ໃນວັນທີ 2 ເມສາ 2021 ຜ່ານມານີ້, ບັນດາທ່ານຄອບຄົວການນໍາ ແລະ ສະມາຄົມແບ່ງປັນນໍ້າໃຈ ພາຍໃນແຂວງອັດຕະປື ໄດ້ນໍາເອົາເຄື່ອງຊ່ວຍເຫລືອ ປະກອບມີ ນ້ຳດື່ມ 100 ແກັດ, ສະບູກ້ອນ 3 ແກັດ ລວມມູນຄ່າ 4,5 ລ້ານກີບ ໄປມອບໃຫ້ພະນັກງານັກຮົບ ທີ່ພວມປະຕິບັດໜ້າທີ່ຫັດແອບຍິງລູກປືນແທ້ຢູ່ສະໜາມ ຝຶກຊ້ອມຂອງແຂວງອັດຕະປື.

ຕາງໜ້າໃຫ້ຄອບຄົວການນໍາ ແລະ ສະມາຄົມແບ່ງປັນນໍ້າໃຈ ແຂວງອັດຕະປື ກ່າວມອບໂດຍທ່ານນາງ ຂັນແກ້ວ ໄຊຍະພອນ ແລະ ຮັບໂດຍສະຫາຍ ພັອ ສິນສຸກ ແສງຄໍາສິງ ຫົວໜ້າຫ້ອງເສນາທິ ການທະຫານແຂວງອັດຕະປື, ພ້ອມທັງໄດ້ສະແດງຄວາມຂອບໃຈ ແລະ ສະແດງຄວາມຮູ້ບຸນຄຸນອັນລົ້ນເຫລືອມາຍັງ ຄອບຄົວການນໍາຂອງແຂວງ ແລະ ສະມາຄົມແບ່ງປັນນໍ້າໃຈ ທີ່ໄດ້ປຸກລະດົມຂົນຂວາຍເຄື່ອງມາຊ່ວຍເຫລືອ ໃຫ້ພະນັກງານ-ນັກຮົບ ທີ່ກໍາລັງຫັດແອບ-ຮ່ໍາຮຽນ ເຊິ່ງການຊ່ວຍເຫລືອຄັ້ງນີ້ໄດ້ເຮັດໃຫ້ອ້າຍນ້ອງທະຫານໄດ້ມີກໍາລັງແຮງໃຈ ທີ່ຈະອົດທົນຜ່ານຜ່າ, ເອົາໃຈໃສ່ຕໍ່ການຝືກແອບໃຫ້ມີຜົນສໍາເລັດ ຕາມຄາດໝາຍທີ.

Medialaos MMD (ແຫຼ່ງຂໍ້ມູນຈາກ: ສຳນັກຂ່າວປະເທດລາວ)