ມີເດຍລາວແຂວງສາລະວັນ ພາບ-ຂ່າວ: ສິດຕາ ເພັດວົງສາ
ກຸ່ມວັດທະນະທຳ-ສັງຄົມ ແຂວງສາລະວັນ ປະກອບມີ ພະແນກສືກສາ-ກິລາ, ພະແນກສາທາລະນະສຸກ, ພະແນກຖະແຫຼງຂ່າວ, ວັດທະນະທຳ ແລະທ່ອງທ່ຽວ ແລະພະແນກແຮງງານ ແລະ ສະຫວັດດີການສັງຄົມ ໄດ້ສຳເລັດພິທີເປີດບັ້ນເຊື່ອມຊຶມ ແລະ ຜັນຂະຫຍາຍມະຕິກອງປະຊຸມ ຄັ້ງທີ XI ຂອງພັກປະຊາຊົນປະຕິວັດລາວ ແລະ ມະຕິກອງປະຊຸມໃຫຍ່ ຄັ້ງທີ IX ຂອງອົງຄະນະພັກແຂວງສາລະວັນ ໄດ້ອັດລົງໃນວັນທີ 17 ມິຖຸນາ ພາຍຫຼັງທີ່ດຳເນີນມາ ເປັນເວລາ 2 ວັນ, ຢູ່ສະໂມສອນວິທະຍາໄລຄູສາລະວັນ, ໂດຍການເຂົ້າຮ່ວມເປັນປະທານຂອງ ສະຫາຍ ສີລິສັກ ຖະຖອມຮັກ ກຳມະການພັກແຂວງ ຫົວໜ້າພະແນກສຶກສາທິການ ແລະກິລາແຂວງສາລິວັນ, ມີບັນດາສະຫາຍຫົວໜ້າ ແລະຮອງພະແນກ, ຫົວໜ້າຂະແໜງ-ຮອງຂະແໜງ, ຫົວໜ້າ-ຮອງກອງວິຊາການ, ຜູ້ອຳນວຍການ ແລະ ຮອງອຳນວຍການໂຮງຮຽນເຂົ້າຮ່ວມ.

ໃນພິທີຜູ້ເຂົ້າຮ່ວມໄດ້ເຊື່ອມຊືມເອກກະສານມະຕິກອງປະຊຸມໃຫຍ່ ຄັ້ງທີ XI ຂອງພັກ ແລະ ມະຕິກອງປະຊຸມໃຫຍ່ ຄັ້ງທີ IX ຂອງອົງຄະນະພັກແຂວງ, ແຜນກຳນົດທິດທາງ, ໜ້າທີ່ຕົ້ນຕໍຂອງອົງຄະນະພັກແຂວງສາລະວັນ ໃນ 5 ປີ (2021 – 2025), ບັນດາກົດລະບຽບຂອງພັກປະຊາຊົນປະຕິວັດລາວ ສະໄໝທີ XI ແລະບັນດາເອກະສານເພີ້ມເຕີມອີກຈຳນວນໜຶ່ງ.ຈຸດປະສົງໃນບັ້ນເຊື່ອມຊືມຄັ້ງນີ້ ແມ່ນເປັນການເພີ່ມທະວີໃນການຊີ້ນຳ-ນຳພາຂອງແຕ່ລະຂົງເຂດວຽກງານ ຕາມຄວາມຮັບຜິດຊອບຂອງແຕ່ລະສະຫາຍ ແລະທັງເປັນການເສີມຂະຫຍາຍຄວາມເປັນເຈົ້າການຕໍ່ມະຕິກອງປະຊຸມໃຫຍ່ ຄັ້ງທີ XI ຂອງພັກ, ຫັນມາເປັນແຜນງານ, ໂຄງການ ແລະ ກິດຈະກຳລະອຽດຂອງຕົນໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ໃຫ້ຮຸ່ງເຮືອງສີວິໄລເທື່ອລະກ້າວ

ພ້ອມນັ້ນຜູ້ເຂົ້າຮ່ວມກໍ່ໄດ້ແບ່ງຈຸ-ໜ່ວຍ ຄົ້ນຄ້ວາຕີລາຄາບັນຫາຕ່າງໆ, ພ້ອມທັງປະກກອບຄຳຄິດ-ຄຳເຫັນ
ເພື່ອຄວາມເປັນເອກະພາບໃນການຈັດຕັ້ງປະຕິບັດແຜນພັດທະນາວຽກງານຂອງຕົນ ສົກປີ 2021-2025, ພ້ອມດຽວກັນນັ້ນທ່ານ ປະທານກອງປະຊຸມກໍ່ໄດ້ຮຽກຮ້ອງມາຍັງບັນດາສະຫາຍທີ່ເຂົ້າກອງປະຊຸມເຊື່ອຊືມຄັ້ງນີ້ຈົ່ງເປັນເຈົ້າການໃນການສຶບຕໍ່ຜັນຂະຫຍາຍໃຫ້ພະນັກງານລັດຖະກອນໃນຂົງເຂດຄວາມຮັບຜິດຊອບຂອງຕົນໄດ້ຮັບຮູ້ເຂົ້າໃຈຕໍ່ບັນດາເອ ກະສານຕ່າງໆ ພ້ອມທັງຈດຕັ້ງປະຕິບັດໃຫ້ເກີດດອກອອກຜົນ ມີຜົນສຳເລັດສູງ ຕາມແນວທາງຂອງພັກ-ລັດວາງອອກ.