ມີເດຍລາວແຂວງວຽງຈັນ ພາບ-ຂ່າວ:ນັກຂ່າວເມືອງວັງວຽງ ໃນວັນທີ 21 ມີຖຸນາ 2021 ທ່ານ ມະນີວອນ ອີນທະວົງ ຫົວໜ້າໜ່ວຍງານສົ່ງເສີມການຂາຍຂອງບໍລິສັດຢາສູບຫົງຖາໂຊກດີລາວ-ຈີນ ຈຳກັດ ສາຂາແຂວງວຽງຈັນ ໄດ້ນຳເອົາເຄື່ອງໃຊ້ຄົວເຮືອນ ປະກອບມີ: ແປງນົວ, ໜີ້ໄວ້ໆ, ແຟບ, ສະບູ, ປ໋ອງປາ, ເກືອ, ນ້ຳຢາລ້າງຖ້ວຍ ລວມມູນຄ່າທັງໝົດ 12,000,000 ກີບ ( ສີບສອງລ້ານກີບ )ເພື່ອນຳໄປມອບໃຫ້ຜູ້ປະສົບໄພນ້ຳຖ້ວມຢູ່ ເມືອງວັງວຽງ ແຂວງວຽງຈັນ. ໃຫ້ກຽດເຂົ້າຮ່ວມໂດຍ ມີຄະນະປະຈຳ, ກຳມະການພັກເມືອງ, ຫົວໜ້າຮອງຫົວໜ້າຫ້ອງການ ພ້ອມດ້ວຍພະນັກງານຂອງບໍລິສັດ.

ໃຫ້ກຽດກ່າວມອບໂດຍທ່ານ ມະນີວອນ ອີນທະວົງ ຫົວໜ້າໜ່ວຍງານສົ່ງເສີມການຂາຍຂອງບໍລິສັດຢາສູບຫົງຖາໂຊກດີລາວ-ຈີນ ຈຳກັດ ສາຂາແຂວງວຽງຈັນ ກ່າວຮັບໂດຍທ່ານ ກຽນທອງ ເທບທິດາ ຮອງເຈົ້າເມືອງໆວັງວຽງ.

ຫຼັງຈາກນັ້ນທາງບໍລິສັດ ແລະ ຫ້ອງການກາແດງເມືອງວັງວຽງແຂວງວຽງຈັນ ໄດ້ນຳເອົາເຄື່ອງດັ່ງກ່າວລົງແຈກຈ່າຍໃຫ້ແກ່ປະຊາຊົນທີ່ໄດ້ຮັບຜົນກະທົບນ້ຳຖ້ວມ ຈຳນວນ 3 ບ້ານຄື ບ້ານ ຂັນຫມາກ, ບ້ານ ວັງຊອງ ແລະ ບ້ານ ຫ້ວຍງາມ .