ມີເດຍລາວແຂວງຄຳມ່ວນ ວັນທີ 18 ມິຖຸນາ 2021 ທີ່ຫ້ອງວ່າການແຂວງຄຳມ່ວນ ບໍລິສັດ PPST ກໍ່ສ້າງຄົບວົງຈອນ ຈຳກັດຜູ້ດຽວ ນຳໂດຍທ່ານ ພອນປະເສີດ ທຳມະວົງສາ ປະທານບໍລິສັດ ໄດ້ນຳເອົາລົດ Ambulance ແລະ ລົດກວດພະຍາດ ໂຄວິດ-19 ຈຳນວນ 02 ຄັນ ລວມມູນຄ່າ 950 ລ້ານກີບ ມອບໃຫ້ແກ່ແຂວງຄຳມ່ວນ ໂດຍແມ່ນທ່ານ ວັນໄຊ ພອງສະຫວັນ ເຈົ້າແຂວງຄຳມ່ວນເປັນຜູ້ກ່າວຮັບ ແລະ ມອບຕໍ່ໃຫ້ແກ່ພະແນກສາທາລະນະສຸກ ແລະ ໂຮງໝໍແຂວງຄຳມ່ວນ ເປັນຜູ້ຄຸ້ມຄອງຮັກສາ ແລະ ນຳໃຊ້ຕໍ່ໄປ.

ເຊິ່ງລົດຈຳນວນດັ່ງກ່າວແມ່ນມີຄວາມທັນສະໄໝ, ມີການຕິດຕັ້ງອຸປະກອນ ການແພດຄົບຊຸດ ແລະ ມີປະສິດທິພາບສູງໃນການເກັບຕົວຢ່າງພະຍາດ ມີຄວາມເໝາະສົມໃນການຮັບໃຊ້ໜ້າທີ່ ວຽກງານຂອງແພດ-ໝໍ ໃນເວລາທີ່ລົງກວດຫາເຊື້ອໂຄວິດ-19 ຢູ່ພາກສະໜາມ.