ມີເດຍລາວແຂວງບໍ່ແກ້ວ ຂ່າວ: ຄຳພັນ ແກ້ວມະນີ ວັນທີ 10 ມີຖຸນານີ້ ທ່ານ ນາງ ໄນ່ຝຽວ ແຊ່ຈາວ ນັກທຸລະກິດ ບ້ານໃຫຍ່ຫ້ວຍຊາຍໄຕ້ ເມືອງຫ້ວຍຊາຍ ແຂວງບໍ່ແກ້ວ ໄດ້ນຳເອົາເຄືອງນຸ່ງ ຊຸດກິລາຈຳນວນ 18 ຊຸດ ມູນຄ່າ 6 ແສນກວ່າກີບ ມາມອບໃຫ້ ຂະແໜງຖະແຫຼງຂ່າວ,ພະແນກຖະແຫຼງຂ່າວ ວັດທະນະທຳ ແລະ ທ່ອງທ່ຽວ ແຂວງບໍ່ແກ້ວ ແລະ ຈະໄດ້ສືບຕໍ່ ລົງໄປມອບໃຫ້ ຫ້ອງການ ເມືອງປາກທາ ເພື່ອເຄື່ອນໄຫວຮ່ວມຂະບວນການກິລາ ກັບບັນດາ ສຳນັກງານຫ້ອງການ ໃນການຫຼິ້ນກິລາເພື່ອສຸຂະພາບ,ເພື່ອມິດຕະພາບ,ເພື່ອຄວາມສາມັກຄີ

ກ່າວຮັບ ໂດຍ ທ່ານ ມະນິດ ແກ້ວວົງເພັດ ຫົວໜ້າ ຂະແໜງຖະແຫຼງຂ່າວ.ພະແນກຖະແຫຼງຂ່າວ ວັດທະນະທຳ ແລະ ທ່ອທ່ຽວແຂວງບໍ່ແກ້ວ ພ້ອມ ສະແດງຄວາມຂອບໃຈມາຍັງ ທ່ານ ນາງ ໄນ່ຝຽວ ແຊຈາວ ທີ່ສະຫຼະວັດຖຸຊັບສິນເງິນຄຳຂອງຕົນຈັດຊື້ອຸປະກອນກິລາຕາມຄຳສະເໜີຂອງຂະແໜງ ແລະ ເຫັນຄວາມສຳຄັນຕໍ່ວຽກງານໃນຂົງເຂດ ຖວທ ແຂວງ ໃນການເຄື່ອນໄຫວວຽກງານກິລາ ຫວັງວ່າໂອກາດໜ້າຈະໄດ້ຮັບການຮ່ວມມືຊ່ວຍເຫຼືອຈາກທ່ານຕື່ມອີກ.