ການພົບປະຜູ້ແທນສອງຝ່າຍ ລະຫວ່າງນະຄອນ ໄກສອນ ພົມວິຫານ ແຂວງສະຫັວນນະເຂດ ສປປ ລາວ ກັບ ສະມາຄົມມິດຕະພາບ ນະຄອນ ຊຽງຖານ ແຂວງ ຫູໜານ ສປ ຈີນ ໄດ້ຈັດຂື້ນໃນວັນທີ 15 ພະຈິກ 2019ນີ້.ທີ່ນະຄອນໄກສອນ ພົມວິຫານ ແຂວງ ສ/ຂ.ໂດຍທ່ານ ປອ ແສງທອງ ວັງແກ້ວມະນີ ກໍາມະການພັກແຂວງ ເລຂາພັກນະຄອນ ເຈົ້ານະຄອນໄກສອນ ພົມວິຫານ ພ້ອມຄະນະ ,ຝ່າຍຄະນະຜູ້ແທນ ສະມາຄົມມິດຕະພາບ ນະຄອນຊຽງຖານ ແຂວງ ຫູໜານ ຂອງ ສປ ຈີນ ພ້ອມຄະນະ ເຊິ່ງນໍາໂດຍ ທ່ານ ນາງ ກວາຊ້ຽງລີ້ ຮອງປະທານ ສະມາຄົມມິດຕະພາບ ແຂວງຫູໜານ ພ້ອມຄະນະ,ຈາກນັ້ນກໍ່ມີສະມາຄົມຈີນ ແຂວງສະຫັວນນະເຂດ ກໍ່ໄດ້ເຂົ້າຮ່ວມໃນຄັ້ງນີ້.

ໃນໂອກາດຄະນະຜູ້ແທນ ສະມາຄົມມິດຕະພາບ ແຂວງ ຫູໜານ ສປ ຈີນ ໄດ້ເດີນທາງມາເຄື່ອນໄຫວເຮັດວຽກ ນະຄອນ ໄກສອນ ພົມວິຫານໃນຄັ້ງນີ້ ,ເຊີ່ງທ່ານ ເຈົ້ານະຄອນ ກໍ່ໄດ້ລາຍງານສະພາບເສດຖະກິດຂອງນະຄອນ ໄກສອນ ພົມວິຫານໂດຍສັງເຂບ: ຈາກນັ້ນໃນກອງປະຊຸມພົບປະລະຫວ່າງສອງຄະນະຜູ້ແທນຂອງທັງສອງນະຄອນຍັງໄດ້ທົບທວນ ແລະ ຕີລາການຮ່ວມມືຂອງສອງຝ່າຍໃນຜ່ານມາແລະກໍານົດແຜນການຮ່ວມມືໃນແຕ່ລະຂົງເຂດໂດຍສະເພາະ ຂົງເຂດການຄ້າ,ການລົງທຶນ,ການຄົມມະນາຄົມ-ຂົນສົ່ງ,ການສຶກສາ,ສາທາລະນະສຸກ,ການທ່ອງທ່ຽວ,ກະສິກໍາ,ເຕັກນິກວິທະຍາສາດ,ການຮ່ວມມືພັດທະນາຊັບພະຍາກອນມະນຸດ ແລະ ແລກປ່ຽນເຕັກນິກວິຊາການລະຫ່ວາງກັນ.
ສອງຝ່າຍໄດ້ເປັນເອກະພາບສຶບຕໍ່ເສີມຂະຫຍາຍສາຍພົວພັນ,ການຮ່ວມມືລະຫວ່າງກັນໃຫ້ເປັນຮູບປະທໍາຂື້ນຕື່ມອີກ ໂດຍສອງຝ່າຍຈະສະໜັບສະໜູນ,ຊຸກຍູ້ແລະ ອໍານວຍຄວາມສະດວກດ້ານການຄ້າ,ການລົງທຶນ,ຄົມມະຄົມຂົນສົ່ງຂອງແຕ່ລະຝ່າຍໃຫ້ມີຄວາມສະດວກວ່ອງໄວ້ຕາມເງື່ອນໄຂແລະລະບຽບກົດໜາຍຂອງແຕ່ລະປະເທດ,ສະໜັບສະໜູນກົນໄກການປະສານງານຮ່ວມມືລະຫວ່າງພາກລັດ,ເອກະຊົນ,ນັກທຸລະກິດ,ນັກລົງທຶນຂອງແຕ່ລະຝ່າຍໃຫ້ມີການພົວພັນ-ຮ່ວມມືລະຫວ່າງກັນຫຼາຍຂື້ນ,ສົ່ງເສີມ ແລະຮ່ວມມືກັນໃນການໂຄສະນາປະຊາສໍາພັນການທ່ອງທ່ຽວລະຫວ່າງສອງນະຄອນ,ສອງແຂວງ ແລະ ສອງປະເທດເພື່ອສົ່ງເສີມການທ່ອງທ່ຽວລາວ-ຈີນໃຫ້ນັບມື້ເພີ້ມຂື້ນ.ສອງຝ່າຍເຫັນດີສະໜັບສະໜູນການຮ່ວມມື ທາງດ້ານເຕັກນິກວິທະຍາສາດ,ການກໍ່ສ້າງ ແລະ ພັດທະນາຊັບພະຍາກອນມະນຸດລະຫວ່າງກັນຜ່ານຮູບແບບການຝຶກອົບຮົມໃນໄລຍະສັ້ນແລະໄລຍະຍາວ ໂດຍນະຄອນ ຊຽງຖານ ແຂວງ ຫູໜານ ສປ ຈີນ ຈະສະໜັບສະໜູນໃຫ້ການຊ່ວຍເຫຼືອປີລະ 10 ຫາ15 ຄົນ/ປີຕາມເງື່ອນໄຂ ແລະຄວາມຕ້ອງການຂອງນະຄອນ ໄກສອນ ພົມວິຫານ ແລະ ໃຫ້ມີການຮ່ວມມື,ການພົບປະຢ້ຽມຢາມ ແລະ ແລກປ່ຽນບົດຮຽນ ເຊິ່ງກັນ ແລະ ກັນລະຫວ່າງສອງນະຄອນ ປີລະຄັ້ງ ໂດຍການຜັດປ່ຽນເປັນເຈົ້າພາບ.
ໂອກາດນີ້ ທ່ານ ເຈົ້ານະຄອນ ໄດ້ສະແດງຄວາມຍິນດີຕ້ອນຮັບ ແລະ ຕີລາຄາສູງຕໍ່ການເດີນທາງມາຢ້ຽມຢາມແລະ ເຮັດວຽກຢູ່ນະຄອນໄກສອນ ພົມວິຫານ ຂອງ ທ່ານ ນາງ ກວາຊ້ຽງລີ້ ພ້ອນຄະນະ,ເຊິ່ງເປັນການປະກອບສ່ວນເຂົ້າໃນການເສີມຂະຫຍາຍສາຍພົວພັນການຮ່ວມມືລະຫວ່າງປະຊາຊົນສອງຊາດ ລາວ- ຈີນ ໂດຍເວົ້າສະເພາະນະຄອນໄກສອນ ພົມວິຫານ ກັບ ນະຄອນ ຊຽງຖານ ແຂວງ ຫູໜານ ສປ ຈີນ ໃຫ້ໄດ້ຮັບການເພີ່ມພູນຄູນສ້າງ ແລະ ຂະຫຍາຍຕົວທັງທາງກວ້າງ ແລະ ທາງເລິກ.

savannakhet medialaos