ມີເດຍລາວແຈຂວງຈຳປາສັກ ພາບ,ຂ່າວ ຈັນທອນ ກົມໄຊຊະນະ
ໃນວັນທີ 5 ພຶດສະພາ 2021 ທີມງານນັກຂ່າວ ນະຄອນປາກເຊໄດ້ລົງເຄື່ອນຕິດຕາມສະພາບການແຜ່ລະບາດຂອງພະຍາດໂຄວິດ 19, 6 ບ້ານ ໃນນັ້ນມີບ້ານ ໂພນງາມ, ບ້ານ ໃຫຍ່ທ່າໄຮ, ບ້ານ ແກ້ງເກີງ, ບ້ານ ໂພນໄຊ, ບ້ານ ຫຼັກເມືອງ, ບ້ານພະບາດ, ແລະ ອີກຫຼາຍໆບ້ານໃນ ນະຄອນປາກເຊເຫັນໄດ້ວ່າຄະນະສະເພາະກິດຂັ້ນບ້ານໄດ້ເພີ່ມທະວີມາດຕະການປ້ອງກັນ,ຕ້ານ,ສະກັດກັ້ນ,ກັນການລະບາດຂອງພະຍາດໂຄວິດ 19 ແລະ ເຂັ້ມງວດໃນການກວດກາຄົນເຂົ້າ-ອອກບ້ານໃນແຕ່ລະຈຸດກວດກາຂອງແຕ່ລະບ້ານຢ່າງເຄັ່ງຄັດເພື່ອເປັນການປະຕິບັດຕາມແຈ້ງການຂອງທ່ານນາຍົກລັດຖະມົນຕີ, ແຈ້ງການຂອງທ່ານ ເຈົ້າ ແຂວງໆ ຈຳປາສັກ, ເຈົ້ານະຄອນປາກເຊ ວ່າດ້ວຍການເພີ່ມທະວີມາດຕະການປ້ອງກັນພະຍາດໂຄວິດ 19 ເຊີ່ງໃນແຕ່ລະບ້ານໄດ້ເລີ່ມຈັດຕັ້ງປະຕິບັດແຕ່ ວັນທີ 24 ເມສາ 2021 ຜ່ານຈົນມາຮອດປະຈຸບັນ,ປະຊາຊົນຊາວນະຄອນປາກເຊກໍ່ໄດ້ຮັບຮູ້ເຂົ້າໃຈ ແລະ ໃຫ້ການຮ່ມມມືກັບເຈົ້າໜ້າທີ່ທຸກພາກສ່ວນໃນການຈັດຕັ້ງະຕິບັດມາດຕະການປ້ອງກັນ ແລະ ການອະນຸຍາດ ເຂົ້າ-ອອກ ບ້ານ

ເຊີ່ງແຕ່ລະບ້ານໄດ້ເຮັດໃບອະນຸດເຂົ້າ-ອອກ ບ້ານ,ອອກໄດ້ຄອບຄົວລະ 1 ທ່ານເທົ່ານັ້ນ ສຳບ້ານທີ່ພົບກໍລະນີຜູ້ຕິດເຊື້ອພະຍາດໂຄວິດ 19 ແມ່ນໄດ້ປະສານພົບທົບກັບຄະນະສະເພາະກິດຂັ້ນແຂວງ,ນະຄອນ ເພື່ອນຳໂຕຜູ້ກ່ຽວໄປປີ່ນປົວຢູ່ທີ່ສູນປີ່ນປົວຂອງ ແຂວງ ຈຳປາສັກດສ່ວນຄອບຄົວຜູ້ິດເຊື້ອທາງຄະນະສະເພາະຂັ້ນບ້ານກໍ່ໄດ້ກັກບໍລເວນຄອບຄອບດັ່ງກ່າວ ແລະ ຕິດຕາມອາການເປັນປະຈຳ, ຄະນະສະເພາະກິດແຕ່ລະບ້ານຍັງໄດ້ຮຽກຮ້ອງມາຍັງປະຊາຊົນບ້ານຂອງຕົນໃຫ້ພ້ອມກັນຈັດຕັ້ງປະຕິບັດມາດຕະການປ້ອງກັນຢ່າງເຂັ້ມງວດ ແລະ ແຈ້ງການຂອງຂັ້ນເທີງແຈ້ງມາໃນແຕ່ລະໄລຍະ,ຖ້າບໍ່ມີວຽກຈຳເປັນບໍ່ໃຫ້ອອກຈາກເຮືອນ,ຫຼີກລ້ຽງໄປບ່ານຊຸມຊົນ,ຮັກສາໄລຍະຫ່າງທາງສັງຄົມເພື່ອຄວາມປອດໄພຂອງບັນດາທ່ານ ແລະ ຄອບຄົບຂອງທ່ານທັງນີ້ເພື່ອຢຸດຢັ້ງການແຜ່ລະບາດຂອງພະຍາດໂຄວິດ 19 ບໍ່ໃຫ້ແຜ່ລາມເປັຍວົງກວ້າງ