ບ່າຍວັນນີ້ 04 ພຶດສະພາ 2021, ຄະນະຜູ້ຊ່ຽວຊາຄະນະຜູ້ຊ່ຽວຊານການແພດຈີນ ພ້ອມອຸປະກອນການແພດໄດ້ເດີນທາງມາເຖິງສະໜາມບິນສາກົນວັດໄຕ ນະຄອນຫຼວງວຽງຈັນນການແພດຈີນ ພ້ອມອຸປະກອນການແພດໄດ້ເດີນທາງມາເຖິງສະໜາມບິນສາກົນວັດໄຕ ນະຄອນຫຼວງວຽງຈັນ, ເພື່ອຊ່ວຍເຫຼືອຕ້ານ ແລະສະກັດກັ້ນການແຜ່ລະບາດຂອງພະຍາດໂຄວິດ-19 ຮອບໃໝ່ຢູ່ ສປປລາວ ໂດຍການເປັນກຽດຕ້ອນຮັບຂອງ ສະຫາຍ ກິແກ້ວ ໄຂຄຳພິທູນ, ຮອງນາຍົກລັດຖະມົນຕີ ແຫ່ງ ສປປ ລາວ, ໂດຍມີ ສະຫາຍ ຈ່ຽງ ຈາຍຕຸ່ງ, ເອກອັກຄະລັດຖະທູດ ແຫ່ງ ສປ ຈີນ ປະຈຳ ສປປ ລາວ, ບັນດາລັດຖະມົນຕີ, ຮອງລັັັດຖະມົນຕີ, ຄະນະຊ່ຽວຊານແພດໝໍ ແລະ ພະນັກງານກ່ຽວຂ້ອງທັງສອງຝ່າຍເຂົ້າຮ່ວມ.

(1). ໃນໂອກາດກ່າວຕ້ອນຮັບຄະນະຜູ້ຊ່ຽວຊານການແພດຈີນ, ທ່ານ ກິແກ້ວ ໄຂຄໍາພິທູນ ໄດ້ກ່າວ:

  1. ສະແດງຄວາມຂອບໃຈ ແລະ ຕີລາຄາສູງຕໍ່ການຊ່ວຍເຫຼືອທີ່ທັນການ ໃນການສະກັດກັ້ນການແຜ່ລະບາດຂອງເຊື້ອພະຍາດໂຄວິດ-19 ຂອງ ສປຈີນ ໃຫ້ແກ່ ສປປລາວ ໃນຄັ້ງນີ້ ແລະ ຄັ້ງທີ່ຜ່ານມາ ເຊິ່ງເປັນການສະແດງເຖິງຄວາມເປັນຫ່ວງເປັນໄຍ ແລະ ຄວາມເອົາໃຈໃສ່ຂອງພັກ, ລັດຖະບານ ແລະ ປະຊາຊົນຈີນ ຢ່າງສະເຫມີຕົ້ນສະເຫມີປາຍ ທີ່ມີຕໍ່ພັກ-ລັດ ແລະ ປະຊາຊົນລາວ ຕະຫຼອດມາ.
  2. ພ້ອມນີ້ລັດຖະບານລາວ ຍັງໃຫ້ຄວາມເຊື່ອໝັ້ນຢ່າງໜັກແໜ້ນວ່າການເດີນທາງມາຊ່ວຍເຫຼືອໃນຄັ້ງນີ້ຈະສາມາດເອົາຊະນະໃນການເເຜ່ລະບາດຂອງພະຍາດໂຄວິດ-19 ຄືຄັ້ງທີ່ຜ່ານມາ ໄດ້ຢ່າງແນ່ນອນ.
    (2). ທ່ານ ຈ່ຽງຈ້າຍຕົ່ງ ເອກອັກຄະລັດຖະທູດຈີນປະຈຳລາວ ກ່າວວ່າ:
  3. ສອງປະເທດຈີນ-ລາວເປັນຄູ່ຮ່ວມຊາຕາກໍາທີ່ຮ່ວມສຸກຮ່ວມທຸກ ແລະ ຊ່ວຍເຫຼືອເຊິ່ງກັນແລະກັນ ເມື່ອໄດ້ຮູ້ຂ່າວວ່າລາວກຳລັງຜະເຊີນກັບການແຜ່ລະບາດຂອງພະຍາດໂຄວິດ-19 ຮອບໃໝ່, ເຊິ່ງຖືເປັນໄລຍະທີ່ຫຍຸ້ງຍາກ ແລະ ມີຄວາມສ່ຽງສູງແລ້ວ, ແຕ່ພັກ, ລັດຖະບານຈີນ ກໍຄືຄະນະຜູ້ຊ່ຽວຊານການແພດຈີນກໍໄດ້ຕັດສິນໃຈຢ່າງເດັດຂາດມາໃຫ້ການຊ່ວຍເຫຼືອແກ່ປະຊາຊົນລາວຢ່າງຮີບດວ່ນ ແລະ ທັນການ.
  4. ໂດຍຕອບສະໜອງຕາມຄວາມຮຽກຮ້ອງຕ້ອງການຂອງຝ່າຍລາວ, ລັດຖະບານຈີນຍັງໄດ້ກຽມອຸປະກອນການແພດຕ້ານພະຍາດໂຄວິດ-19 ອີກຊຸດໜຶ່ງໃຫ້ແກ່ ສປປ ລາວ ມູນຄ່າ 10 ລ້ານຢວນ ເຊິ່ງປະກອບມີຜ້າປິດປາກການແພດ, ຊຸດປ້ອງກັນທາງການແພດ, ເຄື່ອງກວດຫາເຊື້ອພະຍາດ, ວັດຖຸປ້ອງກັນແລະເຄື່ອງປິ່ນປົວອື່ນໆ ເຊີ່ງອຸປະກອນເຫຼົ່ານີ້ມີຈໍານວນໜຶ່ງໄດ້ມາພ້ອມກັບຄະນະຜູ້ຊ່ຽວຊານການແພດແລ້ວ ແລະ ສ່ວນທີ່ເຫຼືອຈະມາເຖິງ ສປປລາວ ດ້ວຍຍົນເໝົາລໍາໃນໄວໆນີ້.
    (3). ຄະນະຜູ້ຊ່ຽວຊານການແພດຈີນຊຸດນີ້ປະກອບມີ 25 ທ່ານທີ່ເປັນຜູ້ຊ່ຽວຊານໃນດ້ານລະບາດວິທະຍາ, ການຂ້າເຊື້ອ, ກວດກາຈາກຫ້ອງກວດວິເຄາະ, ການຄຸ້ມຄອງການຕິດເຊື້ອ, ພະແນກມໍລະສຸມ ແລະ ອື່ນໆ…
  5. ຄະນະນີ້ຈະປະສານສົມທົບກັບຝ່າຍລາວເພື່ອວາງແຜນຄວບຄຸມແລະປິ່ນປົວ, ຍົກລະດັບວິຊາການ ແລະ ຄວາມສາມາດຮັບມືກັບພະຍາດຂອງແພດໝໍ ກໍຄືຄົ້ນຄວ້າ ແລະ ວິເຄາະກ່ຽວກັບການແຜ່ລະບາດ.
  6. ອີງຕາມສະຖິຕິຂອງຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ ໂຄວິດ-19 ມາຮອດວັນທີ 04 ພຶດສະພາ 2021 ສປປລາວ ມີຜູ້ຕິດເຊື້ອພະຍາດໂຄວິດ-19 ທັງໝົດ 1026 ຄົນ ໃນນັ້ນປິ່ນປົວດີແລ້ວ 60 ຄົນ ແລະ ກຳລັງປິ່ນປົວ 966 ຄົນ (CRI-FM93).