ມີເດຍລາວແຂວງບໍ່ແກ້ວ ພາບ, ຂ່າວ: ບຸນຈັນ ບຸນປັນຍາ
ວັນທີ 28 ມິຖຸນານີ້ ຄະນະສະເພາະກິດປ້ອງກັນ,ຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄວິດ-19 ເມືອງຫ້ວຍຊາຍ ເຂົ້າຮ່ວມຂອງທ່ານ ບຸນລໍ້ ສີຜາວັນ ຮອງເລຂາພັກເມືອງຫ້ວຍຊາຍ, ມີບັນດາຫົວໜ້າຄະນະສະເພາະກິດປ້ອງກັນ,ຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄວິດ-19ຂັ້ນເມືອງເຂົ້າຮ່ວມ, ເຄື່ອງທີ່ຮໍາມາມອບໃນຄັ້ງນີ້, ປະກອບມີ: ເຈວລ້າງມື ຂະໜາດ 500 ml 107 ກອງ, ໜ້າກາກອານາໄມ 214 ກັບ, ເຄື່ອງວັດແທກອຸນຫະພູມ 20 ເຄື່ອງ, ລວມມູນຄ່າທັງໝົດ 10 ລ້ານກວ່າກີບ,

ກ່າວມອບໂດຍແມ່ນທ່ານ ວິຊຽນ ຈັນທະມາລີ ຜູ້ປະສານງານອົງການແພລນສາກົນ ປະຈຳແຂວງບໍ່ແກ້ວແລະ ກ່າວຮັບໂດຍ ທ່ານ ບຸນລໍ້ ສີຜາວັນ ຮອງເລຂາພັກເມືອງຫ້ວຍຊາຍ, ຕາງໜ້າໃຫ້ຄະນະນໍາຂອງເມືອງໄດ້ສະແດງຄວາມຂອບໃຈເປັນຢ່າງສູງມາຍັງອົງການແພລນສາກົນ ປະຈຳ ສ ປປ ລາວ ທີ່ຍາມໃດກໍ່ໃຫ້ຄວາມສຳຄັນ ແລະ ໃຫ້ການຊ່ວຍເຫຼືອມາຕະຫຼອດ, ອຸປະກອນທີ່ຮັບມາຄັ້ງນີ້ສ່ວນໜຶ່ງແມ່ນນຳໄຊ້ເຂົ້ໃນສູນກັກກັ່ນ ເພື່ອເຮັດໃຫ້ແຮງງານທີ່ກັບມາຈາກຕ່າງແຂວງ, ຕ່າງເມືອງ ແລະ ຕ່າງປະເທດໄດ້ເຂົ້າມາກັກກັ່ນຢູ່ສູນກັກກັນປ້ອງກັນ,ຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄວິດ-19 ຢູ່ເມືອງຫ້ວຍຊາຍໃຫ້ເກີດປະໂຫຍດສູງສຸດ.