ວັນທີ 30 ມິຖຸນາ 2021 ພະແນກ ຖວທ ແຂວງ ອັດຕະປື ໄດ້ຈັດຕັ້ງການເຊື່ອມເຊຶມເອກະສານຂອງພັກ ຂຶ້ນທີ່ຫ້ອງປະຊຸມພະແນກດັ່ງກ່າວ ໂດຍການໃຫ້ກຽດເຂົ້າຮ່ວມເປັນປະທານຂອງ ສະຫາຍ ກົງຈັກ​ ສີ​ສະຫວາດ​ ເລຂາຄະນະພັກຮາກຖານ ຫົວໜ້າພະແນກ​ຖະແຫຼງ​ຂ່າວ, ວັດທະນະທໍາ​ ແລະ​ ທ່ອງທ່ຽວ​ແຂວງ, ມີບັນດາສະຫາຍ​ຄະນະພັກ​ຮາກຖານ,​ຄະນະໜ່ວຍພັກ ພ້ອມດ້ວຍສະມາຊິກພັກ,​ພະນັກງານລັດຖະກອນພາຍໃນພະແນກເຂົ້າຮ່ວມ.​


ສະຫາຍ​ ກົງຈັກ​ ສີ​ສະຫວາດ​ ໄດ້ໃຫ້ກຽດກ່າວຈຸດປະສົງພ້ອມທັງເຊື່ອມຊຶມ 4 ເອກະສານຄໍາຄັນຄື: ເອກະສານມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກ, ແຜນພັດທະນາເສດຖະກິດ-ສັງຄົມຂອງແຂວງປີ 2021, ຮ່າງວາລະແຫ່ງຊາດກັບການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ 2021-2023 ແລະ ວາລະແຫ່ງຊາດວ່າດ້ວຍການແກ້ໄຂບັນຫາຢາເສບຕິດ ປີ2021 ເພື່ອແນໃສ່ເຮັດໃຫ້ບັນດາສະຫາຍສະມາຊິກພັກພະນັກງານ-ລັດຖະກອນງຮັບຮູ້, ເຂົ້າໃຈຢ່າງເລິກເຊິ່ງ ແລະ ກໍາແໜ້ນເນື້ອໃນມະຕິກອງປະຊຸມດັ່ງກ່າວ ໂດຍສະເພາະເນື້ອໃນສໍາຄັນຕົ້ນຕໍ ແລະ ວຽກງານຈຸດສຸມທີ່ຕ້ອງເອົາໃຈໃສ່ນໍາພາ-ຊີ້ນໍາຜັນຂະຫຍາຍເຂົ້າໃນການປະຕິບັດໜ້າທີ່ວຽກງານຂອງຕົນໃຫ້ປະກົດຜົນເປັນຈິງ ແລະ ໃຫ້ໄດ້ຮັບຜົນສຳເລັດສູງສຸດ, ພ້ອມນີ້ ຍັງໄດ້ແບ່ງກຸ່ມຄົ້ນຄວ້າລົງເລິກ 4 ເນື້ອໃນເອກະສານເຊິ່ງລວມມີ 4 ກຸ່ມຄື: ປຸ່ມເສນາທິການ, ປຸ່ມຖະແຫລງຂ່າວ, ກຸ່ມວັດທະນາທໍາ ແລະ ປຸ່ມທ່ອງທ່ຽວ ເພື່ອສັງລວມບັນຫາທີ່ຕິດພັນກັບຫນ້າວຽກຕົວຈິງ, ຕິດພັນກັບການເສີມຂະຫຍາຍຄວາມເປັນເຈົ້າການໃນການນໍາພາ-ຊີ້ນໍາຂອງບັນດາສະຫາຍສະມາຊິກພັກ, ເຊີດຊູຄວາມຮັບຜິດຊອບໜ້າທີ່ການເມືອງ, ຜັນຂະຫຍາຍຈິດໃຈເນື້ອໃນມະຕິຂອງສູນກາງພັກຢ່າງເປັນຮູບປະທຳ ແລະ ສືບຕໍ່ຊີ້ນໍາ-ນໍາພາປົກປັກຮັກສາ ແລະ ສ້າງສາພັດທະນາປະເທດຊາດ ເວົ້າລວມ, ເວົ້າສະເພາະກໍຄືວຽກງານຖະແຫຼງຂ່າວ,​ວັດທະນະທໍາ ແລະ​ທ່ອງທ່ຽວ ໃຫ້ມີຄວາມສະຫງົບ ແລະ ໄດ້ຮັບການພັດທະນາດີຂຶ້ນ.

ພາບ-ຂ່າວ: ສິຕິພອນ