ມີເດຍລາວແຂວງຈຳປາສັກ ຂ່າວ. – ພາບ ໄຊຍະສິດ ສີຫາວົງ
ຄັ້ງວັນທີ 10 ພຶດສະພາ​ 2021​ນີ້ ຢູ່ຈຸດກວດກາເຄື່ອນໄຫວ ຄວບຄຸຸ້ມຕ້ານ ແລະ ສະກັດກັນການລະບາດຂອງພະຍາດໂຄວິດ-19​ ຢູ່ກຸ່ມ2ໜອງວຽນເມືອງຈຳປາສັກ.​ໃນນັ້ນແມ່ນໄດ້ລີມການກວດກາແຕ່ຄັ້ງວັນທີ 27 ເມສາ 2021​ ເປັນຕົ້ນມາ ຈົນມາເຖິງວັນທີ 9 ພຶດສະພາ​2021​ ແລະ ໄດ້ກວດກາທັງໝົດ 1.​392 ຄົນ /ຍິງ​607 ຄົນ ທີ່ໄດ້ຜ່ານການວັດແທກອຸນະພູມ ຊອກຫາຜູ້ທີ່ມີຄວາມສ່ຽງສູງ ທັງນີ້ກໍ່ເພື່ອຕ້ານການລະບາດຂອງພະຍາດໂຄວິດ19 ເພື່ອບໍ່ໃຫ້ແຜ່ລາມເປັນວົງກ້ວາງ.​ຈຸດກວດການີ້ແມ່ນມີຫຼາຍພາກສ່ວນກວດກາ ມີທ່ານ ນາງ ອໍລະໄທ ຄຳບຸດດາ ເລຂາຄະນະພັກຮາກຖານກຸ່ມ2ໜອງວຽນ ແລະ ທັງເປັນຫົວໜ້າສະເພາະກິດຂັ້ນກຸ່ມເປັນຫໄວໜ້າ.​ມີ ທ່ານ ນາງ ຂັນຕີ ໄຊສົງຄາມ ຫົວໜ້າໂຮງໝໍນ້ອຍກຸ່ມ2ໜອງວຽນເປັນຮອງ.​ ມີ ຮອ ບຸນມີ ວົງປະເສີດ ຮອງປກສ ກຸ່ມ2ໜອງວຽນ ແລະ ການຈັດຕັ້ງບ້ານໃຫ່ຍທາງຄົບ ທ່ານ ບຸນເສີມ ເລີນທະນະວັນ ຮອງນາຍບ້ານ ທັງເປັນຜູ້ກວດກາພັກລັດບ້ານ ແລະອ້າຍນ້ອງ ປກຊ ປກສ ກຸ່ມ ແລະ ປກຊ ປກສ ບ້ານເຂົ້າຮ່ວມຢູ່ຈຸດກວດກາ.

ຈາກນັ້ນ ທ່ານ ນາງ ຂັນຕີ ໄຊສົງຄາມ ກໍ່ໄດ້ລາຍງານໃຫ້ສຳພາດວ່າ: ຢູ່ກຸ່ມ 2 ໜອງວຽນ ແມ່ນໄດ້ກວດກາໄດ້ທັງໝົດ 1.392 ຄົນ /ຍິງ​607 ຄົນ.​ນອກນັ້ນທາງກຸ່ມເຮົາຍັງໄດ້ຕັ້ງສູນກັກກັນຕ້ານການລະບາດຂອງພະຍາດໂຄວິດ-19​ ໂດຍໄດ້ກຳນົດເອົາໂຮງຮຽນ ມສ ໂພນງາມ​ ເມືອງຈຳປາສັກ​ເປັນສູນກັກກັນ.​ເຊິ່ງ​ເລີ່ມຕົ້ນ​ແຕ່ວັນທີ 6 ພຶດສະພາ​2021​ເປັນຕົ້ນມາ ແລະ ມີຈຳນວນຄົນເຂົ້າສູນກັກກັນ ປະຈຸບັນຢູ່ສູນທັງໝົດ 42 ຄົນ /ຍິງ​10ຄົນ.​ເຊິ່ງໃນນັ້ນແມ່ນໄດ້ກຳນົດເອົາຄົນທີ່ເດີ່ນທາງມາຈາກຕ່າງແຂວງ.​ຕ່າງເມືອງ.​ແລະບຸກຄົນທີ່ມີຄວາມສ່ຽງສູງ