ມີເດຍລາວແຂວງຈຳປາສັກ ຂ່າວ-ພາບ: ນາງ ເພັດສະຫວັນ ນັກຂ່າວເມືອງ
ວັນທີ 21ພຶດສະພາ2021 ທ່ານ ປະດິດ ວັນນະລັດສະໝີ ຄະນະປະຈຳພັກແຂວງ ປະທານກວດກາພັກ ຫົວໜ້າພະແນກກວດກາລັດແຂວງຈຳປາສັກ ທັງເປັນຜູ້ຊີ້ນຳເມືອງບາຈຽງຈະເລີນສຸກ ແລະທ່ານ ສົມລິດ ປັນທະບົວສີ ກຳມະການພັກແຂວງ ເລຂາຄະນະບໍລິຫານງານພັກເມືອງ ເຈົ້າເມືອງບາຈຽງຈະເລີນສຸກພ້ອມທ່ານ ປອ ອຳນວຍ ເຮືອງວົງສາ ຮອງເລຂາພັກເມືອງ ມີທ່ານສະມາຊິກສະພາປະຊາຊົນແຂວງປະຈຳເຂດເລືອກຕັ້ງເມືອງບາຈຽງ,ເລຂາຄະນະພັກຮາກກຸ່ມ,ຄະນະກອງບັນຊາການປ້ອງກັນຄວາມສະຫງົບເມືອງ,

ຫົວໜ້າ-ຮອງຫົວໜ້າສາທາລະນະສຸກເມືອງພ້ອມທິມງານແພດ ໄດ້ລົງພົບປະຢ້ຽມຢາມແລະເຮັດວຽກກັບອຳນາດການປົກຄອງບ້ານທົ່ງທີງ ການມາຂອງຄະນະນຳແຂວງແລະເມືອງຄັ້ງນີ້ເພື່ອຕິດຕາມຊຸກຍູ້ການສອບຖາມເກັບກຳຂໍ້ມູນລະອຽດກ່ຽວກັບປະຫວັດການເຈັບເປັນ,ການນຳໃຊ້ນ້ຳ(ນ້ຳໃຊ້-ນ້ຳດື່ມ),ການນຳໃຊ້ວິດຖ່າຍແລະສະພາບແວດລ້ອມໃນແຕ່ລະຄົວເຮືອນ ພ້ອມນັ້ນຄະນະນຳຍັງໄດ້ມອບປະເພດໝີ,ນ້ຳຢາຂ້າເຊື້ອ,ຜ້າອັດປາກ-ດັງໃຫ້ແກ່ອຳນາດການປົກຄອງບ້ານເພື່ອແຈກຍາຍຜ້າອັດປາກ-ດັງໃຫ້ປະຊາຊົນພາຍໃນບ້ານ ຈາກນັ້ນການນຳແຂວງແລະເມືອງຍັງໄດ້ເນັ້ນໃຫ້ຄະນະພັກອຳນາດການປົກຄອງເຮັດວຽກງານການເມືອງແນວຄິດເຕົ້າໂຮມຄວາມສາມັກຄີໃນສະມາຊິກພັເຂົ້າໃຈກ່ອນໝູ່ແລະນຳເອົາເນື້ອໃນຈິດໃຈຄັ້ງນີ້ນຳໄປເຜີຍແຜ່ໃຫ້ປະຊາຊົນຮັບຮູ້ເຂົ້າໃຈ ແລະເນັ້ນໃຫ້ພະນັກງານແພດພະຍາຍາມທີ່ສຸດການຊອກຫາສາເຫດຂອງສະພາບບັນຫາພາຍໃນບ້ານເພຶ່ອລາຍງານໃຫ້ພະແນກສາທາແຂວງຈຳປາສັກ ນອກນັ້ນການນຳຍັງໄດ້ມອບຢາຂ້າເຊື້ອແລະຜ້າອັດປາກ-ດັງໃຫ້ແກ່ອຳນາດການປົກຄອງບ້ານສອງຄອນຕື່ມອິກ.