ມີເດຍລາວແຂວງເຊກອງ ຂ່າວ: ເຈີນ ແດນວົງວິຈິດ
ຄະນະກໍາມະການເລືອກຕັ້ງເມືອງທ່າແຕງ ແຂວງເຊກອງ ຈັດກອງປະຊຸມສະຫລຸບຖອດຖອນບົດຮຽນ ຜົນສຳເລັດບັ້ນເລືອກຕັ້ງສະມາຊິກສະພາແຫ່ງຊາດຊຸດທີ IX ແລະສະມາຊິກສະພາປະຊາຊົນຂັ້ນແຂວງ ຊຸດທີ II ໃນຕອນເຊົ້າວັນທີ 31 ມິນາ 2021 ທີ່ສະໂມສອນຂອງເມືອງ, ພາຍໃຕ້ການເປັນປະທານຂອງທ່ານ ສົມເພັດ ເອີດລັດດາ ປະທານຄະນະກໍາມະການເລືອກຕັ້ງຂັ້ນເມືອງ,ມີອະນຸກຳມະການ ແລະ ຄະນະໜ່ວຍປ່ອນບັດເລືອກຕັ້ງ 20 ໜ່ວຍທົ່ວເມືອງເຂົ້າຮ່ວມ.

ທ່ານ ແສງລາຕີ ຫຼອມຍະເດດ ຄະນະປະຈຳພັກເມືອງ,ຮອງປະທານຄະນະກຳມະການເລືອກຕັ້ງຂັ້ນເມືອງໄດ້ຂຶ້ນຜ່ານບົດສະຫຼຸບການກະກຽມ ແລະ ດຳເນີນການເລືອກຕັ້ງ ສສ ຊຸດທີ IX ແລະ ສສຂ ຊຸດທີ II ໂດຍຍົກໃຫ້ເຫັນການຈັດຕັ້ງຜັນຂະຫຍາຍນິຕິກຳຕ່າງໆທີ່ຄະນະກຳມະການເລືອກຕັ້ງລະດັບຊາດວາງອອກ, ການກະກຽມວຽກງານຮອບດ້ານໃຫ້ແກ່ການເລືອກຕັ້ງ ເປັນຕົ້ນວຽກງານໂຄສະນາ ແລະ ປຸກລະດົມຂະບວນການ, ວຽກງານໂຄງປະກອບ ແລະ ບຸກຄະລາກອນ, ວຽກງານປ້ອງກັນຊາດ-ປ້ອງກັນຄວາມສະຫງົບ, ບັນຍາກາດປ່ອນບັດເລືອກຕັ້ງ ແລະ ຜົນການປ່ອນບັດເລືອກຕັ້ງ. ພ້ອມທັງຍົກໃຫ້ເຫັນບັນດາສາເຫດທີ່ພາໃຫ້ມີດ້ານດີ, ດ້ານອ່ອນ-ຂໍ້ຄົງຄ້າງ, ບົດຮຽນທີ່ຖອດ ຖອນໄດ້, ລວມເຖິງວຽກຈຸດສຸມທີ່ຈະຕ້ອງໄດ້ສືບຕໍ່ໃນແຕ່ລະບາດກ້າວ.


ຜູ້ເຂົ້າຮ່ວມກອງປະຊຸມໄດ້ມີຄວາມເປັນເອກະພາບສູງຕໍ່ການຈັດຕັງປະຕິບັດໃນບັ້ນເລືອກຕັ້ງສສຊ ຊຸດທີ IX ແລະ ສສຂຊຸດທີ II ໂດຍຂະບວນການເລືອກຕັ້ງຄັ້ງນີ້ໄດ້ມີຜົນສຳເລັດສູງທັງຮັບປະກັນໄດ້ 300 ສ່ວນຮ້ອຍ.