ມີເດຍລາວແຂວງເຊກອງ ໂດຍ: ພອນ ບຸນອຸທິດ ກວດແກ້ໂດຍ: ສະຫຍາມ ຈັນທະສອນ
ຕອນບ່າຍວັນທີ 17 ມີນາ2021 ນີ້ ຢູ່ທີ່ສະໂມສອນຂອງເມືອງ ທ່າແຕງ ແຂວງ ເຊກອງ ຄະນະຊາວໜຸ່ມໂຮງຮຽນການເມືອງແລະການປົກຄອງແຂວງເຊກອງ ໄດ້ເຄື່ອນໄຫວພົບປະຄະນະຊາວໜຸ່ມເມືອງທ່າແຕງໃນຫົວຂໍ້: ປູກຈິດສໍານຶກມູນເຊື້ອປະຫວັດສາດຂອງພັກແລະ ຂອງຊາວໜຸ່ມຄົບຮອບ 66 ປີເຊິ່ງໃຫ້ກຽດຫວນຄືນມູນເຊື້ອໂດຍທ່ານປທ ບຸນທັນ ຈູມຈັນທະວົງ ອຳນວຍການໂຮງຮຽນການເມືອງ ແລະ ການປົກຄອງແຂວງ ເຊກອງ ແລະ ທ່ານ ປອ ຕຸລາວັນ ວົງໄຊ ເລຂາຄະນະບໍລິຫານງານຊາວໜຸ່ມແຂວງເຊກອງ ໃຫ້ກຽດເຂົ້າຮ່ວມຂອງທ່ານ ລົດແກ້ວ ເພັງພູນສະຫວັດ ຮອງເລຂາພັກເມືອງ ທ່າແຕງ,ມີທ່ານ ສີສົມພາ ໄຊແກ້ວຍະວົງ ເລຂາຄະນະບໍລິຫານງານຊາວໜຸ່ມເມືອງ ທ່າແຕງ,ໜ່ວຍຊາວໜຸ່ມອ້ອມຂ້າງ,ແຂກຖືກເຊີນພ້ອມດ້ວຍເຍົາວະຊົນຈາກໂຮງຮຽນໃນເທດສະບານເມືອງທ່າແຕງເຂົ້າຮ່ວມຢ່າງພ້ອມພຽງ.


ໃນພິທີທ່ານ ປທ ບຸນທັນ ຈູມຈັນທະວົງ ອຳນວຍການໂຮງຮຽນການເມືອງ ແລະ ການປົກຄອງແຂວງ ເຊກອງ ແລະ ທ່ານ ປອ ຕຸລາວັນ ວົງໄຊ ເລຂາຄະນະບໍລິຫານງານຊາວໜຸ່ມແຂວງເຊກອງ ໄດ້ພັດປ່ຽນກັນຫວນຄືນມູນເຊື້ອວັນສ້າງຕັ້ງພັກ ປະຊາຊົນ ປະຕິວັດລາວ ແລະ ວັນສ້າງຕັ້ງຊາວໜຸ່ມປະຊາຊົນປະຕິວັດລາວຄົບຮອບ 66 ປີ ໃນແຕ່ລະໄລຍະຂອງການປະຕິວັດ,ຄວາມອາດສາມາດຂອງພັກປະຊາຊົນປະຕິວັດລາວ ທີ່ຕໍ່ສູ້ຍາດເອົາໄຊຊະນະຈາກພວກລ່າເມືອງຂຶ້ນທີ່ປົກຄອງມາຍາວນານ ຈົນສາມາດປົດປ່ອຍປະເທດຊາດ ໃນວັນທີ 2 ທັນວາ 1975 ເຊິ່ງເປັນວັນໜຶ່ງທີ່ມີຄວາມໝາຍສຳຄັນທົ່ວປວງຊົນລາວທັງຊາດ ແມ່ນໄຊຊະນະອັນຍິ່ງໃຫຍ່ໃນປະຫວັດສາດ ແຫ່ງການຕໍ່ສູ້ຂອງປະຊາຊົນລາວບັນດາເຜົ່າ ເປັນວັນທີ່ປະຊາຊົນລາວບັນດາເຜົ່າມີອິດສະຫຼະພາບເອກະລາດ ແລະ ເປັນເຈົ້າຂອງປະເທດຊາດຢ່າງແທ້ຈິງ.ພ້ອມນີ້ ຍັງໄດ້ຍົກໃຫ້ເຫັນຜົນງານການເຄື່ອນໄຫວຂອງທ່ານຜູ້ນໍາແຕ່ລະໄລຍະໃນພາລະກິດຕໍ່ສູ້ປົດປ່ອຍຊາດປົກປັກຮັກສາ ແລະ ສ້າງສາພັດທະນາປະເທດຊາດ,ທັງນີ້ ກໍເພື່ອໃຫ້ສະມາຊິກຊາວໜຸ່ມຜູ້ເກີດໃໝ່ໃຫ່ຍລຸນໄດ້ມີຄວາມຮັບຮູ້ເຂົ້າໃຈ,ມີຄວາມເອກອ້າງທະນົງໃຈ ຕໍ່ມູນເຊື້ອປະຫວັດສາດ ແລະ ວິລະກໍາຂອງບັນດາວິລະບູລຸດໃນແຕ່ລະອະດີດທີ່ໄດ້ສ້າງຜົນງານອັນໃຫຍ່ຫຼວງໄວ້ໃຫ້ຮ່ຳຮຽນເອົາຄຸນສົມບັດທັດສະນະປະຕິວັດ,ແບບແຜນການນຳພາ,ການດຳລົງຊີວິດ ແລະ ອຸດົມຄະຕິປະຕິວັດຂອງທ່ານປະທານ ໄກສອນ ພົມວິຫານ ທີ່ມີຕໍ່ປະເທດຊາດ ກໍ່ຄືສະມາຊິກພັກ,ພະນັກງານ,ຊາວໜຸ່ມ ແລະ ປະຊາຊົນລາວບັນດາເຜົ່າໃຫ້ຄົງຢູ່ຕະຫຼອດໄປ.