ມິເດຍລາວແຂວງຈຳປາສັກ ຂ່າວ ເກດສະໜາ ສວຈ
ໃນວັນທີ 3 ມີນາ 2021 ນີ້,ທາງ ບໍລິສັດລາວໂຕໂຍຕາ ພາກໃຕ້ໄດ້ນຳເອົາອຸປະກອນປະກອບມີໂຕະ,ຕັ່ງຈຳນວນ 21 ຊຸດ,ໂຕະຄູຈຳນວນ 1 ໜ່ວຍ ແລະ ກະດານດຳ 1  ແຜ່ນລວມມູນຄ່າ 10 ລ້ານກີບ ມາມອບໃຫ້ແກ່ໂຮງຮຽນປະຖົມບ້ານຫຼັກ 38 ເມືອງປາກຊ່ອງ ແຂວງຈໍາປາສັກ ໂດຍໃຫ້ກຽດມອບຂອງ ທ່ານ ແສງຄຳ ສີວິໄລ ຜູ້ຈັດການໃຫ່ຍພະແນກບຸກຄະລາກອນ ບໍລິສັດລາວໂຕໂຍຕາພາກໃຕ້,ຮ່ວມພິທີຮັບໂດຍ ທ່ານ ໂພໄຊ ຈັນທະເສນ ຮອງຫົວໜ້າຫ້ອງການສືກສາ ແລະ ກິລາ ເມືອງປາກຊ່ອງ,ມີພະນັກງານຈາກກຸ່ມ,ອຳນາດການປົກຄອງບ້ານ,ຜູ້ອໍານວຍການ,ຄູ ແລະນັກຮຽນຂົ້າຮ່ວມຢ່າງພ້ອມພຽງ.

ການມອບອຸປະກອນການຮຽນການສອນໃນຄັ້ງນີ້ແມ່ນເພື່ອເປັນການຊຸກຍູ້ວຽກງານການສຶກສາພາຍໃນໂຮງຮຽນບ້ານຫຼັກ 38 ເມືອງປາກຊ່ອງໃຫ້ດີຂື້ນ ແລະມີຄວາມສະດວກສະບາຍ ໃນການຮຽນການສອນຫຼາຍກວ່າເກົ່າ.


ເພື່ອສະແດງຄວາມຍ້ອງຍໍຊົມເຊີຍຕໍ່ນໍ້າໃຈປະກອບສ່ວນຊ່ວຍຊ່ວຍເຫຼືອຂອງບໍລິສັດລາວໂຕໂຢຕ້າພາກໃຕ້ໃນຄັ້ງນີ້,
ໃນພິທີຍັງໄດ້ຍັງໄດ້ມອບໃບກຽດຕິຄຸນໃຫ້ແກ່ທາງບໍລິສັດລາວໂຕໂຍຕາພາກໃຕ້ນີ້ອີກດ້ວຍ.
ຜ່ານມາທາງບໍລິສັດລາວໂຕໂຍຕາພາກໃຕ້ ກໍໄດ້ແບ່ງນໍ້າໃຈປະກອບສ່ວນຊ່ວຍເຫຼືອສັງຄົມ ໃນຫຼາຍໆດ້ານເຊັ່ນ:ຊ່ວຍປະຊາຊົນຜູ້ທຸກຍາກຂາດເຂີນ,ປະສົບໄພພິບັດຕ່າງໆ ລວມທັງ ການມອບອຸປະກອນຮັບໃຊ້ໃຫ້ແກ່ການຮຽນການສອນນີ້ອີກດ້ວຍ.