ເພື່ອສືບຕໍ່ເພີ່ມທະວີການຈັດຕັ້ງປະຕິບັດຕາມມາດຕະການ ຕາມຄຳສັ່ງແນະນຳເພີ່ມເຕີມ ຂອງຄະນະສະເພາະກິດຂັ້ນສູນກາງ ສະບັບເລກທີ 3443/ສພກ ລົງວັນທີ 12 ເມສາ 2021 ແຈ້ງການຂອງກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ສະບັບເລກທີ 33/ຖວທ ລົງວັນທີ 13 ເມສາ 2021 ແລະ ແຈ້ງການຂອງຄະນະສະເພາະກິດ ຂັ້ນນະຄອນຫຼວງວຽງຈັນ ສະບັບເລກທີ 003/ສພກ.ນວ ລົງວັນທີ 13 ເມສາ 2021 ຢ່າງເຂັ້ມງວດ ທ່ານ ຮອງເຈົ້າຄອງ ຫົວໜ້າສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19 ຂັ້ນນະຄອນຫຼວງວຽງຈັນ ໄດ້ອອກຄຳສັ່ງໃຫ້ປິດຊົ່ວຄາວສະຖານທີ່ທີ່ມີຄວາມສ່ຽງຕໍ່ການແຜ່ເຊື້ອພະຍາດໂຄວິດ-19 ຢູ່ນະຄອນຫຼວງວຽງຈັນ ໄລຍະແຕ່ວັນທີ 20 ເມສາ ຫາ 04 ພຶດສະພາ 2021.