ມີເດຍລາວແຂວງຈຳປາສັກ ຂ່າວ-ພາບ: ນາງ ເພັດສະຫວັນ ນັກຂ່າວເມືອງ
ທ້າຍອາທິດທີ່ຜ່ານມານີ້ຄະນະກວດກາພັກລັດແຂວງຈໍາປາສັກລົງຊຸກຍູ້ວຽກງານກວດກາຢູ່ເມືອງບາຈຽງຈະເລີນສຸກ ຂື້ນຢູ່ທີ່ສະໂມສອນຂອງເມືອງ ພາຍໃຕ້ການເປັນປະທານຂອງທ່ານ ປະດິດ ວັນນະລັດສະໝີ ຄະນະປະຈໍາພັກແຂວງ ປະທານກວດກາພັກ ຫົວໜ້າພະແນກກວດກາລັດແຂວງຈໍາປາສັກພ້ອມພະນັກງານວິຊາການ ມີປະທານ-ຮອງປະທານກວດກາພັກ-ລັດເມືອງ,ຫົວໜ້າຫ້ອງການ-ຮອງຫົວໜ້າຫ້ອງການ,ຄະນະກອງບັນຊາການ ປກຊ-ປກສອ້ອມຂ້າງເມືອງເຂົ້າຮ່ວມ

ທ່ານ ນາງທອງລ່ຽນ ສຸລາທາທອນ ປະທານກວດກາພັກ-ລັດເມືອງ ຂື້ນຜ່ານບົດສະຫຼຸບການຈັດຕັ້ງປະຕິບັດວຽກງານກວດກາໃນ 6 ເດືອນຕົ້ນປີ2021ແລະທິດທາງ6ເດືອນທ້າຍປີ2021ຮູ້ວ່າ: ຄະນະກວດກາພັກເມືອງໄດ້ເຄື່ອນໄຫວວຽກງານຕິດຕາມກວດກາການປະຕິບັດລະບຽບພັກ-ກົດໜາຍລັດ,ມະຕິກອງປະຊຸມໃຫ່ຍຄັ້ງທີ່Vlll ຂອງອົງຄະນະພັກແຂວງແລະເມືອງວາງອອກ,ບັນດາຄໍາສັ່ງນິຕິກຳຕ່າງໆກ່ຽວກັບວຽກງານກວດກາແລະການຕ້ານສໍ້ລາດບັງຫຼວງ,ເອົາໃຈໃສ່ປັບປຸງກົງຈັກການຈັດຕັ້ງຄະນະກວດກາແຕ່ລະຂັ້ນ ,ຍົກສູງ ແລະຖືເປັນສໍາຄັນທາງດ້ານພາລະບົດບາດສິດໜ້າທີ່ໃນການຈັດຕັ້ງປະຕິບັດໜ້າທີ່ໃນຂອບເຂດຄວາມຮັບຜິດຊອບ ພ້ອມນັ້ນແຕ່ລະຂະແໜ່ງການຂອງແຂວງແລະເມືອງຍັງໄດ້ມີການແລກປ່ຽນຄຳເຫັນໃນການຈັດຕັ້ງປະຕິບັດວຽກງານດັ່ງກ່າວຕື່ມອິກ./.