ມີເດຍລາວແຂວງຫຼວງພະບາງ ຂ່າວ: ສົມເພັດ ໄຊມີກອນ ນັກຂ່າວເມືອງໂພນທອງ.
ວັນທີ 18 ພຶດສະພາ 2021 ນິ້ ທີດ່ານຫ້ວຍປວກ ຊາຍແດນເມືອງໂພນທອງ ແຂວງຫຼວງພະບາງ ສປປ ລາວ ແລະ ເມືອງດຽນບຽບ ແຂວງດຽນບຽນ ສສ ຫວຽດນາມ ໄດ້ຈັດການມອບ-ຮັບ ອຸປະກອນການແພດ ຈາກອົງການປົກຄອງເມືອງດຽນບຽນ ແຂວງດຽນບຽນ ສສ ຫວຽດນາມ ໃຫ້ເມືອງໂພນທອງ ແຂວຫຼວງພະບາງ ສປປ ລາວ ໂດຍການມອບຂອງ ທ່ານ ບຸຍສວນເຈື່ອງ ຮອງເລຂາພັກເມືອງດຽນບຽນ ແລະຮັບໂດຍ ທ່ານ ສົມວອນ ແກ້ວຄຳພອນ ຮອງເລຂາພັກເມືອງໂພນທອງ ເຄື່ອງທີໄດ້ຮັບການຊ່ວຍເຫຼືອໃນຄັ້ງນີປະກອບມີ: ຜ້າອັດປາກ-ດັງ, ນ້ຳຢາຂ້າເຊື້ອ ຫຼື ເຈວລ້າງມື ແລະເຄື່ອງປ້ອງກັນພະຍາດໂຄວິດ-19 ລວມມູນຄ່າ 30 ລ້ານດົງ, ເພື່ອນໍາໃຊ້ເຂົ້າໃນວຽກງານປ້ອງກັນ ແລະແກ້ໄຂ້ ການລະບາດຂອງພະຍາດໂຄວິດ-19 ຢູ່ເມືອງໂພນທອງ.

ໂອກາດນີ້ ທ່ານ ສົມວອນ ແກ້ວຄຳພອນ ໄດ້ສະແດງຄວາມຂອບໃຈ ຕໍ່ການນຳ ພ້ອມດ້ວຍພະນັກງານທະຫານ, ຕຳຫຼວດ, ຕະຫຼອດຮອດປະຊາຊົນ ເມືອງດຽນບຽນ ແຂວງດຽນບຽນ ສສ ຫວຽດນາມ ທີ່ມີຄວາມເປັນຫວງເປັນໃຍຕໍ່ ການດຳລົງຊີວິດຂອງປະຊາຊົນຊາວ ເມືອງໂພນທອງ ໃນໄລຍະການລະບາດຂອງພະຍາດໂຄວິດ-19 ໂດຍການປະກອບສ່ວນຊ່ວຍເຫຼືອ ອຸປະກອນໃນການປ້ອງກັນ ແລະແກ້ໄຂ້ການລະບາດຂອງພະຍາດໂຄວິດ-19. ທັງສັນຍາວ່າເຄືອງທີ່ໄດ້ຮັບໃນຄັ້ງນີ້ ການນຳເມືອງໂພນທອງຈະໄດ້ຈັດສັນ ມອບຕໍ່ໃຫ້ພາກສ່ວນກ່ຽວຂ້ອງ ແລະປະຊາຊົນພາຍໃນເມືອງ ນຳໃຊ້ເຂົ້າໃນວຽກງານປ້ອງກັນການແຜ່ລະບາດ ຂອງພະຍາດໂຄວິດ-19 ໃຫ້ເກີດຜົນປະໂຫຍດສູງ.