ມີເດຍລາວແຂວງຈຳປາສັກ ຂ່າວ-ພາບ: ນາງ ເພັດສະຫວັນ ນັກຂ່າວເມືອງ
ວັນທີ 18 ມີຖຸນາ 2021 ຄະນະນໍາເມືອງບາຈຽງຈະເລີນສຸກ ແຂວງຈຳປາສັກໄດ້ພົບປະຢ້ຽມຢາມຄະນະນໍາເມືອງໂຂງ  ນໍາໂດຍ ທ່ານ ສົມລິດ ປັນທະບົວສີ ກຳມະການພັກແຂວງ ເລຂາພັກເມືອງ ເຈົ້າເມືອງບາຈຽງຈະເລີນສຸກ ມີບັນດາທ່ານ ຮອງເລຂາພັກເມືອງ,ຄະນະປະຈໍາພັກເມືອງ,ກຳມະການພັກເມືອງ,ອົງການຈັດຕັ້ງມະຫາຊົນ ໂດຍການຕ້ອນຮັບຢ່າງອົບອຸ່ນຂອງ ທ່ານ ພູວັນ ສີສຸພົນ ຮອງເລຂາພັກເມືອງ ຜູ້ຊິ້ນໍາວຽກງານການເມືອງແນວຄິດພັກພະນັກງານພ້ອມຄະນະ

ຈຸດປະສົງໃນການໄປຢ້ຽມຢາມໃນຄັ້ງນີ້ຄະນະນໍາຂັ້ນເມືອງບາຈຽງຈະເລີນສຸກໄດ້ນໍາເອົາ ນໍ້າດື່ມ,ໝາກໄມ້ແລະເງີນສົດ ຈໍານວນ 5.000.000 ກີບ ມອບໃຫ້ຄະນະນໍາເມືອງໂຂງ ເພື່ອແບ່ງເບົານໍ້າໃຈຊ່ວຍເຫຼືອຄອບຄົວຜູ້ທີ່ຖຶກຜົນກະທົບຈາກພາຍຸລະດູຮ້ອນໃນທ້າຍເດືອນຜ່ານມາ ມອບໂດຍ ທ່ານ ສົມລິດ ປັນທະບົວສີ ເລຂາພັກເມືອງ ເຈົ້າເມືອງບາຈຽງຈະເລີນສຸກຕ່າງໜ້າຮັບໂດຍ ທ່ານ ພູວັນ ສີສຸພັນ ຮອງເລຂາພັກເມືອງພ້ອມຄະນະ.