ມີເດຍລາວແຂວງຈຳປາສັກ ຜູ້ຂຽນຂ່າວ ຈັນທອນ ກົມໄຊຊະນະ
ນະຄອນປາກເຊຈັດພິທີຮັບໃບຢັ້ງຢືນ ໜ່ວຍພັກ ປອດໃສ,ເຂັ້ມແຂງ, ໜັກແໜ້ນ ທົ່ວອົງ ຄະນະພັກນະຄອນປາກເຊ ປະຈຳປີ 2019 ແລະ ປະກາດປົ່ງໂຕແຕ່ງຕັ້ງເລຂາໜ່ວຍພັກ ເຊີ່ງໄດ້ຈັດຂື້ນໃນວັນທີ 13 ມີນາ 2020 ທີ່ສະໂມສອນ ນະຄອນປາກເຊໂດຍການໃຫ້ກຽດເຂົ້າຮ່ວມເປັນປະທານຂອງສະຫາຍ ອຸດົມສັກ ດີວິໄຊ ກຳມະການພັກແຂວງ ເລຂາພັກນະຄອນ ເຈົ້ານະຄອນປາກເຊ, ມີບັນດາສະຫາຍ ເລຂາໜ່ວຍພັກອ້ອມຂ້າງນະຄອນປາກເຊເຂົ້າຮ່ວມ

ໃນພິທີ ສະຫາຍ ສຸກວິໄລ ຊາພັກດີ ເລຂາໜ່ວຍພັກ ຮອງຫົວໜ້າ ຄະນະຈັດຕັ້ງນະ ຄອນ ໄດ້ຂື້ນຜ່ານ ບົດສະຫຼຸບ ການກໍ່ສ້າງໜ່ວຍພັກ ປອດໃສ, ເຂັມແຂງ, ໜັກແໜ້ນ ທົ່ວອົງຄະນະພັກນະຄອນປາກເຊ, ນະຄອນປາກເຊມີ 14 ຄະນະພັກຮາກຖານ, ( 3 ຄະນະພັກຮາກຖານ ສຳນັກງານມີ 38 ໜ່ວຍພັກທີ່ຂື້ນກັບ, 5 ຄະນະພັກຮາກຖານກຸ່ມບ້ານມີ 26 ໜ່ວຍພັກທີ່ຂື້ນກັບ, 6 ຄະນະພັກຮາກຖານບ້ານໃຫຍ່ ມີ 18 ໜ່ວຍພັກທີ່ຂື້ນກັບ) , ແລະ ໜ່ວຍພັກ ເອກະລາດທີ່ຂື້ນກັບນະຄອນໂດຍກົງມີ 32 ໜ່ວຍພັກ ລວມທັງໝົດ ມີຈຳນວນ 114 ໜ່ວຍພັກ

ປະກອບມີຄະນະພັກຮາກຖານ 88 ສະຫາຍ, ຍີງ 15 ສະຫາຍ, ສະມາຊີກພັກທັງໝົດມີ 2,123 ສະຫາຍ, ຍີງ 836 ສະຫາຍ, ສະມາຊີກສຳຮອງມີ 166 ສະຫາຍ, ຍີງ 72 ສະຫາຍ ການປະເມີນກໍ່ສ້າງໜ່ວຍພັກ ປອດໃສ, ເຂົັ້ມແຂງ, ໜັກແໜ້ນ ໃນທົ່ວນະຄອນ ແມ່ນໄດ້ປະຕິບັດເລີ່ມແຕ່ທ້າຍເດືອນກັນຍາ 2019 ແລະ ໄດ້ຝືກອົບຮົມໃຫ້ແຕ່ລະຮາກຖານໜ່ວຍພັກໃນທົ່ວນະຄອນ ເຊີ່ງສາມາດເປັນບ່ອນອີງໃນການຈັດຕັ້ງປະ ຕິບັດຕາມ 5 ເນື້ອໃນການກໍ່ສ້າງໜ່ວຍພັກ ປອດໃສ,ເຂັ້ມແຂງ, ໜັກແໜ້ນ ສະມາຊິກພັກທຸກສະຫາຍມີຄວາມເປັນເອກະພາບກັນຢືດໝັ້ນຈຸດມາຍອຸດົມການສັງຄົມນິຍົມ, ເຊື່ອຊືມ ແລະ ປະຕິບັດຕາມແນວທາງປ່ຽນແປງໃໝ່ຂອງພັກ, ມີຄວາມອົດທົນ, ໜຽວແໜ້ນບໍ່ຫັ່ວນໄຫວຄອນແຄນຕໍ່ສະພາບການຜັນແປຕ່າງໆ ສ້າງໄດ້ການປະພືດ, ແນວຄິດການກະທຳທີ່ດີ, ມີຄວາມຍຸຕິທຳ ແລະ ອະລິຍະທຳທີ່ກ້າວໜ້າ, ມີການເກັບກຳຫາງສຽງຈາກສັງຄົມໃນແຕ່ລະໄລຍະເປັນປົກກະຕີ ການຂະຫຍາຍພັກກໍ່ໄດ້ມີການເຕີບໂຕພໍສົມຄວນບໍ່ວ່າຈະເປັນທາງດ້ານຈຳນວນໜ່ວຍພັກກໍ່ຄືສະມາຊີກພັກສົມຄູ່ທາງດ້ານປະລິມານ ແລະ ຄຸນນະ ພາບຕອນທ້າຍຂອງພິທີຍັງໄດ້ຮັບຟັງການໂອລົມຊີ້ທິດເຍື່ອງທາງຈາກປະທານກັນຕື່ມອີກ
ຜູ້ກວດແກ້ ຫົວໜ້າ ຖວທ ນະຄອນປາກເຊ