ມີເດຍລາວແຂວງສາລະວັນ ໂດຍທິດລານີ ໂຄດໂຍທາ ວັນທີ30ເມສາ2021 ທີ່ຫ້ອງວ່າການແຂວງສາລະວັນ, ບໍລິສັດ ເຂື່ອນໄຟຟ້າຫ້ວຍເປາະ ໄດ້ມອບເງິນສົດ 10 ລ້ານກີບ ແລະບໍລິສັດ ລາວສຶມຸລະ ມອບຜ້າອັດປາກ 3 ແກັດ ຈຳນວນ 150 ກັບແລະ ເຈວລ້າງມື 2 ແກັດ ລວມມູນຄ່າ 3 ລ້ານກີບ ໃຫ້ແຂວງສາລະວັນ. ໂດຍການຮັບຂອງ ທ່ານ ນາງ ບຸນທະວີ ດວງລາສີ ຮອງເລຂາພັກແຂວງ ແລະ ທ່ານ ສົມໃຈ ອຸ່ນຈິດ ຮອງເຈົ້າແຂວງ ຫົວໜ້າຄະນະສະເພາະກິດ ໂຄວິດ-19 ຂັ້ນແຂວງ.

ໃນໂອກາດດຽວກັນນີ້ທ່ານກໍ່ໄດ້ສະແດງຄວາມຂອບໃຈ, ຍ້ອງຍໍຊົມເຊີຍ ມາຍັງພາກສ່ວນຕ່າງໆທີ່ໃຫ້ການຊ່ວຍເຫຼືອທາງດ້ານວັດຖຸ, ອຸປະກອນ ແລະປັດໃຈ ໃຫ້ກັບແຂວງສາລະວັນ ທີ່ກຳລັງພົບກັບບັນຫາວິກິດໂຄວິດ-19. ເຄື່ອງຈຳນວນດັ່ງກ່າວແມ່ນຈະນຳໄປມອບໃຫ້ກັບ ໜ່ວຍງານແພດໝໍ, ທະຫານ, ຕໍາຫຼວດ ແລະ ໜ່ວຍງານອື່ນໆ ທີ່ປະຕິບັດວຽກງານຕົວຈິງ ເພື່ອແນ່ໃສປະກອບສ່ວນໃນການຊ່ວຍເຫຼືອ ປ້ອງກັນ, ຕ້ານ ແລະ ສະກັດກັ້ນການແຜ່ລະບາດ ຂອງພະຍາດໂຄວິດ-19