ໃນວັນທີ 18 ເມສາ 2021 ທີ່ຜ່ານມາ ໄດ້ມີການສົ່ງຕໍ່ຂ່າວລືຄລິບສຽງຈາກວອດແອັບ ທີ່ເວົ້າວ່າຄະນະສະເພາະກິດໄດ້ ແຈ້ງມາມີ 3 ຄົນ ບໍ່ມາເອົາຜົນກວດທີ່ຕິດເຊື້ອພະຍາດໂຄວິດ-19 ຢູ່ບ້ານໂພນຕ້ອງ, ບ້ານຈອມມະນີ ແລະ ສີວິໄລ ແລະ ເຈົ້າຫນ້າທີ່ກຳລັງນຳ ແລະ ຕິດຕາມເອົາມາກັກຕົວ. ຂໍ້ມູນຂ່າວໃນວອດແອັບທັງໝົດນີ້ເປັນ “ຂ່າວປອມ” ບໍ່ມີມູນຄວາມຈີງຕາມທີ່ໄດ້ປ່ອຍຄລິບສຽງໃນວອດແອັບດັ່ງກ່າວ ທຸກຄົນຄວນພິຈາລະນາຢ່າງຄັກແນ່ກ່ອນຈະເຜີຍແຜ່ຂໍ້ມູນຂ່າວສານຕ່າງໆ ເພາະມັນຈະເກີດຄວາມສັບສົນວຸ້ນວາຍໃຫ້ແກ່ສັງຄົມ.

ດັ່ງນັ້ນ ຂໍຮຽກຮ້ອງມາຍັງປະຊາຊົນໃນຂອບເຂດທົ່ວປະເທດ ທຸກຊັ້ນຄົນ ຫາກຢາກຮູ້ວ່າຂ່າວຈິງ ຂ່າວປອມ ແມ່ນໃຫ້ສອບຖາມຄະນະສະເພາະກິດ ແລະ ສາມາດກວດສອບຂໍ້ມູນໄດ້ທາງເວັບໄຊ civid19. gov.la ຫຼື ໂທຖາມ ໝາຍເລກ 166, 166 ຫຼື 020 54066777 ເຊີ່ງເປັນເບີສາຍດ່ວນໂຄວິດ-19.

ໃນກໍລະນີນີ້ ຫ້າມສືບຕໍ່ເຜີຍແຜ່ຂໍ້ມູນທີ່ບໍ່ມີຄວາມຈີງເດັດຂາດ, ຖ້າຝ່າຝືນຈະຖືກປະຕິບັດຕາມກົດໝາຍ ແລະ ກົດລະບຽບຂອງບ້ານເມືອງ ແລະ ຄວນຕິດຕາມຂ່າວຈາກຖະແຫຼງການ ຂອງຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂ ການແຜ່ລະບາດຂອງພະຍາດໂຄວິດ-19 ຈະເປັນການດີທີ່ສຸດ.