ມີເດຍລາວແຂວງສາລະວັນ ພາບ-ຂ່າວ: ສິດຕາ ເພັດວົງສາ
ໃນວັນທີ 16 ມິຖຸນາ 2021 ນີ້ທ່ານ ໂພໄຊ ໄຊຍະສອນ ເລຂາພັກແຂວງ ເຈົ້າແຂວງໆສາລະວັນ, ທ່ານ ອະນຸສັກຈຳປາຄຳ ຫົວໜ້າພະແນກກະສີກຳ ແລະປ່າໄມ້ແຂວງ ແລະພາກສ່ວນຕ່າງໆທີ່ກ່ຽວຂ້ອງໄດ້ລົງຊຸກຍູ້ຂະບວນການຜະລິດລະດູຝົນຂອງປະຊາຊົນ ເມືອງເລົ່າງາມ ແຂວງສາລະວັນ ເຊັ່ນ: ການປູກພືດປະເພດມັນຕົ້ນ, ກະເຟ, ຖົ່ວດິນ, ກ້ວຍ, ສາລແລະພືດຊະນິດອື່ນໆ ຢູ່ຈຸດບ້ານອິນແປງ, ບ້ານນາເຊຍນ້ອຍ, ບ້ານດົງ, ບ້ານ ອົ້ນນ້ອຍ, ບ້ານ ດົງບັງ ແລະບ້ານ ມືນປາກດີ, ການລົງໄປພົບປະຊຸກຍູ້ຄັ້ງນີ້ ທ່ານ ເຈົ້າແຂວງສາລະວັນ ກໍ່ໄດ້ເນັ້ນໃຫ້ປະຊາຊົນເຂດບ້ານດັ່ງກ່າວ ເອົາໃຈໃສ່ບົວລະບັດຜົນຜະລິດຂອງຕົນ ໃຫ້ໄດ້ຮັບປະສິດທິຜົນສູງເພາະວ່າເຂດນີ້ແມ່ນເໜາະສົມແກ່ການປູກພຶດປະເພດຖົົວດິນ, ມັນດາງ, ກະເຟ, ສາລີ, ສາລອຍ, ຖົ່ວລຽນ ແລະພຶດຜັກອື່ນໆ,

ຈາກນັ້ນທ່ານ ຍັງໄດ້ໄປຢ້ຽມຢາມສວນກະເຟ ບ້ານ ອົ້ນນ້ອຍ ແລະໄດ້ໄປຢ້ຽມຢາມເບິ່ງການລ້ຽງໜູພັນຊີ້ນແບບເປັນຟາມຂອງທ່ານ ສົມຊາຍ ຢູ່ທີ່ບ້ານມຶນປາກດີ, ແຕ່ກ່ອນແມ່ນໄດ້ລ້ຽງແບບຄອບຄົວມາຮອດປີ 2018 ໄດ້ຫັນມາລ້ຽງແບບເປັນຟາມ ເພື່ອສົ່ງບ່ອນຕະຫຼາດພາຍໃນເມືອງຂອງຕົນ, ປະຈຸບັນນີມີພໍ່ພັນ ແລະແມ່ພັນໜູເກືອບ 100 ໂຕ, ສະເລ່ຍເດຶອນ 1 ໄດ້ສົ່ງໜູ່ປ້ອນຕະຫຼາດປະມານ 100 ກວ່າໂຕ. ພ້ອມດຽວກັນນັ້ນກໍ່ໄດ້ໄປຢ້ຽມຢາມເບິ່ງສ່ວນກ້ວຍຂອງປະຊາຊົນຢູ່ບ້ານ ດົງບັງ ເຊິ່ງເປັນຄອບຄົວຕົວແບບໃນການປູກພືດແບບປະສົມປະສານ, ປະກອບມີກ້ວຍ, ມັນດາງ, ມັນຕົ້ນ, ໜາກອື ແລະພືດຜັກອື່ນໆເຊິ່ງສະເລ່ຍແລ້ວສ້າງລານຮັບເຂົ້າຄອບຄົວປີ 1 ບໍ່ຕໍ່າກວ່າ 200 ລ້ານກວ່າກີບ.

ໃນການລົງໄປໃນແຕ່ລະຈຸດທ່ານ ເຈົ້າກໍ່ໄດ້ມີທັນສະນະແລກປ່ຽນກັບປະຊາຊົນຕໍ່ກັບການຜະລິດ ແລະໄດ້ເນັ້ນໃຫ້ການນຳຂອງເມືອງກໍ່ຄືຂະແໜງການທີ່ກ່ຽວຂ້ອງຂອງແຂວງ ແລະເມືອງຈົ່ງເອົາໃຈໃສ່ລົງໄກ້ຊິດຕິດແທດກັບປະຊາຊົນ, ສ່ວຍເຫຼືອຊຸກຍູ້ສົ່ງເສີມປະຊາຊົນໃຫ້ມີການຜະລິດກະສີກໍາເປັນສິນຄ້າໃຫ້ຫຼາຍຂື້ນ ເພື່ອຫຼຸດຜ່ອນຕົ້ນທຶນ ແລະທົດແທນການນຳເຂົ້າສິນຄ້າຈາກປະເທດເພື່ອບ້ານ, ເປັນຕົ້ນກໍ່ແມ່ນສິນຄ້າທີ່ປະຊາຊົນເອງຜະລິດໄດ້ຄືປະເພດຊິ້ນ, ປາ, ໜາກໄມ້ ແລະພຶດຜັກອື່ນໆ ແລະອີກບັນຫາໜຶ່ງກໍ່ ເພື່ອເປັນການຕອບສະນອງຕະຫຼາດພາຍໃນເມືອງ ແລະພາຍໃນແຂວງໃຫ້ພຽງພໍກັບຄວາມຕ້ອງການ, ພ້ອມທັງສົ່ງອອກຂາຍຕ່າງປະເທດ, ສິ່ງສຳຄັນທາງພາກລັດຕ້ອງໄດ້ມີສ່ວນຮ່ວມສ້າງເງື່ອນໄຂເອື້ອອຳນວຍຄວາມສະດວກທຸກດ້ານໃຫ້ກັບຊາວກະສີກອນຜູ້ຜະລິດ, ຮັບຮອງດ້ານການຕະຫຼາດ ແລະບັນຫາອື່ນໆ, ແນ່ໃສ່ເຮັດໃຫ້ການຜະລິດກະສີກຳພາຍໃນມີຄວາມໜັ້ນຄົງ ແລະຂະຫຍາຍຕົວ, ຕິດພັນກັບການແກ້ໄຂຄວາມທຸກຍາກຂອງປະຊາຊົນເຮັດໃຫ້ປະຊາຊົນຫຼຸດພົ້ນອອກຈາກຄວາມທຸກຍາກໄດ້ເທື່ອລະກ້າວຕາມແນວທາງຂອງພັກ-ລັດວາງອອກ.

ໃນປີ 2021 ນີ້ ທົ່ວເມືອງເລົ່າງາມມີແຜນຜະລິດພຶດທັງໝົດ 37.658 ເຮັກຕາ, ປະຕິບັດໄດ້ 31.952 ເຮັກຕາເທົ່າກັບ 85%, ໃນນັ້ນພຶດເປັນສິນຄ້າປະຕິບັດໄດ້ 28.535 ເຮັກຕາ, ພຶດລົມລຸກປະຕິບັດໄດ້ 14.816 ເຮັກຕາ ແລະພຶດສະບຽງອາຫານປະຕິບັດໄດ້ 3 ພັນກວ່າເຮັກຕາກະເຟກາງມີ 13 ພັນກວ່າເຮັກຕາ, ຜົນຜະລິດ 8.067,6 ໂຕນ, ສະເລ່ຍສະມັນຕະພາບ 0,6 ໂຕນ/ເຮັກຕາ , ມັນຕົ້ນ 13 ພັນກວ່າເຮັກຕາ, ຜົນຜະລິດປະຕິບັດໄດ້ 419.160 ໂຕນ, ສະເລ່ຍສະມັນຕະພາບ 30 ໂຕນ/ເຮັກຕາ, ກ້ວຍ 78 ເຮັກຕາ, ຜົນຜະລິດ 1.014 ໂຕນ, ສະເລ່ຍ 13 ໂຕນ/ເຮັກຕາ,