ມີເດຍລາວແຂວງຈຳປາສັກ ຂ່າວ​-ພາບ​ໄຊຍະສິດ​ ສີຫາວົງ​​ ຖວທ ເມືອງ​ຈຳປາສັກ
ໃນຕອນບ່າຍຂອງວັນທີ 18 ພຶດສະພາ​2021​ຜ່ານມານີ້.​ຢູ່ທີ່ສະໂມສອນຂອງເມືອງຈຳປາສັກ ໄດ້ເປີດກອງປະຊຸມຕ້ອນຮັບ ທ່ານ ສາດສະດາຈານ ດຮ ພອນເທບ ພົນເສນາ ອະດິດການນຳຂັ້ນສູງຂອງສະພາແຫ່ງຊາດ.​ ພ້ອມ​ດ້ວຍ​ທ່ານ ນາງ​ວາດ​ສະ​ໜາ​ ສີລິມາ ຄະນະປະຈຳພັກແຂວງ ປະທານແນວລາວສ້າງຊາດແຂວງ ທັງເປັນຜູ້ຊີນຳເມືອງຈຳປາສັກ ເປັນກຽດແລະຮັບຕ່າງໜ້າອຳນາດການປົກຄອງເມືອງຈຳປາສັກ ຕ້ອນຮັບໂດຍ ທ່ານ ສະຫວາດ​ ແກ້ວບັນດິດ​ ກຳມະການພັກແຂວງ​ ເລຂາ​ພັກ​ເມືອງ​ເຈົ້າເມືອ​ງໆ​ຈຳປາສັກ.​

ໃນກອງປະຊຸມ ທ່ານ ສະຫວາດ​ ແກ້ວບັນດິດ​ ເຈົ້າເມືອ​ງຈຳປາສັກ ກໍ່ໄດ້ຂື້ນຜ່ານແລະລາຍງານສະພາບການພາຍໃນຂອງເມືອງເປັນຕົ້ນແມ່ນລາຍງານການຕ້ານ ສະກັດກັນການລະບາດຂອງພະຍາດໂຄວິດ-19.ທ່ານໄດ້ເໜັງໝັກການການເພີ່ມທະວີການຄວບຄຸມຕ້ານກັບພະຍາດໂຄວິດ-19​ ໂດຍໃຫ້ສະເພາະກິດຕ້ານການລະບາດຂອງພະຍາດໂຄວິດ19ບໍ່ໃຫ້ແຜ່ລາມເປັນວົງກ້ວາງ.​ແລະ ມີຈຸດກວດກາສະເພາະກິດກວດກາຂອງເມືອງມີ 6 ຈຸດໃຫ່ຍຂອງເມືອງ ເຊີ່ງມີຢູ່ໃນ5ກຸ່ມບ້ານ ກວດກາຕະຫຼອດ 24ຊົ່ວໂມງ ແລະ ໃຫ້ແຕ່ລະບ້ານເພີ່ມມາດຕະການກວດກາຄົນເຂົ້າອອກພາຍໃນບ້ານຂອງຕົນຢ່າງເຂັມງອດ ໜັກແໜ້ນ.

ທ່ານ ພອນເທບ ພົນເສນາ ທ່ານໄດ້ລົງເຄື່ອນໄຫວລົງມາສ້າງຄວາມເຂັ້ມແຂງໃນການປ້ອງກັນຄວບຄຸມສະກັດກັ້ນການລະບາດຂອງພະຍາດໂຄວິດ 19 ໃຫ້ແກ່ອຳນາດການປົກຄອງໃນ5ກຸ່ມບ້ານຂອງເມືອງຈຳປາສັກ.​ທ່ານ ຍັງໄດ້ຮຽກຮ້ອງໃຫ້ຄະນະພັກອຳນາດການປົກຄອງທຸກຂັ້ນຕ້ອງເພີ່ມທະວີຄວາມເອົາໃຈໃສເປັນເຈົ້າການໃນການຄວບຄຸມຊ່ວຍເຫຼືອຢ່າງເຂັ້ມງອດແລະຫັດກຸມທີ່ສຸດ.ນອກນັ້ນ ທ່ານໄດ້ລົງສ້າງຄວາມເຂັມແຂງໃຫ້ອຳນາດການປົກຄອງກຸ່ມບ້ານ ມີ 5 ກຸ່ມບ້ານ.​ຈາກນັ້ນທ່ານ ປອ ນັນທະສານ ວັນນະວົງ ຮອງຫົວໜ້າຂະແໜງຄວບຄຸມພະຍາດຕິດຕໍ່ພະແນກສາທາແຂວງຈຳປາສັກກໍ່ໄດ້ຜ່ານເອກະສານຄູ່ມືການກັກບໍລິເວນຜູ້ສຳພັດກັບພະຍາດໂຄວິດຢູ່ໃນຊຸມຊົນເຊິງລວມມີ 10 ຂັ້ນຕອນໃນການເຜົ້າລະວັງແລະຄວບຄຸມການລະບາດໃນຊຸມຊົນໂດຍອີງໃສອຳນາດການປົກຄອງບ້ານ.

1/ທຸກຄົນທີ່ຕິດເຊື້ອແມ່ຈະຖືກນຳເຂົ້າໄປປິ່ນປົວຢູ່ສູນທັນທີ.2/ພາຍຫຼັງທີ່ບ້ານໄດ້ຮັບແຈ້ງແລ້ວຈະມີລົດໂຮງໝໍໄປຮັບຄົນຕິດເຊື້ອນັ້ນໄປປິ່ນປົວໂດຍໄວ.3/ສ່ວນຜູ້ສຳຜັດກັບຄົນຕິດເຊື້ອບໍ່ວ່າຈະເປັນຄົນໃນຄອບຄົວດຽວກັນຫຼືໝູ່ຄູ່ສຳຜັດກັນກັບຜູ້ຕິດເຊື້ອແມ່ນໃຫ້ບ້ານດຳເນີນກັກກັນພວກເຂົາຢູ່ເຮືອນຂອງຕົນເອງເປັນເວລາ14ວັນ4/ໃຫ້ບ້ານແນະນຳຜູ້ສຳຜັດຕິດຕາມອາການຕົນເອງໃນຊ້ວງກັກໂຕຫາກມີຜູ້ໃດບໍ່ສະບາຍເປັນໄຂ້ຫັວດເຊັ່ນ ເລີ່ມມີອາການໄຂ້ ໄອ ເຈັບຄໍ ແມ່ນໄຫ້ອຳນາດການປົກຄອງບ້ານທັນທີຈາກນັ້ນໃຫ້ບ້ານປະສານແຈ້ງ031166ເພື່ອຂໍແພດໝໍມາກວດແລະເກັບຕົວຢ່າງໄປກວດ.​5/ຖ້າຜູ້ສຳຜັດກັກໂຕຢູ່ເຮືອນຄົບກຳນົດ14ວັນແລ້ວໃຫ້ຢຸດການກັກໂຕຂອງຜູ້ກຽ່ວແລະໃຫ້ຜູ້ກ່ຽວອອກມາໃຊ້ຊິວິດປົກກະຕິ.6/ຖ້າສຳຜັດຫຼືຜູ້ຕິດເຊື້ອຫາກລັກລອບອອກມາຈາກເຮືອນຫຼືຈຸດກັກບໍລິເວນໂດຍບໍໄດ້ຮັບອະນຸຍາດຈາກອຳນາດການປົກຄອງບ້ານ ຜູ້ກ່ຽວຈະຕ້ອງຮັບຜິດຊອບຜົນແຜ່ເຊື້ອການລະບາດທີ່ເກີດຂື້ນຈາກຕົນ ຕາມລະບຽບຂອງກົດໝາຍຂອງບ້ານເມືອງທີ່ວາງອອກ.​7/ໃນແຕ່ລະມື້ໃຫ້ອຳນາດການປົກຄອງບ້ານຕິດຕາມການກັກບໍລິເວນຂອງຜູ້ສຳພັດຢ່າງໃກ້ຊິດ.​8/ໃຫ້ແຕ່ລະບ້ານອອກບັດອະນຸຍາດອອກເຮືອນໃຫ້ແຕ່ລະເຮືອນໄດ້ເຮືອນລະ1ຄົນ .9/ໃຫ້ບ້ານເກັບກຳສະຖິຕິລາຍຊື່ຜູ້ທີ່ໄດ້ສັກວັກຊີນໂຄວິດຄົບ2ເຂັມແລ້ວ ເຊັ່ນ:ຊື່ ເພດ ອາຍຸ.ອາຊີບ.ເບີມືຖື..10/ມອບໃຫ້ໜ່ວຍງານສະເພາະກິດຂັ້ນບ້ານລາຍງານສະພາບການເຄື່ອນໄຫວໃນແຕ່ລະມື້ໃຫ້ໄດ້ລາຍງານສະເພາະກິດຂັ້ນເມືອງໄຫ້ຮັບຮູ້ທຸກໆວັນ