດູຝົນ 1.342 ເຮັກຕາ, ມີເນື້ອທີ່ໄຮ່ 1.055 ເຮັກຕາ ແລະ ເນື້ອທີນາ 106 ເຮັກຕາ ໃນນັ້ນສາມາດຕິລາຄາຈັດປະເພດສະມາຊິກພັກແຂງໄດ້ 148 ສະຫາຍ, ຍິງ 13 ສະຫາຍ,ປະເພດກາງ 8 ສະຫາຍ ແລະ ບໍ່ໄດ້ຈັດປະເພດ 10 ສະຫາຍ ພ້ອມດຽວກັນນັ້ນ ສະຫາຍ ສົມຈິດ ລັດຕະນະ ຮອງເຈົ້າເມືອງໆ ໂພນໄຊ ໄດ້ເປັນກຽດຂື້ນມອບນາມມະຍົດໜ່ວຍພັກປອດໃສ, ເຂັ້ມແຂງ, ໝັກແໜ້ນຂື້ນຮັບເອົາໂດຍແມ່ນເລຂາໜ່ວຍພັກຢູ່ແຕ່ລະໜ່ວຍພັກຢ່າງສົມກຽດ.
ພາບ-ຂ່າວ: ສີວອນ ນັກຂ່າວເມືອງໂພນໄຊ