ມີເດຍລາວແຂວງສາລະວັັນ ພາບ-ຂ່າວ: ສິດຕາ ເພັດວົງສາ ວັນທີ່ 27 ມີນາ 2021 ທ່ານ ໂພໄຊ ໄຊຍະສອນ ເຈົ້າແຂວງໆສາລະວັນ ພ້ອມດ້ວຍຄະນະໄດ້ຕ້ອນຮັບການເຂົ້າພົບປະຢ້ຽມຢາມຂອງທ່ານ ຈ້າວເຫວີຍ ປະທານເສດຖະກິດສາມຫຼ່ຽມທອງຄຳ (ເຂດຊາຍແດນລາວ-ຈີນ) ພ້ອມຄະນະ, ການພົບປະຈັດຂື້ນຢູ່ທີ່ເຮືອນຮັບແຂກຂອງແຂວງ, ທ່ານ ຈ້າວເຫວີຍ ໄດ້ແຈ້ງເຈດຈຳນົງຕໍ່ການມາຢ້ຽມຢາມແຂວງສາລະວັນໃນຄັ້ງນີ້ແມ່ນເບິ່ງຄວາມເປັນໄປໄດ້ທີ່ຢາກຈະລົງທຶນພັດທະນາເດີນບິນຂອງແຂວງ, ລົງທຶນໃສ່ດ້ານກະສິກຳປູກຝັງ-ລ້ຽງສັດ, ດ້ານການທ່ອງທ່ຽວ.


ໃນໂອກາດດຽວກັນນັ້ນຕໍ່ການມາຢ້ຽມຢາມແຂວງສາລະວັນຂອງທ່ານ ຈ້າວເຫວີຍ, ທ່ານ ເຈົ້າແຂວງສາລະວັນ ພ້ອມຄະນະຍັງໄດ້ ນຳພາ ທ່ານ ໄປເບິ່ງສະຖານຖີ່ຈະທຳການຜະລິດກະສິກຳຢູ່ ເມືອງພູດອຍເຂດບ້ານ ໂຈະ ເມືອງຕະໂອ້ຍ ເຊິ່ງເປັນເຂດທີ່ມີເນື້ອທີ່ດິນເປົ້າຫ່ວາງກ້ວາງຂວາງ ທີ່ເໝາະແກ່ການລົງທຶນທໍາການຜະລິດກະສິກຳປູກຝັງ-ລຽ້ງສັດ. ດ້ານການທ່ອງທ່ຽວ, ຈາກນັ້ນກໍ່ໄດ້ໄປຢ້ຽມຢາມເບິ່ງເຂດເຊື່ອມຕໍ່ລະຫ່ວາງຊາຍແດນລະໄລ ເມືອງສະໝ້ວຍ ແຂວງສາລະວັນ ຊາຍແດນລາວ-ຫວຽດນາມ, ທີ່ມີຄວາມເປັນໄປໄດ້ທີ່ຈະເປັນເສັ້ນທາງທີ່ຈະດຶງດູດການທ່ອງທ່ຽວ, ຂະບວນການຊື້-ຂາຍສິນຄ້າ ແລະເປັນເສັ້ນທາງລຳລຽງຂົນສົ່ງສິນຄ້າ.