ມີເດຍລາວແຂວງຄຳມ່ວນ ໃນຕອນບ່າຍຂອງວັນທີ 20 ພຶດສະພາ 2021 ທີ່ຫ້ອງວ່າການແຂວງຄຳມ່ວນ, ບໍລິສັດເກດສຸວັນ ກໍ່ສ້າງຄົບວົງຈອນ ຈຳກັດຜູ້ດຽວ ໄດ້ມອບເງິນຈຳນວນ 100 ລ້ານກີບ ເພື່ອປະກອບສ່ວນເຂົ້າໃນວຽກງານຄວບຄຸມ, ປ້ອງກັນ ແລະ ສະກັດກັ້ນການແຜ່ລະບາດຂອງພະຍາດ ໂຄວິດ-19 ຢູ່ແຂວງຄຳມ່ວນ.

ເຊິ່ງມອບທ່ານ ນາງ ເກດສຸວັນ ວົງພິນິດ ປະທານບໍລິສັດເກດສຸວັນ ກໍ່ສ້າງຄົບວົງຈອນ ແລະ ກ່າວຮັບໂດຍທ່ານ ວັນໄຊ ພອງສະຫວັນ ເຈົ້າແຂວງຄຳມ່ວນ. ໃນໂອກາດດຽວກັນນີ້ ທ່ານເຈົ້າແຂວງຄຳມ່ວນ ກໍ່ໄດ້ມອບໃບຍ້ອງຍໍ ເພື່ອສະແດງຄວາມຂອບໃຈມາຍັງບໍລິສັດ ທີ່ມີນ້ຳໃຈໃຫ້ການປະກອບສ່ວນ ແລະ ເຫັນໄດ້ຄວາມສຳຄັນຕໍ່ວຽກງານດັ່ງກ່າວ