ມີບາງທ່ານອາດເຂົ້າໃຈເລື່ອງການແຜ່ລະບາດຂອງພະຍາດໂຄວິດ-19 ແບບຄາດເຄື່ອນ; ຄິດວ່າບ້ານຕົນ; ທ້ອງຖີ່ນຕົນ; ເມືອງຕົນ; ແຂວງຕົນມີຕົວເລກສູນມາຫຼາຍວັນແລ້ວເລີຍປະລະມາດຕະການເຂັ້ມງວດຕາມທີ່ຄະນະສະເພາະກິດເພີ່ນວາງອອກຢ່າປະໝາດເນີ! ຕົວເລກສູນນັ້ນຕ້ອງລຽນຕິດເປັນເວລາ 28 ວັນຈີ່ງປອດໄພ.

ການຢູ່ເຮືອນ ແລະ ບໍ່ເດີນທາງໄປຍັງສະຖານທີ່ມີຄວາມສ່ຽງຍັງຖືວ່າເປັນມາດຕະການຫຼັກທີ່ສຳຄັນໃນການຕັດວົງຈອນການແຜ່ລະບາດຂອງພະຍາດດັ່ງກ່າວ.

ການປະຕິບັດດຳລົງຊີວິດປົກກະຕິແບບໃໝ່ (New normal) ຍັງມີຄວາມຈຳເປັນ ເຊັ່ນ: ການໃສ່ຜ້າປິດປາກ-ດັງ; ການໝັ່ນລ້າງມືດ້ວຍສະບູ; ເຈວ ແລະ ເຫຼົ້າ 70% ເລື້ອຍໆ; ການຮັກສາໄລຍະຫ່າງໃນສັງຄົມ ແລະ ຫຼີກລ້ຽງໄປບ່ອນທີ່ມີຄົນຫຼາຍ ຫຼື ເຂດທີ່ມີຄວາມສ່ຽງ; ການເຮັດວຽກຢູ່ເຮືອນ ຫຼື ຜັດປ່ຽນກັນໄປປະຈຳການ ຕ້ອງປະຕິບັດຈົນກ່ວາເຮົາຈະຜ່ານຜ່າວິກິດການລະບາດໄປໄດ້.

ຖ້າຫາກທ່ານໃດຮູ້ຕົນເອງເປັນຜູ້ສຳພັດໃກ້ຊິດ ກັບຜູ້ຕິດເຊື້ອ ຫຼື ໄດ້ເດີນທາງໄປຍັງສະຖານທີ່ ທີ່ມີຄວາມສ່ຽງຈົ່ງຮີບຮ້ອນໄປພົບແພດໝໍ ເພື່ອເກັບຕົວຢ່າງກວດຫາເຊື້ອພະຍາດ ສຳລັບຜູ້ບໍ່ສະບາຍມີອາການຄ້າຍຄືໄຂ້ຫັວດກໍ່ໃຫ້ຮີບຮ້ອນໄປກວດ; ບໍ່ຄວນໄປຊື້ຢາມາກິນເອງ ແລະ  ໃນໄລຍະລໍຖ້າຜົນກວດກໍ່ໃຫ້ຈຳກັດໂຕເອງແຍກອອກຈາກຄອບຄົວ ແລະ ຄົນໃກ້ຊິດຈົນຄົບ 14 ມື້ ເຖີງວ່າຜົນກວດຈະອອກມາເປັນລົບກໍ່ຕາມ (-) ກໍ່ໃຫ້ສືບຕໍ່ຈຳກັດບໍລິເວນຕົນເອງຈົນຄົບກຳນົດຈີ່ງອອກມາເຄື່ອນໄຫວປົກກະຕິໄດ້.

ຂໍໃຫ້ທຸກຄົນຢ່າປະໝາດເພາະຂໍ້ມູນນີ້ໄດ້ມາຈາກຄຳຖະແຫຼງ ຂອງຄະນະສະເພາະກິດ.

ທິດດີ