ຫົວຂໍ້ບົດນີ້ຂໍໃຊ້ສັບທ້ອງຖີ່ນພາກໃຕ້ຕໍ່ກໍລະນີຜູ້ຄົນຈຳນວນໜື່ງ ບໍ່ປະຕິບັດວິໄນສັງຄົມໃນເວລາການແຜ່ລະບາດ ຂອງພະຍາດໂຄວິດ-19 ຮອບສອງນີ້ ຖ້າຜູ້ອ່ານຕິດຕາມຂ່າວຈະເຫັນວ່າເຈົ້າໜ້າທີ່ເພີ່ນອອກກວດກາເຄັ່ງຄັດສາມາດປາບປາມພວກຂີ້ຖ່ອຍໄດ້ຈຳນວນໜື່ງ ເຊັ່ນວ່າ: ຕັ້ງວົງຊຸມແຊວເຫຼົ້າ-ເບຍ; ຫຼີ້ນການພະນັນ (ປີ້ງໂກ້); ເປີດຮ້ານຂາຍເຄື່ອງເກີນເວລາມີຄົນນັ່ງກິນຄາຮ້ານ; ເປີດຮ້ານຕັດຜົມ-ເສີມສວຍ… ເບີ່ງຂ່າວແລ້ວກໍ່ບໍ່ຈັກຊິວ່ານຳ “ບໍ່ຈັກລາຍ” ໝາຍເຖີງບໍ່ມີແນວຊິວ່າມັນເກີນໄປບໍ່ຢ້ານກົວຫັຍງໝົດ ເອົາຊີວິດມາເປັນເຄື່ອງຫຼີ້ນ! ໂດຍສະເພາະແມ່ນຢູ່ນະຄອນຫຼວງວຽງຈັນ.

ດຽວນີ້ມັນແຮງແລ້ວເນີ! ສັກຢາຄົບສອງເຂັມກໍ່ຍັງຕິດເຊື້ອຫາກບໍ່ລະມັດລະວັງ!.

ຫຼຸດຜ່ອນການອອກຈາກເຮືອນ; ຮັກສາໂຕເວລາອອກໄປວຽກສຳຄັນຕາມຂໍ້ກຳນົດຂອງແພດໝໍ; ຜັດປ່ຽນກັນໄປປະຈຳການຕາມສຳນັກງານ-ອົງການ; ມີແຕ່ຮັກສາໂຕໃຜໂຕມັນທໍ່ນັ້ນລະ ຈີ່ງຈະປອດໄພ;

ຜູ້ຂຽນຄິດວ່າ: ຫຼັງຈາກວັນທີ 4 ມິຖຸນາ ນີ້ຄະນະສະເພາະກິດເພີ່ນຈະເບີ່ງຄືນຂໍ້ຫ້າມ ແລະ ການຜ່ອນຜັນຄືນໃໝ່ ເພາະມີບາງອັນຕ້ອງໄດ້ເຂັ້ມງວດ ເຊັ່ນວ່າ: ການຂາຍຫວຍຍັງເຕັມບ້ານ-ເຕັມເມືອງ ບາງອັນກໍ່ຜ່ອນຜັນເພື່ອໃຫ້ມີຢູ່ມີກິນ.

ຊົມເຊີຍ ເຈົ້າໜ້າທີ່ກອງຫຼອນ-ອຳນາດການປົກຄອງບ້ານທີ່ເຂັ້ມງວດກວດຂັນ ເຄີຍຂຽນໄວ້ວ່າ: ບີບເຂົ້າ-ບີບໜັກເຂົ້າ ຄິດວ່າວົງຈອນການແຜ່ເຊື້ອຈະຖືກຕັດ.

ທິດດີ