ມີເດຍາວແຂວງຈຳປາສັກ
ຕາມການໃຫ້ສຳພາດຂອງ ທ່ານ ຄໍາຫວັນ ສີວົງສາ ເຈົ້າຂອງຕະຫຼາດໃໝ່ໜອງຫ້ອຍ ເມື່ອວັນທີ 22 ກັນຍາ 2021 ນີ້ໃຫ້ຮູ້ວ່າ: ປັດຈຸບັນຕະຫຼາດໃໝ່ໜອງຫ້ອຍ ແມ່ນຕັ້ງຢູ່ຫຼັກ 9 ແຄມເສັ້ນທາງຫຼວງເລກທີ 13 ໃຕ້ ຫຼື ກົງກັບທາງເຂົ້າບ້າຍໜອງຫອຍ ເມືອງຊະນະສົມບູນ ແຂວງຈຳປາສັກ.ພາຍຫຼັງທີ່ມີການລະບາດຂອອງພະຍາດໂຄວິດ 19 ຢູ່ແຂວງຈຳປາສັກ.ທາງຕະຫຼາດຂອງພວກເຮົາກໍ່ໄດ້ເອົາໃຈໃສ່ຜັນຂະຫຍາຍຄຳສັງຂອງທ່ານເຈົ້າແຂວງຈຳປາສັກ ແລະ ເມືອງຊະນະສົມບູນ ວ່າດ້ວຍການສຶບຕໍ່ເພີ່ມທະວີໃນການຈັດຕັ້ງປະຕິບັດມາດຕະການປ້ອງກັນ ແລະ ແກ້ໄຂການລະບາດຂອງພະຍາດໂຄວິດ 19 ຢ່າງເຂັ້ມງວດ.ກໍ່ຄືໃນໄລຍະທີ່ມີການປິດການເຂົ້າ-ອອກເມືອງຂັ້ນເດັດຂາດນັບແຕ່ວັນທີ 16-30 ກັນຍາ 2021.

ໃນນັ້ນທາງຕະຫຼາດກໍ່ໄດ່ມີການກຳນົດໂມງເວລາໃນການເປີດ-ປິດຕະຫຼາດຕາມທີ່ຂັ້ນເທີງກຳນົດໄວ້ຄື: ມີການກຳນົດເວລາເປີດຕະຫຼາດນັບແຕ່ເວລາ 6 ໂມງເຊົ້າ ຈົນເຖີງຕ່ອນທ່ຽງເວລາ 12 ໂມງຕົງໃນແຕ່ລະວັນແມ່ນຈະໄດ້ປິດ ນອກນັ້ນຍັງໄດ້ນໍາໃຊ້ລະບົບໂທລະໂຄ່ງຂອງຕະຫຼາດປະກາດໂຄສະນາເຜີຍແຜ່ກ່ຽວກັບມາດຕະການປ້ອງກັນພະຍາດໂຄວິດ 19 ເພື່ອໃຫ້ພໍ່ຄ້າຊາວຂາຍ ແລະ ພໍ່ແມ່ປະຊາຊົນທີ່ເຂົ້າມາໃຊ້ບໍລິການພາຍໃນຕະຫຼາດຮັບຮູ້ ແລະເຂົ້າໃຈຢ່າງເລີກເຊີ່ງ ແລະ ທີ່ສຳຄັນສຳລັບພໍ່ແມ່ປະຊາຊົນກອນທີ່ຈະເຂົ້າໄປໃຊ້ບໍລິການພາຍໃນຕະຫຼາດກອນອື່ນຕ້ອງໄດ້ຜ່ານກວດກາວັດແທກອຸ່ນຫະພູມ,ໃສ່ຜ້າອັດປາກ-ດັງ,ຮັກສາໄລຍະຫ່າງ ແລະ ລາງມືດ້ວຍເຢວແອວກໍ່ຮໍທີ່ມີທາດເຫຼົ້າ ທີ່ທາງຕະຫຼາດມີໃຫ້ບໍລິການ ກອນຈຶ່ງຈະສາມາດເຂົ້າໄປຈັບຈ່າຍຊື້-ສີນຄ້າຢູ່ທີ່ຕະຫຼາດໄດ້.ເຊີ່ງມາດຕະການເຂັ້ມງວດດັ່ງກ່າວແມ່ນໄດ້ເລີ່ມຈັດຕັ້ງປະຕິບັດມາແຕ່ວັນທີ 17 ກັນຍາ 2021 ຈົນເຖີງວັນທີ 30 ກັນຍາ2021 ຫຼື ຈົນກວ່າຈະມີຄຳສັ່ງປ່ຽນແປງໃດໆຈາກຂັ້ນເທີງ.

ພ້ອມນີ້ ທ່ານ ຄຳຫວັນ ສີວົງສາ ເຈົ້າຂອງຕະຫຼາດໃໝ່ໜອງຫ້ອຍ ຍັງໃຫ້ສຳພາດຕື່ມວ່າ: ຜ່ານການຈັດຕັ້ງປະຕິບັດຕົວຈິງໃນໄລຍະ 6 ວັນຜ່ານມາ ເຫັນວ່າ ພໍ່ຄ້າຊາວຂາຍທີ່ຢູ່ພາຍໃຕ້ການຄຸ້ມຄອງຕະຫຼາດຂອງຕົນ ແລະ ພໍ່ແມ່ປະປາຊົນທີ່ເຂົ້າມາຊື້ຂາຍສີນຄ້າ ກໍ່ໄດ້ໃຫ້ຄວາມຮ່ວມມືເປັນຢ່າງດີ ໂດຍພ້ອມກັນເອົາໃຈໃສ່ະຕິບັດມາດຕະການປ້ອງກັນໂຄວິດ 19 ຢ່າງເຄັ່ງຄັດ ນອກຈາກນັ້ນ ທ່ານຍັງຝາກເຖີ່ງພໍ່ແມ່ປະຊາຊົນທີ່ຈະເຂົ້າມາໃຊ້ບໍລິການຢູ່ທີ່ຕະຫຼາດໃໝ່ໜອງຫອຍ ຕ້ອງພ້ອມກັນເອົາໃຈໃສ່ປະຕິບັດບັນດາມາດຕະການປ້ອງກັນພະຍາດໂຄວິດ 19 ທີ່ທາງຄະນະສະເພາະກິດຂັ້ນຕ່າງໆວາງອອກ ເວົ້າລວມເວົ້າສະເພາະກໍ່ຄືຂອງຕະຫຼາດໃໝ່ນອງຫອຍວາງອອກຢ່າງເຂັ້ມງວດ.ທັງນີ້ກໍ່ເພື່ອບໍ່ໃຫ້ມີການແຜ່ລະບາດຂອງເຊື້ອພະຍາດໂຄວິດ 19 ຢູ່ໃນຊຸມຊົນຂອງເມືອງຊະນະສົມບູນ.

( ປ່ອຍສຽງສຳພາດທ່ານ ຄຳຫວັນ ສີວົງສາ ເຈົ້າຂອງຕະຫຼາດໃໝ່ໜອງຫ້ອຍ )
ບັນນາທິການຂ່າວ ໂດຍ: ທ.ແຫຼມ ສິນໄຊ ສໍປະເສີດ ຫ້ອງການ ຖວທ ເມືອງຊະນະສົມບູນ