ມີເດຍລາວແຂວງຈຳປາສັກ ຜູ້ຂຽນຂ່າວ ຈັນທອນ ກົມໄຊຊະນະ
ໃນຄັ້ງວັນທີ 24-25 ແລະ 27-28 ພຶດສະພາ 2021 ນະຄອນປາກເຊ ເຊື່ອມຊືມ ແລະ ຜັນຂະຫຍາຍ ມິຕິກອງປະຊຸມໃຫຍ່ຄັ້ງທີ XI ຂອງພັກ ແລະ ມະຕິກອງປະຊຸມໃຫຍ່ຄັ້ງທີ VIII ຂອງອົງຄະນະພັກແຂວງ ເພື່ອໃຫ້ຄະນະພັກມີຄວາມຮັບຮູ້ ແລະ ເຂົ້່າໃຈຕໍ່ເນື້ອໃນຈິດໃຈຂອງເອກະສານ ພ້ອມທັງນຳໄປຈັດຕັ້ງຜັນຂະຫຍາຍເປັນແຜນງານ – ໂຄງການ ໃຫ້ແທນ ເໝາະກັບໜ້າທີ່ວຽກງານຂອງຕົນ ໃຫ້ປະກົດຜົນເປັນຈິງ ແລະ ສຳເລັດຕາມ ລະດັບຄາດໝາຍ.

ກອງປະຊຸມໄດ້ມີຂື້ນທີ່ ສະໂມສອນຂອງນະຄອນ ພາຍໃຕ້ການເປັນປະ ທານ ຂອງສະຫາຍ ບົວລີ ເພັດສົງຄາມ ຄະນະປະຈຳພັກແຂວງ ເລຂາພັກນະຄອນ ເຈົ້ານະຄອນປາກເຊ, ມີບັນດາສະຫາຍ ຄະນະປະຈຳພັກນະຄອນ, ກຳມະການພັກນະຄອນ, ຄະນະພັກ ປກສ-ປກຊ, ເລຂາພັກບ້ານ 42 ບ້ານ, ພະນັກງານນຳພາ – ຄຸ້ມຄອງຫຼັກແຫຼ່ງໃນທົ່ວນະຄອນປາກເຊເຂົ້າຮ່ວມຮັບຟັງ.ໃນກອງປະຊຸມ ສະຫາຍ ບົວລີ ເພັດສົງຄາມ ເຈົ້ານະຄອນປາກເຊໄດ້ຂື້ນກ່າວໄຂກອງປະຊຸມຢ່າງເປັນທາງການ ຈາກນັ້ນກໍ່ໄດ້ເຊື່ອມຊືມ ແລະ ຜັນຂະຫຍາຍ ມະຕິກອງປະຊຸມໃຫຍ່ຄັ້ງທີ XI ຂອງພັກປະຊາຊົນປະຕິວັດລາວ ແລະ ມະຕິກອງປະຊຸມໃຫຍ່ຄັ້ງທີ VIII ຂອງອົງຄະນະພັກແຂວງ

ແຜນກຳນົດທິດທາງ, ໜ້າທີ່ ຕົ້ນຕໍຂອງອົງຄະນະພັກແຂວງ ໃນ 5ປີ ( 2021 – 2025 ), ບັນດາກົດລະບຽບຂອງພັກປະຊາຊົນປະຕິວັດລາວສະໃໝທີ XI ເຊີ່ງຈິດໃຈຊີ້ນຳລວມ ໃນການເຊື່ອມຊືມ ແລະ ຜັນຂະຫຍາຍມະຕິກອງປະຊຸມໃຫຍ່ຄັ້ງທີ XI ຂອງພັກປະຊາຊົນປະຕິວັດລາວ ຕ້ອງໄດ້ສ້າງການຫັນປ່ຽນໃໝ່ຢ່າງແຂງແຮງ ເລິກເຊີ່ງ ແລະ ຮອບດ້ານ ໃນການຜັນຂະຫຍາຍ ໂດຍສະເພາະແມ່ນເນື້ອໃນທີ່ສຳຄັນຕົ້ນຕໍ ແລະ ວຽກງານຈຸດສຸມທີ່ຕ້ອງເອົາໃຈໃສ່ ນຳພາ – ຊີ້ນຳ ໃນແຕ່ລະຂົງເຂດວຽກງານ ຕາມຄວາມຮັບຜິດຊອບຂອງຕົນ ຕິດພັນກັບການເສີມຂະຫຍາຍຄວາມເປັນເຈົ້າການ ຂອງບັນດາກະຊວງ – ອົງການ, ບັນດາແຂວງ, ນະຄອນຫຼວງ, ກໍ່ຄືຂະແໜງການ ແລະ ທ້ອງຖີ່ນຕ່າງໆ ໃນການຫັນມະຕິກອງປະຊຸມໃຫຍ່ຄັ້ງທີ XI ຂອງພັກ ໃຫ້ເປັນແຜນງານ, ໂຄງການ ແລະ ກິດຈະກຳລະອຽດຂອງຕົນ ເພື່ອຈັດຕັ້ງປະຕິບັດໃຫ້ເກີດຜົນເປັນຈິງ ພ້ອມນັ້ນຕ້ອງໄດ້ເພີ່ມທະວີການ ນຳພາ – ຊີ້ນຳ ຂອງກົມການເມືອງ ແລະ ຄະນະເລຂາທິການສູນກາງພັກ ໃນການຈັດຕັ້ງຜັນຂະຫຍາຍມະຕິ XI ຂອງພັກ ໃຫ້ແທດເໝາະເຖິງຕົວຈິງ ແລະ ສາມາດສ້າງໄດ້ຜົນສຳເລັດໃໝ່ໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ໃນໄລຍະໃໝ່
ຜູ້ກວດແກ້ ຫົວໜ້າ ຖວທ ນະຄອນປາກເຊ