ວັນທີ່ 19 ມີນາ 2021ນີ້ ຫ້ອງການແຮງງານ ແລະສະຫວັດດີການສັງຄົມເມືອງປາກອູ ແຂວງຫຼວງພະບາງ ໄດ້ຈັດພິທີປະກາດຮັບຮອງ 5 ບ້ານເປັນບ້ານພັດທະນາດ້ານແຮງງານ ແລະ ສະຫວັດດີການສັງຄົມຢູ່ທີ່ຫໍປະຊຸມບ້ານຫາດມາດກູ່ມພັດທະນາທີ່ 2 ໂດຍມີ ທ່ານ ສາຍພົນ ສຸກກະເສີມ ຫົວໜ້າຄະນະຈັດຕັ້ງ ເມືອງປາກອູ, ທ່ານ ສົມບຸນ ພົມມະປັນຍາ ຮອງຫົວໜ້າພະແນກແຮງງານ ແລະ ສະຫວັດດີການແຂວງ, ມີອົງການຈັດຕັ້ງ 5 ບ້ານ, ປະຊາຊົນພາຍໃນບ້ານຫາດມາດ ຫ້ອງການກ່ຽວຂ້ອງຂັ້ນເມືອງ, ແຂວງ ແລະ ແຂກຖືກເຊີນເຂົ້າຮ່ວມ.


ພິທີ ທ່ານ ອຸ່ນເຮືອນ ເລຂາພັກບ້ານ, ນາຍບ້ານຫາດມາດ ຕາງໜ້າ 5 ບ້ານຂຶ້ນຜ່ານບົດລາຍງານການຈັດຕັ້ງປະຕິບັດວຽກງານການສ້າງບ້ານພັດທະນາດ້ານແຮງງານ ແລະສະຫວັດດີການສັງຄົມ ຄື: ບ້ານຫາດມາດ, ບ້ານຫາດຍາ, ບ້ານຫາດຂາມ, ບ້ານຫາດຄໍ້ ແລະ ບ້ານວັງແລ ມີຄອບຄົວທັງໝົດ 491 ຄອບຄົວ, ມີພົນລະເມືອງທັງໝົດ 2.631 ຄົນ, ຍິງ 1.267 ຄົນ, ອາຍຸ 14 ປີ ຫາ 60 ປີ ໄດ້ຮໍ່າຮຽນນິຕິກໍາມີ 1.596 ຄົນ,ຍິງ 835 ຄົນ, ປະຊາຊົນສ່ວນໃຫຍ່ແມ່ນຍຶດຖືອາຊີບໂດຍຫັນເອົາການປູກຝັງ-ລ້ຽງສັດ, ການຄ້າຂາຍ, ການບໍລິການ, ການປຸງແຕ່ງ, ກໍາມະກອນ ແລະ ພະນັກງານຈໍານວນໜຶ່ງ, ຜ່ານມາທາງຫ້ອງການແຮງງານ ແລະ ສະຫວັດດີການສັງຄົມ ເມືອງປາກອູ ກໍ່ໄດ້ນໍາເອົາກົົດໝາຍແຮງງານວ່າດ້ວຍການປະກັນສັງຄົມ, ດໍາລັດວ່າດ້ວຍການສົງເຄາະລົງເຜີຍແຜ່ໃຫ້ປະຊາຊົນໄດ້ຮັບຮູ້ເຂົ້າໃຈ ໂດຍປະຕິບັດຕາມ 4 ບາດກ້າວການສ້າງບ້ານພັດທະນາດ້ານແຮງງານ ແລະ ສະຫວັດດີການສັງຄົມ ແລະ 3 ມາດຖານການສ້າງຄອບຄອບພັດທະນາດ້ານແຮງງານ ແລະ ສະຫວັດດີການສັງຄົມ ແລະ 6 ມາດຖານການສ້າງບ້ານພັດທະນາດ້ານແຮງງານ ແລະ ສະຫວັດດີການສັງຄົມ ຄື: ປະຊາຊົນພາຍໃນບ້ານທີ່ມີອາຍຸ 14 ຫາ 60 ປີ ໄດ້ຮັບການຝຶກອົບຮົມຮຽນຮູ້ລະບຽບກົດໝາຍດ້ານແຮງງານ ແລະ ສະຫວັດດີການສັງຄົມ ໄດ້ 80 ສ່ວນຮ້ອຍຂຶ້ນໄປ, ມີຜູ້ຮັບຜິດຊອບວຽກງານແຮງງານຕາມຂໍ້ຕົກລົງກ່ຽວກັບການຮັບຮອງເອົາຕໍາແໜ່ງງານຂອງບ້ານປະຕິບັດໄດ້ 100 ສ່ວນຮ້ອຍ, ກໍາລັງແຮງານພາຍໃນຄອບຄົວອາຍຸ 14 ຫາ 60 ປີ ມີວຽກເຮັດງານທໍາດ້ານໃດໜຶ່ງ ຖືກຕ້ອງຕາມລະບຽບກົດໝາຍໄດ້ 30 ສ່ວນຮ້ອຍຂຶ້ນໄປ, ມີການຄຸ້ມຄອງແຮງງານລາວ ແລະ ແຮງງານຕ່າງປະເທດ ທີ່ອາໄສຢູ່ພາຍໃນບ້ານຖືກຕ້ອງຕາມລະບຽບກົດໝາຍ, ແຕ່ລະຄອບຄົວໄດ້ເຂົ້າເປັນສະມາຊິກກອງທຶນຊ່ວຍເຫລືອເຊິ່ງກັນ ແລະ ກັນເປັນຕົ້ນແມ່ນການຊ່ວຍເຫລືອຜູ້ທີ່ເສຍຊີວິດຢູ່ພາຍໃນບ້ານ ແລະ ມີສະມາຊິກກອງທຶນພາຍໃນບ້ານ, ປະຊາຊົນພາຍໃນບ້ານໄດ້ມີຊີວິດການເປັນຢູ່ທີ່ດີມີປະກັນສັງຄົມເພື່ອຮັບຮອງການພັດທະນາບ້ານ.

ທ່ານ ຊົ່ງປໍ່ຢ່າຮືລີໄດ້ຜ່ານຂໍ້ຕົກລົງ ຂອງທ່ານເຈົ້າເມືອງວ່າດ້ວຍການມອບໃບຢັ້ງຢືນຮັບຮອງເອົາຄອບຄົວ ແລະ ບ້ານພັດທະນາດ້ານແຮງງານ ແລະ ສະຫວັດດີການສັງຄົມ 5 ບ້ານ ໃຫ້ກຽດຂຶ້ນມອບໃບຢັ້ງຢືນຄອບຄົວພັດທະນາໂດຍ ທ່ານ ນາງ ເພັດສາຄອນ ຄຸນບຸນເຮືອງ ກໍາມະການພັກ ເມືອງຫົວໜ້າຫ້ອງການແຮງງານ ແລະ ສະຫວັດດີການສັງຄົມເມືອງ, ມອບໃບຢັ້ງຢືນບ້ານພັດທະນາແຮງງານ ໂດຍທ່ານສາຍພົນສຸກກະເສີມຮອງເລຂາພັກເມືອງຫົວໜ້າຄະນະຈັດຕັ້ງເມືອງ, ຕາງໜ້າຄະນະຈັດຕັ້ງເມືອງຜ່ານມະຕິຕົກລົງຂອງຄະນະປະຈໍາພັກແຂວງຫລວງພະບາງ ວ່າດ້ວຍການຮັບຮອງເອົາ 3 ໜ່ວຍພັກຮາກຖານບ້ານເປັນໜ່ວຍພັກປອດໃສເຂັ້ມແຂງໜັກແໜ້ນປະຈໍາປີ 2020 ໃຫ້ຈໍານວນ 3 ໝ່ວຍພັກຄື: ໜ່ວຍພັກບ້ານຄົກແສງສຸລິຍາ, ບ້ານຄົກຂ້າມ ແລະ ບ້ານຫາດມາດ ໃຫ້ກຽດຂຶ້ນມອບໃບຢັ້ງຢືນໜ່ວຍພັກປອດໃສເຂັ້ມແຂງໜັກແໜ້ນໂດຍທ່ານ ທ່ານ ສາຍພົນ ສຸກກະເສີມ ຮອງເລຂາພັກເມືອງຫົວໜ້າຄະນະຈັດຕັ້ງເມືອງປາກອູ ທ່ານ ສົມບຸນ ພົມມະປັນຍາ ຮອງຫົວໜ້າພະແນກແຮງງານ ແລະ ສະຫວັດດີການແຂວງມີຄໍາເຫັນທ່ານໄດ້ເນັ້ນໜັກທາງດ້ານວຽກງານວິຊາການໃນການສ້າງຄອບຄົວ, ບ້ານພັດທະນາດ້ານແຮງງານ ທ່ານສາຍພົນ ສຸກກະເສີມ ຮອງເລຂາພັກເມືອງ ຫົວໜ້າຄະນະຈັດຕັ້ງເມືອງ ມີຄໍາເຫັນໂອ້ລົມກ່ອນອື່ນທ່ານກໍ່ໄດ້ກ່າວສະແດງຄວາມຊົມເຊີຍຕໍ່ຄະນະຊີ້ນໍາຂັ້ນເມືອງ, ອົງການປົກຄອງບ້ານທີ່ໄດ້ນໍາເອົາເອກະສານການສ້າງບ້ານພັດທະນາດ້ານແຮງງານລົງເຊື່ອມຊຶມໃຫ້ພໍ່ແມ່ປະຊາຊົນຮັບຮູ້ເຂົ້າໃຈ ແລະ ນໍາພາຈັດຕັ້ງປະຕິບັດໄດ້ຮັບຜົນສໍາເລັດ.

ຮຽກຮ້ອງມາຍັງບັນດາອົງການປົກຄອງບ້ານຈົ່ງພ້ອມກັນສືບຕໍ່ຊີ້ນໍາພາຊຸກຍູ້ສົ່ງເສີມໃຫ້ປະຊາຊົນມີວຽກເຮັດງານທໍາເຮັດໃຫ້ຊີວິດການເປັນຢູ່ຂອງຄອບຄົວພໍ່ແມ່ປະຊາຊົນນັບມື້ດີຂຶ້ນເປັນກ້າວໆ ສືບຕໍ່ນໍາພາຈັດຕັ້ງປະຕິບັດປະເມີນຕາມ 4 ບາດກ້າວ 3 ມາດຖານການສ້າງຄອບຄົວພັດທະນາດ້ານແຮງງານ ແລະ ສະຫວັດດີການສັງຄົມ, 6 ມາດຖານການສ້າງບ້ານພັດທະນາດ້ານແຮງງານ ແລະ ສະຫວັດດີການສັງຄົມ ທີ່ທາງຂັ້ນເທິງກໍານົດໃຫ້ໄດ້ຕາມລະດັບຄາດໝາຍວາງໄວ້ ຈາກນັ້ນປະທານ ແລະ ຜູ້ເຂົ້າຮ່ວມເພື່ອເປັນການປະກາດ ບ້ານພັດທະນາກ້ານສີມືແຮງງານ ແລະ ສະຫວັດດີການສັງຄົມ ທັງ 5 ບ້ານຢ່າງເປັນທາງການ.
ພາບ-ຂ່າວ : ເມືອງປາກອູ