ມິເດຍລາວແຂວງຈຳປາສັກ ຂ່າວ-ພາບ ບຸນນອງ ຖວທ ປະທຸມພອນ.
ວັນທີ 5 ມີນາ 2021 ນີ້ ທ່ານ ສະນັ່ນ ສີພາພົມມະຈັນ ຄະນະປະຈຳພັກແຂວງ ຫົວໜ້າຄະນະຈັດຕັ້ງແຂວງຈຳປາສັກ ທັງເປັນຜູ້ຊີ້ນໍາວຽກງານຮອບດ້ານເມືອງປະທຸມພອນ ໄດ້ລົງເຄື່ອນໄຫວຢຽ້ມຢາມຊຸກຍູ້ວຽກງານຮອບດ້ານຢູ່ເມືອງປະທຸມພອນ ເປັນກຽດຕ້ອນຮັບຂອງ ທ່ານວຽງສະໄໝ ສີລິພອນພັນ ກຳມະການພັກແຂວງ ເລຂາພັກເມືອງ ເຈົ້າເມືອງໆປະທຸມພອນ, ມີບັນດາ ເລຂາພັກເມືອງ ຮອງເລຂາພັກເມືອງ, ຄະນະປະຈໍາພັກເມືອງ ກໍາມະການພັກເມືອງ ຫົວໜ້າຫ້ອງການອ້ອມຂ້າງເມືອງເຂົ້າຮ່ວມ.


ຈຸດປະສົງ : ໃນການຢຽ້ມຢາມຄັ້ງນີ້ ແມ່ນ ເພື່ອຮັບຟັງການລາຍງານສະພາບການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມ ສະພາບໂດຍລວມຂອງເມືອງ ໂດຍຕິດພັນກັບວຽກງານກໍ່ສ້າງຮາກຖານການເມືອງພັດທະນາຊົນນະບົດແກ້ໄຂຄວາມທຸກຍາກ, ຕິດພັນກັບວຽກງານສາມສ້າງ, ຈຸດສຸມພັດທະນາຂອງເມືອງ ແລະ ບ້ານທຸກຍາກຂອງເມືອງ ໂດຍແມ່ນ ທ່ານ ວຽງສະໄໝ ສິລິພອນພັນ ກໍາມະການພັກແຂວງ ເລຂາພັກເມືອງເຈົ້າເມືອງໆຜ່ານບົດລາຍງານໂດຍຫໍ້ຍ ກ່ຽວກັບການຈັດຕັ້ງປະຕິບັດ ແລະ ແຜນພັດທະນາເສດຖະກິດສັງ-ຄົມປີ 2020-2021 ພ້ອມດຽວກັນນັ້ນເພື່ອເຮັດໃຫ້ກອງປະຊຸມມີຄວາມໝາຍສຳຄັນຍັງໄດ້ຮັບຟັງການປະກອບຄຳຄິດຄຳເຫັນຂອງບັນດາທ່ານໃນແຕ່ລະກົມກອງຫ້ອງການອ້ອມຂ້າງເມືອງຕື່ມອີກ


ຈາກນັ້ນ ທ່ານ ສະນັ່ນ ສີພາມະຈັນ ຄະນະປະຈຳພັກແຂວງ ຫົວໜ້າຄະນະຈັດຕັ້ງແຂວງ ກໍ່ໄດ້ໂອ້ລົມຕໍ່ກອງປະຊຸມ ທ່ານເນັ້ນໃຫ້ອໍານາດການປົກຄອງເມືອງໃຫ້ເອົາໃຈໃສ່ສືບຕໍ່ຈັດຕັ້ງປະຕິບັດວຽກງານຕາມທິດທາງແຜນການທີ່ວາງໄວ້,ປະຕິບັດໜ້າທີ່ຂອງຕົນໃຫ້ມີຄວາມເຂັ້ມແຂງ,ຮັກສາຄວາມສາມະຄີເປັນເຈົ້າການຊ່ວຍກັນສ້າງສາພັດທະ
ນາທ້ອງຖິ່ນໃຫ້ມີຄວາມກ້າວໜ້າຕາມທິດທາງສາມສ້າງໃຫ້ປະກົດຜົນເປັນຈິງ.