ມີເດຍລາວແຂວງວຽງຈັນ ໃນວັນທີ 17 ມີຖຸນາ 2021ນີ້, ຢູ່ທີ່ບ້ານຂັນໝາກ ເມືອງວັງວຽງ ແຂວງວຽງຈັນ, ຄະນະບໍລິຫານງານຊາວໜຸ່ມເມືອງ ກອງອາສາສະໝັກຊາວໜຸ່ມຕະລຸມບອນເມືອງວັງວຽງ ອານາໄມ ຫລັງນ້ຳຊອງຫຼຸດລົງ, ໂດຍພາຍໃຕ້ການນຳພາຂອງທ່ານ ນາງ ເກດສະໜາ ບຸນໄທ ເລຂາຄະນະບໍລິຫານງານຊາວໜຸ່ມເມືອງວັງວຽງພ້ອມດ້ວຍຄະນະ, ມີບັນດາກອງອາສາສະໝັກຊາວໜຸ່ມຕະລຸມບອນໜ່ວຍສຳນັກງານກົມກອງ ແລະ ໂຮງຮຽນມໍປາຍວັງວຽງເຂົ້າຮ່ວມ.

ການລົງຊ່ວຍເຫຼືອອານາໄມຄັ້ງນີ້ປະກອບມີ: ວັດວາອາຣາມ,ໂຮງຮຽນ ແລະ ເຮືອນປະຊາຊົນ ເປັນຕົ້ນແມ່ນ ການຂົນເຄື່ອງ, ລ້າງ, ປັດກວດ ສິ່ງເສດເຫລືອ ແລະ ນ້ຳເປື້ອນ ອອກຈາກສະຖານທີ່ດັ່ງກ່າວ, ໃຫ້ຄືກັບຄຳຂວັນຂອງຊາວໝຸ່ມທີ່ວ່າ: * ບ່ອນໃດຍາກຊາວໜຸ່ມບຸກບ່ອນໃດທຸກຊາວໜຸ່ມຜ່ານຜ່າບ່ອນໃດຊາດຕ້ອງການຊາວໜຸ່ມຂານອາສາ