ໃນຕອນເຊົ້າວັນທີ 25 ກຸມພາ 2021ນີ້ ທ່ານ ບົວລີ ຈັນສີ ຮອງເລຂາພັກເມືອງ, ປະທານກວດກາພັກ-ລັດເມືອງອາດສະພອນແຂວງສະຫວັນນະເຂດ, ທ່ານຄຳມາ ທຳມະວົງ ກຳມະການພັກເມືອງ ຫົວໜ້າ ຫ້ອງການ ໂຍທາທິການ ແລະຂົນສົ່ງເມືອງ ພ້ອມດ້ວຍຄະນະ,ລົງຕິດຕາມການກໍ່ສ້າງເສັ້ນທາງເບຕົງເສີມເຫຼັກຜ່ານບ້ານຂອງປະຊາຊົນຊາວບ້ານຜັກຂະຍ່າ,ການກໍ່ສ້າງເສັ້ນທາງດັ່ງກ່າວແມ່ນໄດ້ດຳເນີນມາເປັນເວລາ10ວັນແລ້ວ, ຮອດປະຈຸບັນແມ່ນໄດ້ກໍ່ສ້າງໜ້າທາງສຳເລັດ 30%ຂອງໄລຍະທາງຕາມແຜນການກໍ່ສ້າງທັງໝົດ630ແມັດ,ຄວາມສາມັກຄີຂອງອົງການ ປົກຄອງບ້ານແລະພໍ່ແມ່ປະຊາຊົນຊາວບ້ານ ຜັກຂະຍ່າຮ່ວມກັນສ້າງສາພັດທະນາບ້ານໃນຄັ້ງນີ້ ທ່ານ ກົງສີ ເທບພະລາວີ ຮອງນາຍບ້ານຜັກຂະຍ່າ ໄດ້ລາຍງານໃຫ້ຮູ້ວ່າ: ຈຳນວນແຮງງານທີ່ປະກອບສ່ວນເຂົ້າໃນການກໍ່ສ້າງແມ່ນແຮງງານຂອງລູກຫຼານຊາວບ້ານຜັກຂະຍ່າທັງໝົດໄດ້ສັບປ່ຽນກັນເຮັດໃນແຕ່ລະວັນ ແລະໄດ້ຄິດໄລ່ອັດຕາຄ່າແຮງງານເປັນລາຍວັນຕາມໜ້າວຽກທີ່ເຮັດຄືຕຳ່ສຸດແມ່ນ 50ພັນກີບ ຫາ 1 ແສນກີບຕໍ່ຄົນຕໍ່ມື້ ອີງຕາມໜ້າວຽກໜັກຫຼືເບົາ, ຈຳນວນແຮງງານທີ່ເຮັດແຕ່ລະວັນແມ່ນ 30ຫາ40ຄົນຕໍ່ມື້, ໂດຍແມ່ນທ່ານ ທອງສະໝຸດ ລືນາມມະຈັກ ຫົວໜ້າບໍລິສັດທີ່ປຶກສາດ້ານພະລັງານນຳ້ນະຄອນຫຼວງວຽງຈັນຈຳກັດ ເປັນຜູ້ອອກແບບຄິດໄລ່ດ້ານການກໍ່ສ້າງ, ໃນການລົງຕິດຕາມການກໍ່ສ້າງໃນຄັ້ງນີ້ທ່ານ ບົວລີ ຈັນສີ ພ້ອມຄະນະ ໄດ້ມອບນຳ້ດື່ມຈຳນນວນ13ແພັກ ແລະເງິນສົດຈຳນວນ ສາມແສນກີບເພື່ອປະກອບສ່ວນເຂົ້າໃນການກໍ່ສ້າງດັ່ງກ່າວນຳອີກ.