ໃນຕອນບ່າຍຂອງວັນທີ່ 23 ສີງຫານີ້ ທີ່ຫ້ອງປະຊຸມພະແນກພະລັງງານ ແລະບໍ່ແຮ່ ແຂວງອຸດົມໄຊ ທ່ານ ອ່ອນແກ້ວ ອຸ່ນອາລົມ ຮອງເຈົ້າແຂວງອຸດົມໄຊ ຜູ້ຊີ້ນຳວຽກງານເສດຖະກິດ-ສັງຄົມ ໄດ້ພົບປະໂອ້ລົມ ພະນັກງານ-ລັດຖະກອນ ພະແນກພະລັງານ ແລະ ບໍ່່ແຮ່ ການໂອ້ລົມເພື່ອເປັນການແລກປ່ຽນບົດຮຽນກ່ຽວກັບວຽກງານຕ່າງໆ ຂອງພະແນກພະລັງານ ແລະ ບໍ່່ແຮ່ ພ້ອມນີ້ ກໍ່ໄດ້ຮັບຟັງການລາຍງານການຈັດຕັ້ງປະຕິບັດວຽກງານຂອງພະແນກໃນໄລຍະຜ່ານມາ, ດ້ານດີຜົນງານ, ດ້ານອ່ອນຂໍ້ຄົງຄ້າງ ແລະ ທິດທາງແຜນການໃນຕໍ່ໜ້າ. ທ່ານກ່າວວ່າ: ໃນການມາພົບປະໂອ້ລົມກໍເພື່ອຕິດຕາມ, ກວດກາ ເບີ່ງບັນດາໜ້າວຽກຕ່າງໆ ໂດຍສະເພາະ ແມ່ນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ.


ໂອກາດນີ້ ທ່ານກໍ່ໄດ້ຍ້ອງຍໍຊົມເຊີຍຕໍ່ຜົນງານທີ່ຄະນະພະແນກ ແລະ ວິຊາການທຸກຂັ້ນຍາດມາໄດ້ໃນໄລຍະຜ່ານມາ ໂດຍສະເພາະແມ່ນວຽກງານພັກ-ພະນັກງານ ທີ່ສາມາດຍາດໄດ້ໜ່ວຍພັກປອດໃສ, ເຂັ້ມແຂງ,ໜັກແໜ້ນ ຫຼາຍປີຊ້ອນ, ວຽກງານການຂະຫຍາຍ, ວຽກງານການຄຸ້ມຄອງບໍລິສັດ, ວຽກງານການຂຸດຄົ້ນແຮ່ທາດຕ່າງໆ, ວຽກງານອົງການຈັດຫຕັ້ງມະຫາຊົນ ແລະ ວຽກງານອື່ນໆທີ່ປິ່ນອ້ອມ, ພ້ອມນີ້ ທ່ານຍັງໄດ້ເນັ້ນໃຫ້ເອົາໃຈໃສ່ເຂົ້າໃນການພັດທະນາ, ແຜນຍຸດທະສາດຂອງພະແນກ ກໍ່ຄື ຂອງແຂວງ, ກະຊວງວາງອອກ, ໂດຍສະເພາະແມ່ນວຽກງານ ພັກ-ພະນັກງານ ໃຫ້ສືບຕໍ່ສຶກສາອົບຮົມທາງດ້ານການເມືອງ-ແນວຄິດ ໃຫ້ແກ່ພະນັກງານສະມາຊິກພັກໄດ້ເຂົ້າໃຈຢ່າງເລິກເຊິ່ງກ່ຽວກັບແນວທາງນະໂຍບາຍຂອງພັກ, ລະບຽບກົດໝາຍຂອງລັດ, ເອົາໃຈໃສ່ຕໍ່ກັບວຽກງານກວດກາ ພັກ-ພະນັກງານ ເຮັດຕາມພາລະບົດບາດຂອງຕົນ ຕິດຕາມ, ກວດກາ ເບິ່ງແຍງດູແລພະນັກງານຂະແໜງການ ເພື່ອນຳເອົາຈຸດບົກຜ່ອງນຳມາຕໍ່ານິກ່າວເຕືອນໃຫ້ທັນເວລາ, ສຸມໃສ່ວຽກງານພັດທະນາຕາມທິດ 4 ໃຈກາງຂອງແຂວງອຸດົມໄຊ ໃຫ້ບັນລຸເປົ້າໝາຍ.

ພາບ-ຂ່າວ: ແສງອາທິດ